احلى غلطة ♡♡

الحلقة 1

قاعدة في القاعة تضرب فالباب
بالشوية طاقتها وفات مالصياح صوتها
معاش فيه حوايجها مقطعة و لحمها ولا
ازرق من كثر الضرب حابسينها فبيت انا نهار
شطيح عليها بكثر ما هيا خايخة مالتعب
ما حستش بروحها كيفاه رقدت...
ستوب ستوب✋🚫 نعرفكم على بطلتنا
غفران بنية اقل ما يقال عليها انها قنبلة
شعرها اكحل واصل لضهرها عينيها شهل و
رموشها طوال فمها صغرون روز و ستيلها يفتق مانكا على حالها عاشت طفولتها مرتاحة و
فرحانة مع عائلتها عندها 3 خوات اميمة
ابتهال و احمد لين توفات امها بسرطان الثدي
( عفانا و عفاكم الله😇🙏👼 ) و هي عمرها
12 سي خالد بوها قعد 4 سنين ما عرسش لين
خواتها لبنات عرسوا و سافروا و خوها مشا
يقرا في ايطاليا كان هي ختارت شتقعد معا بوها
باش ما تخلشي وحدو لين قرر باش يعرس ما
نطولش عليكم عرس بمرا ابليس على حالها
تكره غفران في الدم و كل ليوم تقردلها
تريحة من عند بوها و تو عمرتو علاها باش
يعرسلها بواحد شايب كبة ساق في البر و
ساق في القبر كي قالت لا ❌ ضربها
قطعلها لحمها جيست خاطر هالشايب غني
و عطاه 150 مليون مهر ...
نرجعو للحاضر في الصباح قامت تلقى روحها
راقدة عالزليز بدنها مدقدق مش منجمة تقف
على ساقيها شدة فالحيط بدلت حوايجها شدت
شعرها و هبطت تلقاهم يفطروا
غفران: صباح الخير...
خالد: عرسك بعد غدوة...
غفران تصدمت معنتها هي طفلة عمرها 17 عام
بش تعرس براجل عمرو في السبعينات
غفران:يا باا...
فادية( مرت بوها): كلمة لا و فيسع قوم عنى
برشا قضيات شنعملوهم