Unicode
ကျောင်းသူအဆောင်၏ဂိတ်ပေါက်ဝအတန်ငယ်
အရိပ်ကျနေသောနေရာတွင် ကောင်လေးတစ်ယောက်သည်
လက်နှစ်ဖက်အား ဆုပ်လိုက်ဖြန့်လိုက်လုပ်ကာ
အကြည့်သည်လည်း ကျောင်းဆောင်တွင်းမှ
ထွက်လာမည့် ကျောင်းသူတစ်ယောက်အား
အကြိမ်များစွာမျှော်ကြည့်လျက်ရှိသည်။
မိနစ်အနည်းငယ်ကြာသည်နှင့် ကျောင်းဝင်းမှ
မိုးပြာရောင်ဒူးဖုံးဂါဝန်၊
ရွှေဝါရောင်သန်းနေသောဆံရှည်ကို တစ်ဝက်စည်းနှောင်ထားပြီး
ရိုးရှင်းလှသော အဖြူရောင်လေဒီရှူးတစ်ရံသာ ဆင်မြန်းထားသော်လည်း
သူမ၏ နူးညံ့ကာ
ကြင်နာဟန်ရှိနေသော လှပကျော့ရှင်းသည့်
မျက်နှာနှင့် ပေါင်းစပ်လိုက်တော့
ကျောင်းအလှပဂေးဆိုသည့်ဂုဏ်နှင့်ထိုက်တန်စွာ
အဖိုးမဖြတ်နိုင်သောအလှတရားမှာ
အလျှံအပယ်ထွက်လာတော့သည်။
ထိုကျောင်းသူမှာ သူမအားစောင့်မျှော်နေသော
သူကိုတွေ့လျင်တွေ့ချင်း
ပြုံးရွှင်စွာ လွတ်လပ်ပေါ့ပါးစွာ
ကောင်လေးထံပြေးလာကာ
အတန်ငယ်အားနာဟန်ဖြင့်
"တောင်းပန်ပါတယ် ကျွန်မနောက်ကျသွားတယ်
ရှင်အတော်လေးစောင့်လိုက်ရလား''
"ကျွန်တော်လည်းရောက်တာမကြာသေးပါဘူး''
ရှောင်မုစိတ်လှုပ်ရှားလျက် မကြာသေးကြောင်းပြောလိုက်သော်လည်း
အမှန်မှာ လွန်ခဲ့သောတစ်နာရီကတည်းကကြိုရောက်နေခဲ့ခြင်းဖြစ်သည်။
သူ၏နတ်သမီးနှင့် ချိန်းတွေ့ရမည်ဆိုသော
ကြောင့် စောစောထပြီး
ဝယ်လာသောအက်ျီများအား တစ်ထည်ပြီးတစ်ထည်မွှေနှောက်ကာ
စိတ်တိုင်းကျပြင်ဆင်ပြီးသောအချိန်၌ ချိန်းထားသည့်အချိန်ရောက်ရန် အတော်လေးလိုနေသေးသည်။
"ကျွန်မတို့ ဒီရုပ်ရှင်ကြည့်ရအောင် ''
"အင်း အတော်လေးကောင်းမယ့်ပုံဘဲ''
ရှောင်မုပေါက်ပေါက်ဗူးနှစ်ဘူးကိုင်လျက်
ရုပ်ရှင်ကားအားမကြည့်ဘဲ
သူ့ရှေ့မှပျော်ရွှင်စွာပြောနေသော
သူ၏နတ်သမီးကိုသာ ငေးကြည့်နေပြီး
ကြည့်ရန်သဘောတူလေသည်။
ထို်နောက်လက်မှတ်နှစ်စောင်ဖြတ်လိုက်ပြီး
ရှောင်မုရှေ့မှဦးဆောင်သွားလိုက်ရင်း
ထိုင်ခုံရှာကာ ကောင်မလေးအား
အတွင်းဘက်လုံခြုံသောဘက်၌ ထိုင်စေသည်။
YOU ARE READING
ငါ့ကိုငွေနဲ့ပေါက်မယ့် အန်တီကြီးရောက်လာပြန်ပြီ(Uni&Zawgyi)
RomanceTitle - 阿姨帶著錢來找我 Uni& Zawgyi ငါ့ကိုေငြနဲ႕ေပါက္မယ့္အန္တီႀကီးေရာက္လာျပန္ၿပီ ေရွာင္မုဟာ တကၠသိုသ္တစ္ခုမွာပန္းခ်ီအႏုပညာဘာသာ တက္ေရာက္သင္ယူေနတဲ့ တကယ့္ကိုတကယ့္ကို သာမန္ေက်ာင္းသားတစ္ေယာက္ပါ သို႔ေသာ္ သူေက်ာင္းအနီးနားရွိ ေကာ္ဖီဆိုင္မွာ ထိုင္ေနရင္း ေနရင္းထိုင္...
