دكتوره لو شيخه؟! ( مكتمله)

هل للقدر رأي اخر ؟

-الو
نعم سيدي
-ابو حمزه بلا امر عليك جيب لابتوبي وتعال هسه !!
امرك سيدي
سديت تلفوني وكتله
اريد السويج وانطانياه علي وشربنه الجاي باوعت لساعه ايدي صارت الساعه ب ٩:٣٠ الصبح
انتوا متريكين ؟
علي : لا والله احمد انت تعرف شصار بينه وشلون كعدنه من الصبح
زين تكدرون تسولفولي شنو صار ؟

واشرت للولد يجي وطلبت سندويشات لعلي ولزهراء
حجيناله اني وزهراء كلشي

وبهاي الاثناء اجه ابو حمزه هو يمكن حارس ما اعرف شنو يم صديقي احمد

تفضل سيدي هذا لابتوبك
احمد:
شكرا ما قصرت واخذ الابتوب من ايده
هذا السويج اخذه
وكله اريد فلاش اكو بالجكمجه  والسياره علاوي يدليك عليه جيبه

واداله التحيه وراد يروح بس
زهراء :صحت وراه
ممكن جيب تلفوني وياك من السياره بدون زحمه ؟؟؟
اي ادللي
تسلم اخويه
انتظرناه يجي بعد ما علي وصفله مكان السياره
وعلي اكل شويه بس اني مكدرت اكل ابد وعتذرت من احمد مالي نفس كلش وتفكيري يم ابويه كل شويه ابجي

.....

اجه وجاب التلفون والفلاش
زهراء اخذت تلفونه واحمد اخذ الفلاش وهذا الرجال راح

فتحت تلفوني وشفت ٥٤ مكالمه فائته من علي
ابتسمت على علي هو شكد يدك ويتصل عليه واني بالشهر لو ادك عليه مره وحده لو لا
احجي ويه نفسي ونسيت السالفه
سديت الفون ورجعت اباوع ويه المقدم احمد ع الابتوب وعلي كام صار ورانه واكف
انفتحن التسجيلات واني عيوني كامت دمع وحده
واحمد انطاني كلنكس
شافهن علي واحمد وظلوا مركزين كلش زين اني سبق وشفتهم
سد اللابتوب وكال :

شوفي زهراء حسب خبرتي راح اكلج الاتي يجوز صح ويجوز لا

اي نعم تفضل ؟

هذوله اي هجموا عليكم ابوج يعرفهم وهمه يعرفوا يعني راح نستبعد فكره هذوله مجرد حراميه او متوهمين بيكم وجايكم بالغلط

زهراء: اي صح اني هم هيج فكرت
علي
زين هذوله منو لعد ؟!
يحجي وخال ايده على لحيته
واني اباوع عليه وهو يفكر ومركز شكله جان حلو بس اني راسا درت وجهي
ما اعرف اني منو بس راح اعرفهم
وبعدين هذا الي چان وره الاشجار اجته فرصه يقتل زهراء من علي راح وهي ماوياه سلاح
علي: اني وزهراء نشك بواحد
زهراء ردت احجي بس حنين دكت عليه بالتلفون
الو ها حنين
زهراء الدكتور يريدكم

كمزت على حيلي واحمد كام ورايه
شكو خير
حنين شبي ابويه خو مابي شي
لالا والله مابي شي بس الدكتور يريد يحجي وياكم
اي هسه جايين
سديت التلفون
علي ، مقدم احمد
الدكتور يريدنه
اي يله امشو بس خو ما الحجي بي شي
لا مابي شي الحمد لله
شال لابتوبه وحاسب ابو الكافتيريا
ورحنه للمستشفى
المستشفى كله ناس واسمع صوت عياط يمكن جايبين شهيد اني كلبي انقبض من صوت الصياح والعياط يمكن هاي امه خطيه صوت عياطه هز المستشفى هززز