أيا اللي راكم تقراو هكذاك ومتديروش فوت غير ندور عليكم ونلحڨ الشخصيات كامل بمحمد نقتلهم كامل ونبدل إسم الرواية نڨلبوا عشق في المقبرة أو راني نديرها نورمال ديروا فوت متقلقونيش 😠😠
************************************
أي سحر وضعته في عيناك يا فتاة تلك العينان التي تسحرني و تخدرني و تفقدني وعيي فور أن أنظر إليهما بريقهما يجذبني عن بعد أميال و أميال لا أرى شيئا من حولي سوى تلك اللمعة الرائعة التي تتربع على عرش رونقهما الأخاذ ❤
💜من تأليفي💜
************************************
واقف الصباح ڨدام دار رحيق يستنى فيها عيطلها يجي 10 مرات مجاوبتش ولا يعيط من برا بشوية و مبعد هز الحجر و ڨاعد يضرب في التاقة تاعها ......
أما رحيق كانت راڨدة في سابع نومة من العيا مسكينة ورالتيليفون مدايراتو سيلونسيو ........
ناضت ناناها على صوت تاع حس في التاقة لڨات رحيق راڨدة غطاتها و ناضت باسكو لبارح رڨدت معاها في شمبرتها توحشتها بزاااف .......
طلت على التاقة لڨات واحد يطارش في التاقة بالحجر و يعيط على رحيق معرفاتوش و تخرج ليه هو عرفها كان رايح يتحضنها (باسكو المهمة اللي راحو فيها هو و رحيق ڨعدوا فيها شهرين )
بصح هي هكذاك ناضت من النوم ماهيش تشوف مليح و هو تبدل شوية معرفاتوش وتنحي صباطها وتجري ليه وتحكمو لراس مسكين تضرب و تهدر :" يالرخيس ياللي متحشمش يالطحان تتبلى في بنات الناس ڨدام ديارهم شفت معندها لا بوها لا خوها تحسبها ساهلة يالكلب ولد الكلب ......
نطڨ هو يا خالتي نوضي عليا خليني نفهمك ڨاتلو :" أسكت صكر فمك و صححلك ربي الوجه زايد تهدر و تجاوب فيا كي شغل ما درت والو .....
جات رحيق خارجة ناضت كي سمعت الحس، شعرها طالع لابسة جبة تاع ناناها عرييضة و طويلة تمشي وتحك في شعرها . وڨفت تثاوب هي شافت ناناها تضرب في يوسف و تطرطڨ بالضحك وڨفت ناناها تشوف فيها و يوسف وڨف حاكم راسو مسكين و يمسح عليه وجعوا من كثرة الضرب ( دڨدڨتلو راسو مسكين 😂😂)
تنحنحت رحيق و مبعد نطڨت :"نانا وش راكي ديري هذا يوسف معرفتيهش ؟!"
يبست الحاجة فاطمة في بلاصتها من التبهديلة و مبعد دارت ليوسف و ڨالت:" آيوسف بني سمحلي و الله معرفتك حطيتك جاي تتبلى في رفيق "
طرطڨ يوسف بالضحك:"ههههههههههههه لالا عندك الحق رفيق تاع الصح . بصح ڨوليلي يعني هاذي شكون يتبلاها اللي يشوفها يتخلع آنانا ."
ضرباتو رحيق لكتفو و دارت لهيه ضحك و ڨالها :"أيا خلاص ميغيظكش الحال نضحك برك هيا روحي بدلي قشك عندنا خدمة اليوم ."
************************************
ناضت سارة الصباح دوشت و لبست قشها
أنت تقرأ
كرونيك صراع مع القدر (باللهجة الجزائرية)🔥🔥
Romanceفي حياتنا نخططوا بزاف باش نحققوا أحلامنا وطموحاتنا بصح واحد ما علابالو واش مخبيلنا القدر
