تتمة للأحداث السابقة
سفيان ( استغرب بعض الشيء .. وحس انه امه ماهيش على بعضها كيما موالف .. حتى انه نسى كامل واش كان رايح يدير ) واش بيك يما .. غير الخير
وسيلة (حكمتله يده وتبسمت ) هذا الهدرة ماخصش نحكو فيها بالوقاف .. ارواح نقعدوا ونحكو بغرضنا
سفيان ( هز راسه وتمشى مع وسيلة .. وهو يخمم في واش تحب تحكي معاه ياترى .. لتكون مريضة او بيها شيء .. في تلك الاثناء قعدوا جنب بعض بحيث هي تعدلت في جلستها وقابلاته ) هانا قعدنا يما .. احكيلي راني نسمع فيك
وسيلة ( فركت يديها مع بعضهم البعض ) انت عارف ياولدي انه انت بقيتلي من بعدما باباك طلقني .. ونعتبرك ماشي برك ابن .. لالا سند وظهر وكلشي عندي فالدنيا هاذي والام ياولدي لحتى تحمي ابناءها تديرلهم اي حاجة لحتى ماتشوفهمش في يوم من الايام زعفانين
سفيان ( عقد حواجبه ) يما فهميني راكي مريضة ولا حاجة
وسيلة (حكمتله يديه وزيرت عليها ) اسمعني للاخير يا ولدي
سفيان ( هز راسه وضحك ) حاضر
وسيلة ( عينيها تعمرو دموع وقلبها زير عليها بزاف ) انا درت حاجة ماشي مليحة .. حاجة ربما غدوة قدام ربي رح تلومني عليها
سفيان ( لحظات لمح دموع هابطين .. بنبرة كلها تساءل قال ) وش هي هاذي الحاجة
وسيلة غمضت عينيها وتذكرت كيفاه حكمت رايها على انه يزوج ب ايمان .. وكيفاه مشات عند هذاك الطالب وجابت الطلاسم وصارت كل ليلة تحرق فيها .. بدون حتى مايرفلها جفن ولا تسال روحها اذا كان ابنها رح يكون بخير ولالا
كانت انانية .. انانية جدا ماشي فقط دارت سحر لالا .. طفلة ماتعرفها ماشافتها كرهتها وقررت تحاربها .. وتمثل انه سحرتهم .. مع انه هي وسيلة الى عملت كامل السحور لحتى ربي ورالها نتيجة اعمالها في ايتين ..
الاولى لما اغتصبها هذاك الحقير .. والثانية لما ايمان خرجتلها ذيك الخرجة وربما رح يصرى اكثر من هكا ولازمها دير اي حاجة لحتى تسلك ولدها .. ومن يدرى بلاك يسامحها وينسى الى فات .. وبينما هي تحاول تلقى كلمات مناسبة تفتح الباب تاع برى
ايمان ( دخلت وغلقت الباب .. لحظات هي حتى لمحتهم قاعدين فالصالون ) مساء الخير
سفيان ( نسف اول ما لمحها ) واش جابك في هذا ليل
ايمان ( تقدمت من وسيلة وسلمت عليها ممبعد قعدت فوق الكرسي ) جيت باه ندي وحد الحوايج نسيتهم لهنا
سفيان ( ضيق عينيه .. وبق مقدقق معاها ليباغتها ب سؤال اخر ) شكون جابك
ايمان ( تبسمت ) بابا
سفيان ( هز راسه .. ممبعد عمللها بيده روحي ) مالا روحي جيبي حاجتك وطيري من هنا
ايمان ( ضحكت بصوت عالي ) طرد فيا واقيلا .. وزيد نحب نقعد معاكم شوي .. توحشتكم وتوحشت خالتي بزاف
أنت تقرأ
راقصة في عهدة ظابط / الكاتبة منال منولة
Romanceعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
