الضابط الطاغي والخرساء

بارت1

البارت الاول
اسمي افراح عمري 16 سنه تاركه المدرسه بسبب النطق
اعيش وي عائلتي في الجنوب في محافظة الناصريه
مواصفاتي حنطاويه عيوني خضر وراثه على جدي شعري اشقر
مو طويل كولش لنهاية ظهري طولي 168 سم
اني مربربه شويه يعني وزني تقريبا 59 او بداية 60
عائلتي تتكون من :
الاب: جاسم 50 سنه موظف بوزارة الزراعه
الام: فاطمه ربت بيت
الاخ الاكبر: اكرم 27 يشتغل بيع وشراء السيارات يعني بالمعارض
خاطب بنت عمه علياء
حسنين: الابن الوسط 25 سنه عسكري تجنيد الزامي لان القصه بزمن النظام السابق وهو خريج كلية هندسه مدني
احسان :الاخ الاصغر 20 طالب كلية تربيه انكليزي
الاخوات
(اكرام 18 سنه ، زينب 13 سنه ،والتوءم ايلاف واطياف 10 سنوات )
❤️❤️
البطل
اسمي حمزه اشتغل ضابط بشرتي حنطيه شعري اسود
عيوني سود وحادات طولي 191شخصيتي عصبي قاسي مستبد بسبب الضروف الي عشتها بعدين نذكرها
مزوج بنت عمي وهاجرها يعني طلكتها
عايش بس اني وامي عائلتي هي امي لان اني الوحيد لآمي
بعد مامات والدي عافني اني الوحيد لأمي
ام حمزه (سليمه):58 سنه تعاني من شلل بأطرافها السفلى وخلل بالعقل وتفقد السيطره على نفسها احيانا ويغمى عليها
سعاد( زوجة حمزه السابقه ):32 سنه ربت بيت عدها طبع الخباثه هي متحب حمزه وازوجو غصب لان هي تحب ابن خالها

افراح: قصتي تبدأ من عمري 16 سنه عام 1997
حيث كانت عائلتي تعيش بسعاده وراحة بال وسلام
على الرغم من حالتنا الماديه المتوسطه بس مرتاحين وممحتاجين شي شنو نريده موجود واخواني ممقصرين همات
حتى جاء اليوم المشؤوم وغير حياتي وحياة اهلي جذريا

ام افراح: يله فروحه يمه اكعدي جهزي اخواتج للمدرسه وسوي ريوك لأبوج واخوانج
افراح :كمت غسلت ومشطت شعري ورحت جهزت الريوك ولبست البنات ومشطتلهم شعرهم لان ميعرفن بوحدهن يمشطن
اخواتي زينه وزينب دوامهم عصري
الاب :صباح الخير
الكل :صباح النور
الكل تريكو وطلعو لدوامهم
الام :يمه فريحه (دلع افراح)انتي خلصي شغل البيت واني اروح اكعد خواتج ذني الخارمات (خارمات يعني مو نادرات)شنو النوم لهسه وانتي تفترين لوحدج...

❤️❤️❤️❤️❤️❤️❤️
راحت الام كعدت البنات طبعا بالصياح عليهن وانواع الرزايل يله كعدن
افراح : بالاشاره يمه كملت التنظيف اسوي غدا
الام :لا يمه انتي روحي ارتاحي اني راح اسوي الغدا
افراح :رحت لغرفتي طبعا غرفتي اني وخواتي التوأم لان متعلقات بيه من هنه وصغار عندي بالغرفه مالتنه كنتور ابو 3 خانات خانه منهن عباره عن مرايه طويله يعني ينشاف بيها كل الجسم ،،،
تباوعت بالمرايه على شكلي .. ليش ياربي اني شنو ناقصني مااحقق احلامي بسبب انو اني خرسه وظليت امدح بنفسي كدام المرايه
قاطعني صوت اخوي اكرم
اكرم :افراح تعاي حضريلي جنطه صغيره وخليلي بيها ملابس الي اريد اروح لبغداد بشغل
افراح :بالاشاره من عيوني
رحت حضرت ملابس اكرم بالجنطه وخليتهن على سريره وطلعت لكيته يم امي يبوس بأديها
بعدين سلم علينه وطلع
افراح :(بالاشاره) يمه شبيج ليش ضايجه اكو شي
الام :ماادري يايمه كلبي لاجمني على اخوج ماادري ليش هالمره كلبي مامرتاح
فراح :يمه ان شاء الله ماكو شي
الام :الله كريم يمه 😔
افراح :(بداخلها) كلام امي قلقني
صارت الساعه ب 11 ونص راحن اكرام وزينب للمدرسه لان المدرسه شويه بعيده عن البيت
اكرام سادس علمي وزينب اول متوسط
صارت الساعه ب 12 رجعن إيلاف واطياف من المدرسه بوستهن بالباب وحضنتهن اشتاقلهن بسرعه ودخلتهن غسلن وبدلن
صارت الساعه 2 رجع ابوي من الدوام ..
الاب :السلام عليكم
الام وافراح (بداخلها) :وعليكم السلام
الام :كواك الله ابو اكرم
الاب :كوه الله حيلج ياغاليه
افراح :يمه احضر الاكل
الام :اي يمه ابوج وخواتج جوعانين
افراح :رحت جهزت الغدا وتغدينه
الام :ابو اكرم اكرم راح لبغداد
الاب :هاا خير ان شاء الله يرجع بالسلامه بس كون ميسوق سرعه
الام :والله كلبي لايب عليه
الاب :كولي يا الله يامره الكاتبه الله يصير
افراح :خلصنه اكل ولميت السفره ورحت سويت جاي لأمي وابوي شربو وراحو لغرفتهم
انه رحت سبحت ومشطت شعري وخليت كحل لان احب احط كحل يبرز عيوني واطلع اخبل واني عندي خدود وحنطاويه على حمار كولش حلوه
نزلت لملمت البيت خاف اخواتي الصغار موصخات البيت بالعب
صارت الساعه ب4 رجعن اكرام وزينب من المدرسه
سلمن عليه وبوسني وراحن يغيرن ملابسهن ويخلن غدا ويتغدن
افراح :طبعا اني اهلي كولش ينتبهون عليه ويعاملوني بحنيه لان يخافون عليه خاف تصير بيه حاله نفسيه بسبب فقدان النطق ميحسسوني انو انه خرسه
اما بالنسبه لدراسه اعرف كولشي لان من صغري ادرس وي اخواتي وماتاركه الدراسه حتى لو بالبيت واني اساعد اخواتي الصغار بالواجبات
صار المغرب كعد ابوي وامي صلينه وجهزنه العشا
العشا جاهز عدنه
جبن عرب وگيمر وروبه ونسوي جاي وياه ونكلي وياها للي يريد بتيته او كبه
كملنه عشا كعدنه نسولف ونتباوع على التلفزيون برامج... شويه وندك الباب
راح ابوي فتحه طلع جاي حسنين من الجيش
حسنين :السلام عليكم
الكل :وعليكم السلام
الام:هله يمه هله يبعد كلبي خايب طاك گلبي عليك غيابك شلع كلبي
حسنين :فدوه اروحلج يمه مشتاكلج والله
راح حسنين حضن امي ويبوس بديها وراسها ورجع سلم علينه وبوسنه وجايب وياه حلويات للبنات
حسنين :بنات فدوه حضرولي الحمام ميت من التعب
الام :كومي اكرام حضري الحمام لأخوج
راحت اكرام تحضر الحمام
الام :يمه افراح سوي عشا لحسنين
حسنين :لا يمه مااشتهي العصر اكلت اريد اسبح وانام
الام :اي يمه روح ارتاح
صارت الساعه ب10 كلمن راح لغرفته نام
*طبعا الي يسأل على أحسان يكول ليش مذكرينه
أحسان طالب اقسام داخليه بغير محافظه ودوره بالقصه قليل جدا...