DAMA TA BIYU
(The Second chance)
🌍 *HAJOW* 🌍
🌍*HAKURI DA JURIYA ONLINE WRITERS*🌍
_(United we stand,our aim is to educate,entertain and enlighten our readers in a adventurous manner.)_
Facebook:ZahraArkel/Hakuri da juriya online writers.
Wattpad:ZahraArkel.
Insta:Northern_life_stories.
RAYUWAR FATIMA da NABEEHA tasa na gane ANA BARIN HALAK..ko don kunya kuma QADDARA CE SILAR data sa ake samun DAMA TA BIYU....
Littattafan marubuciyar (ZahraArkel)
1.Rayuwar fatima
2.Nabeeha
3.Ana barin halak
4.Qaddara ce sila
5.Dama ta biyu
*I dedicate this Novel to my late twinnie Hauwa'u Muhammad sani,i truly loves u sis*
Part Two
Page Five.
•••••Jannah ta qyaqyale da dariya tana kallon ta tace "Sarkin kuka ke duk qanqantar abu baya hana ki kuka yanzun menene abun haushi anan har da hawaye kuma?"
Cikin tsabar takaici tace "Baki ga irin wulaqancin da ya min ba ya barni a tsaye sannan kuma yace wani nice class captain dinsa,wallahi Allah bazan kai masa ba saidai yayi min duk abinda zaiyi."
Juwairah dake qarasowa wajen tace "Kedai wlhy Lily bansan irin ki ba ke har yanzu ta da ce ni idan nice yai ma haka ai dadi zanji ya gane ni zai cigaba da kallona kuma wallahi koba dalili sai naje."
Tsaki taja tana goge hawayen ta saboda jin muryar mallamin su na Physics da zai shigo yana magana da wanda bata san ko waye ba.
Jannah tace "Kuma ma dai kece kika so hakan naga sauran babu wanda yace musu su zauna suka zauna sai kece sai ya baki izini zaki zauna kema dai wlhy kina da rigima wani sa'in."
Tsabar takaici bata iya cewa komai ba ta cigaba da duba littafin ta lokaci lokaci tana share fuskar ta saboda hawayen daya qi daina zuba.
Mallamin ya shigo ya shiga darasi sosai ya gama ya fita,haka mallamai sukai ta layi har akayi break aka fita.
A sannan ne kowa ya samu damar yin class work dinsa na turanci suka tattarawa Immileey a gabanta kamar zatai kuka ta diba taje ta ajiyewa Christine tace "Kece yace assistant dina don haka ki kai masa ni bazan iya ba."
Zaro ido tayi tana kallon ta tace "Amma dai wasa kike ko?"
Immileey ta turo baki tace "Ban gane wasa ba,meyasa zanyi miki wasa?da gaske nake bazan iya kai wa ba ni ban ma taba zuwa staff room ba."
Girgiza kai tayi ta tura mata su gabanta tace "Wasa kike Allah,ke yace ki kai masa ina zaman zama na baza ki jaza min ba in baza ki iya kai masa sai ki jira gobe idan ya shigo sai ki bashi amma nikam bazan je ba." Tana gama maganar ta miqe da kudi a hannun ta tayi ficewar ta.
Da kallo ta bita idonta ya ciko da qwallah tsakanin ta da Allah ita ko ganin sa bata son yi wataqila ma ya fahimci haka ne shiyasa yake son takura rayuwar ta,taja tsaki tana share guntun hawayen ta ta debo litattafan kamar ta kurma ihu ta fita daga class din ta nufi staff room don tasan dai ba yanda ta iya dole ne taje dole takai masa tunda Christine din da take tunanin zata dafa mata ta goce tana tafe tana goge hawaye tsabar takaici har ta isa bakin ofishin nasu ta tsaya cak tana hango mallaman daga ciki kowa kan table dinsa amma bata ga Jalaal ba don haka da sauri ta juya da nufin komawa sai ko gob ta ci karo da mutum Allah ma yasa ta riqe litattafan sosai da sai sun tarwatse a wajen.
Cikin in'ina tace "Unm,,,am am sorry."
"Its Okay." Ya fada da husky voice dinsa yana tsare gida,hannu ya miqa mata lokacin data daga kanta da sauri tana kallon sa yace "Bani."
Duk da yanda taso dannewa saida ta rikice jikin ta ya danyi shaking kadan kafin ta daidaita kanta,ta miqa masa books din,ta gefen ido ya kalle ta yace "Kin cika nauyi ki gyara nan gaba bana son mutum mai nawa." Yana gama maganar yayi shigewar sa.
Da mamaki ta kalle shi tana maimaita kalmar "Nawa." A ranta.
Da sauri kuma ta wuce kafin wani mallamin ya ganta ta jawa kanta punishment.
****
Karatu ne ya taso su gaba sosai don zasu fara jarabawar first semester.
Abdulraheem ya shigo dakin da kowannen su ya kama corner daya yana aikin karatu da litattafai da computer ya ajiyewa kowa lemon daya shigo dasu da snacks kana ya zauna yana cewa "Guys muna gama exams fa zamu je nigeria nida family na."
Singh ya kalle shi da sauri yana cewa "Ah lallai na maka murna dole ne kaji dadi wannan shine lokacin ka na farko ko?"
Jinjina masa kai yayi yana dariya,Ria tace "Na maka murna sosai."
Lameen kam bai motsa ba ya cigaba da abinda yake yi kawai don haka ya kalle shi yace "Kai baza kayi min murnan bane?"
Tabe baki yayi haka kawai ya tsinci kansa jin rashin dadi yau dinnan bai kuma san dalili ba yace "Na maka murna saidai kasan nigeria ba wata qasa bace da zaka ji dadin zuwan ta,ko wutar lantarki babu sai generator."
Singh yace "Haba mana guy,shi gari ai dangi ake zuwar wa ba wajen ba don haka ba wani zancen kayan more rayuwa yake ba zancen dangin sa yake yi."
Sake tabe baki yayi ya cigaba da abinda yake ya bar Abdulraheem da kallon sa kawai da tunanin wani abun daban.
Haka suka qarasa karatun babu wani jin dadi a cikinsa suna gamawa suka yi masa sallama suka tafi don daman a gidan sa akeyi ranar.
Suna fita ya janyo wayarsa ya kira Mummy video call,yaci sa'a tana kusa yana shiga ta dauka da murmushi kan fuskar ta tayi masa sallama,shima dole ya shimfida nasa a kan fuskar sa ya soma gaishe ta.
Abun ka da uwa saida ta gane yana cikin damuwa tace "Yadai Lameen meya same ka?"
Yana girgiza kansa yana kallon Baby Eve dake wasa da wani abun karatu a gefen ta yace "Wallahi Mummy haka nan yau na tashi ba dadi ina ganin dan adamtaka ne kawai."
Ta jinjina kai tace "Yeah gaskiya ne Allah ya sauwaqe nidai ina qara jaddada maka addua itace a gaba azkar dinka kada su dinga wuce ka don koma menene zai samu mutum zai zo da sauqi,Allah ya kyauta."
Murmushi yayi yace "Amin Mummy."
Haka kawai ya tsinci kansa da cewa "Mummy wannan babyn ce ta girma haka?"
Ta kalli Baby Eve dake kallon screen din tana dariya en haqoran ta na sama da qasa da tai sun firfito abun sha'awa kamar er turawa tace "Wallahi kuwa ai jikinta kamar na kajin gidan gona yake nan da nan take girma." Ta qarasa da dariya.
Shima dariyar yayi yace "Kai Mummy gata nan MashaAllah tubarkallah tana dan yanayi da My Jaan a fizge."
Mummy ta girgiza kai tace "Kawai farar fatar ce iri daya amma kam basa kama."
Ya jinjina kai yana kallon Baby Eve dake ta tsalle tana son kamo wayar Mummyn ta hana ta,a hankali ya fara mata wasa sai gashi tana qyalqyala dariya sosai ga mamakin sa gabadaya rashin dadin da yake ji sai ya ware ransa da yaji yana baci tun safe ya nema ya rasa sosai babyn ta debe masa kewa sun dade a haka ko Amnah bai nema ba saida Mummy ta juyo daga shirya kayan da take a wardrobe tace "Wato yau ko Amnah baza ka tambaya ba saboda ka samu wannan kodaddiyar yar taka ko?to dai da tsohuwar zuma ake magani."
Dariya yayi yace "Nasan bata dawo daga school ba shiyasa."
Mummy tace "Ah saboda dai ka samu madadin ta kuma zan fada mata."
Yana dariya tare da shafa sumarsa kwantacciya yana nutsa hannun sa a ciki yace "Aa haba mummy ni a wa zan yar da My Jaan,kawai dai wannan ta tuna min da ita da tana baby kamar ita ko Baby Girl?"
Tsalle Baby Eve tayi saboda yanda ya yatsine fuska yana dariya saita zata wasa yake mata takai hannu kan screen din tana gwalangwatu irin na yara alamun itama magana take masa.
ZahraArkel ce!
