VOODOO
Hindi dapat ginugusto pero nakakaramdam ng ganito
Sa tuwing ika’y lalapit kumakaripas itong puso
Kamay nanginginig, hindi malaman kung anung nasa isip
Maging salita ko tuloy, nagkakandapilipit
Ano nga bang dinulot mo , katawan tila hindi kontrolado
Sa tuwing ako’y lalayo, parang dinudurog ang puso
Mga salitang minsang hindi sinasabi
Ngayon lagi ng namumutawi sa labi
Ano nga bang dulot mo, sa tuwina ika’y nasa isip
Mula umaga, tanghali, maging sa panaginip
Kaya ako’y nag-imbestiga, at tsaka ko lang naunawaan
Langhiya! Lahat ng ito pangkukulam mo lamang
Sabihin mo kung nasaan ang manika
Na gamit mo para puso ko’y iyong makuha
Sisirain ko iyon ‘pag aking nakuha
Upang matanggal itong mga ginawa mong sumpa
Nang aking mahanap agad kong sinira
Pinunit, sinunog, nang sa gayo’y walang matira
Pero hindi maipaliwanag, meron pa ring nararamdaman
Siguro nga TUNAY NA PAG-IBIG itong aking nararanasan.
#TAGA-ILOG09 02/16/2015
BINABASA MO ANG
Bulong ng Damdamin #Wattys2015
PoetryMga tulang binubulong ng damdamin. Mga tulang nais sambitin, sa mga taong nais 'tong intindihin, lalo na sa taong aking mamahalin.
