دكتوره لو شيخه؟! ( مكتمله)

احببتها فظنت اني قاتل والِدها !

ميس
شنو السالفه منو هاي من الصبح رقم غريب يدك عليه
اني ما اجاوب ارقام غريبه بس هذا زوده من فتحت تلفوني ساعه بالتسعه تقريبا لحد هسه ب١١راح صير وكل شويه يتصل عليه
قررت ارد واشوف منو هذا الي ميستحي ولزكلي

الو منو حظرتك
واخيرا انتي رديتي اي كولي واحد يموت ينكتل هو هيج بشرفج ؟؟؟؟

ياااا فهد ولج يمه فهد هذاااا فهد تععععاي

فرحت والله من سمت صوت اخويه وامي اجت على عيطتي

وين انت ليش مترد من البارحه ؟؟؟.

من اجي اسولفلكم هسه اني اخابر بتلفون صديقي همزين اني حافظ رقمج
ودكيت عليج المهم لتخافون علينه احنه راح نجي بالطريق
اي ادري انتوا وين لحضه لحضه شنو ريما وياااك ؟؟
اي ولج انتي شويه نصي صوتج ليش تعيطين
يله شويه وادك عليج من رقمي
الو الو فهد لحضه انتو .... ماكملت قطع الاتصال
ياربي الف شكر الك
هااا يمه شبيج تعيطين
يمه فهد
شبييي
خابرني خابررر
اي وينه انطيني احجي ويا جيبي التلفوووون

يمه هو خابر من صديقه عليه مو من تلفونه وكال شويه واخابركم من تلفوني
يمه الحمد لله ربي والله متت عليه عبالي صاير بي شي اخخخخ كلبي

ريما
والله العظيم اني طايحه حض وغبره لان وافقت واجيت وياك تحجي وامسح بدموعي

انجبي لج اني كلتلج تعاي لو انتي اجيتي تركضين
فهد اسكتتتتت

طالب
شيخنا اسكتوا وهو يضحك وميت من الضحك هههههههه كولوا يا الله !!!

انت الخ اني شكم مره اكلك لاتكول شيخ
خلاص فهد اسكت 🤣🤣
انت ليش تضحك
انت مشايف منظركم
ريما تبجي وانت تعيط وهي تعيط والعالم يباوعن عليكم ههههههههههه
خايب شو دسكت لا اكتلك هسه هنا !
هاي هي خلاص يحجي وهو كاتم ضحكته 😂
ماعرفتكم على طالب

طالب هو صديقي وصديق الطفوله بس بعدين انتقلوا لبغداد
وافترقنا وضل التواصل فقط بالتلفون ومره لو مرتين بالسنه نلتقي 
من كملنه زياره وخابرت عليه وكلتله كلشي جاهز
كلي اي
والله يوفقه حجز النه فندق وبتنه بي اني وريما المخبله الي بس تبجي

اني صدك نسيت احجيلكم القصه
طبعا من رجعت من بيت ابو زهراء واني كلش متضايق والصراحه فقدت الامل من سمعت هيج حجه ويريده لابن عمه بس ضليت متوتر وما اعرف شنو اسوي ضليت افتر بالسياره واصدقائي واني طلعنه ورجعت باليل لبيتنه واني ضايج وكلمه واحد من اصدقاء ضلت بالي من كلي روح للكاظم عليه السلام بلكي يدعي يم ربه ويحل مشكلتك وتتيسر وغير جو هناك

شافني ضايج وسألني وكلتله اني احس روحي بمشكله
ضليت افكر بالطريق من رجعت لبيتنه واني شامر التلفون بالسياره ومخلي صامت واني قررت اخيرا اروح واندعي يم الكاظم وارجع بنفس اليوم يعني محد يدري بيه ردت اروح ازور واندعي وارجع