_الو عمر نجم نقابلك حاجتي بيك...
_اي ادهم هاني فالقهوة متع العادة
_باهي ربع ساعة و نكون عندك
علق التاليفون خرج مالشركة كشاكشو طالعة ركب في الكرهبة و طار باها خلى وراه كان لعجاج....
غفران و سنية روحوا مالسوق و شراو برشا حاجات
و قعدوا فالصالة يتفرجوا فالتلفزة
_امي سنية نجم نحكي معاك فموضوع؟؟!
_اي بنتي تفضل
_امي لحقيقة اني فديت من قعدت الدار و نحب نرجع نقرى
_والله يا بنيتي عندك حق اما اسأل ادهم قبل
_امي تي زح ادهم مرة يروح و عشرة لاا و حتى كيف يروح منجمش نحكي معاه
_غفران منجم نقلك شي والله كيف يجي هو اسألو
_باهي
هوما هكا و يدخل مهدي
مهدي: اوووو فاش تعملوا انتوما زويز لشنوة تكنبصوا؟؟!
غفران:و عليكم السلام
مهدي:هههه سامحوني سلاام
سنية:خلاها عندك بلها و اشرب ماها
مهدي:سنسن تغشت هي (حملها من ورى الفوتوي و قعد يبوس فاها)
نوصفلكم مهدي عمرو 24 يقرى حقوق يحب يولي محامي طويل بدنو مكبوس اشقر كيما بوه عينيه خضر يشبه لأدهم برشا just يختلفو فاللون و الطبيعة مهدي مش كيما ادهم ديما كابس روحو و ماعندو وين يدور الريح بالعكس صاحب جو عاللخر déje هكا علاه غفران تفاهمت معاه فيسع....
نرجعو لادهم وصل للقهوة دخل يلقا عمر يستنى فيه
مشى قعد حذاه و بدى ينفخ عمر فهمو بيه حاجة
_عشيري شبيك؟؟لاباس!؟
_مش لاباس حتى طرف يا عمر عندي مشكلة كبيرة عللخر و مش عارف كيفاه شنخرج منها
_احكيلي بالك نجم نعاونك
حكالو ادهم كل شي بالباء و التاء
_والله لاني عارف شنوة شنعمل
_صاحبي من رايي احكي معاها و القاو حل مع بعضكم
_زعماا تفهمني !!؟
_اكييد تفهمك
_عيشو خويا زايد مشاكلي تحلهملي كان انتي
_ههه ملا لواه مجعولين الأصحاب ايا برى احكي مع الطفلة و تفاهموا
_باهي اي بااي تو نكلمك
سلم عليه و خرج حط ايدو باش يحل باب الكرهبة
سمع صوت من وراه عندو قداه يلوج عليه توحشو اما مجروح منو تمنى ما تطلعش هي
_ادهم امان اغزرلي
تلفت يلقاها هي توحشها يحب يحملها اما مينجمش
كرها صحيح توحشها اما كهو الا فات مات ماعاش باش يرجع بالتوالي.....
زعماا شكون الا جاتو ؟؟! و شنوة حكايتها مع ادهم ؟؟! كل شي تعرفوه فالحلقة الجاية♡☆
#غفا
أنت تقرأ
احلى غلطة ♡♡
Romanceهااي بنات اني غفران اول مرة شنهبط فالواتباد كرونيك بعنوان احلى غلطة♡♡ فيها برشة حب و برشا انحراف من تو شريفة بنت الفاضل فحج و تعدى نتمنى تعجبكم #غفا
