...زعمة نحبو؟؟؟وعلاش نغار انا من اصلو؟؟يزي بلا هبال راجل عرفتو عندي ايامات فيسع ما حبيتو ملا ريق؟؟...انا غاطسة في افكاري وسارحة نعاتب في روحي ونلوم وايدين عبدو دارت على ايدي وحط راسو على كتفي وتكلم بصوت جافي حنين بعث موجات ممغنطة ذوبتني وزاد على ما بي كلامك:
-عشيري كيما تقول انت...اي وحدة فيهم ما تجيش في ظفرك...في رجلتك وفي وقفتك وفي طبعك وفي شجاعتك...فرار تحط شي في بالك...
تلفتلو نخرنن:
-شنوة توة مرة جويدة مرة فرار؟؟؟راني مرا ولا ما نملاش العين؟؟؟
غزرلي متاع واحد يحب يرسيلي على بر مش فاهم شبيني أو فاهم وعامل فيها بهلول:
-شنوة توة منين نشدك انت؟؟؟
عيني لمعت بخباثة قلت نسيب مساطتي عليه...
-عبدووو...
-اشكي...
-عبدو عنقني...كفما عنقت المسبوعة بكري....
-هههههههههههه قالتلهم اسكتوا هذي...ايج عشيري ايج نحملك ونبوسك زادة...
-تبوسك لفعة جد عليك...نتركك...
-والله ما لفعة كان انت...اتخمد شوية بش نخرجوا...
قعدت على الكرسي ننوس حتى هزني النوم...فقت بعبدو يقيم في وهاك المسبوعة معاه...لبست وخرجت معاه خرجتنا من تالي لا من رانا لا من عرضنا...بعد ما استفسر منها عبدو كيفاش نمشيو...
خرجنا اليد في اليد و الدنيا قريب تضوي...صاير فينا حالتنا حليلة من بلاصة لبلاصة...نمشيو نزربوا تقول نجريوا...بش ناخذوا التران مرة اخرى والمرة هذي المحطة الاخرانية لدار صاحبو... رجعنا مالثنية اللي جينا منها وصلنا للمحطة نلقاوها ملغمة بالحاكم خرجنا نتجاراو باقصى ما عنا بش ما يخلط علينا حد ولا يفيق بينا...توة يلزمنا نمشيوا المسافة الباقية نتبعوا سكة التران...او انا نكريوا تاكسي وهنا نقمروا بانا نتشدوا في الثنية...قرقت بعبدو بش نزيدو نصبرو ونرجعوا للمحطة بالك تخف الحركة...ما طاوعني عبدو كان بالسيف...جينا لبلاصة معبية بالشجر تحت جبل وريقل عبدو الخيمة قعدنا في وسطها...كلينا وقتلو سكرها خلينا نغمضوا عيونا شوي...تمدينا والخيمة ضيقة...جيت لابسة عبدو...النفس في النفس والعين في العين...رف الجفن و اضطربت الأنفاس وتخنق الكلام...نطقت من غير ما نشعر:
-عبدو ...خايفة...
-ايج عندي وما تخافش...
قربتلو عنقني ووسدني ذراعو ويدو تتخلل شعري حتى نعسنا الزوز...ما فقنا بشي....كان بحاجة ولا حد ترج في الخيمة تحرك فيها من كل شيرة تقول تحب تقلبها واحنا مرزنينها....ترعبت وعيني رغرغت بالدمعة وعبدو يشيرلي بش نسكت وما نعملش حس...
😻الحلقة 19...😻
...نتقلبوا كالكرة انا وهو في وسط الخيمة...الخيال خيال هامة حيوان...عبدو كابس على فمي بش ما نخرج حتى صوت...الحيوان قلب قلب الخيمة ومنها سلم وبعد...شخراتو شخرات حلوف...هو بعد وعبدو سيبني وخرج يطل ويوصي في من بلاصتك ما تخرجش...قعدت مسكرة على روحي...مشوار وعبدو جا وجهو مقلوب قلي:
-ملا بلاصة جينا فيها...حلالف وذيوبة ربي يكمل الليلة على خير...
-عبدو والله خايفة...حاسة اخرتها موتة...وانا ما نحبش نموت وحدي بعيدة على امي...
جبدني عندو يهدي في و يصبر بكلامو:
-احنا ملي نوينا جينا وارواحنا على كفوفنا...الموت اتبع فينا من دار الحرقة...يعني توقع كل شي...وعمرك ما تنسى الموت راهي ملازمتنا...ونحبك مادام جبدنا هالحديث مهما صار سواء كملنا مع بعضنا أو تفارقنا عمرك ما تصدق حاجة علي الا مني ما عدا حاجة وحدة لو تقالتلك من غيري اني مت...
زدت لزيت روحي ليه وخنقتني العبرة نتكلم بالشهقة:
-اللطف علاه هالفال؟؟..تي انا متشجعة بيك تمشي وتخليني للذيوبة وحدي...
-ما تبكيش...ما جيتش لهنا بش تبكي وتعدد...كون ذيبة وطيح وقوم وعارك بش تحقق اللي جيت على خاطرو سوا انا معاك ولا فارقتك...وكون متأكدة اللي تلقاني وقت الشدة إلا لو انا مت...
ضميتو لي بالقوي ضمة محب مهدد بأنو يفقد حبيبو...
لفيت ايدي على رقبتو و راسي مخبي بين ايديه وهو يسكت في ويهدي كيني لحظات وداع...ووقف قلبي لذكر الوداع ما انجمش نتصور روحي نقعد بعيدة عليه مخي رافض الفكرة وقلبي لاغيها أصلا...زعمة تعود واحنا البشر عبيد عاداتنا؟؟؟ولا محبة وهو اللي ساكن القلب و العين؟؟؟...زدت قويت في البكية على هالحقيقة المرة اللي رافضة اني نصدقها...وهو رجع يدكك علي ويسيب في بلادتو:
-وووه على اظلمت...ظلمتها وخربتها وقعدت تنوح على تلها؟؟؟
-يزيتش من دكك...ازاح حتى البكية فسدتهالي...
-يا بنتي استفايلنا فال خير...
-والله الفجايع كلاتلي قلبي والرعب مكني وكان ما بكيتش بش نطرشق من اجنابي...
-يا وحيدة...قول زعمة مش راك تبكي على بوستي لهاك الغزال؟؟؟
-تترومز...غزال عزاها قول معزة...
-أبي...كان هذيكا معزة...لا اله الا الله....
-اسكت اسكت جاب ربي بوسة مش حاجة اخرى بش تتفخرلي بيها...الزين الباسل الاملط العاطي عالابيض ولصفر ما نحبوش...
-هههههههههههه قلك خانها ذراعها قالت مسحورة...
-والله راني نهج ونخليهالك....
-هههههههههههه وين بش تهج؟؟؟برا للحلالف لبرا خلي تشبع بيك....هههههههههههه...هيا قوم نلموا الخيمة ونمشيوا للمحطة نشدو اخر تران قبل ما يطلع النهار مليح...
قمنا ولمينا الخيمة ودبشنا صيكانا على ظهوراتنا و شدينا الثنية ونتجاراو بش نخلطوا...قلوبنا تدق بالقوي ولهاثنا علا واحنا نطلبوا في ربي بش ما نلقاوش حاكم...وعبدو يجري ويغني اه لو لعبت يا زهر ونضحكوا...وصلنا ومن فضل الله اللي ما لقيناش حاكم غادي...قصينا تساكر وطلعنا وخرج بينا التران لغايتنا روما وين صاحب عبدو...خذينا قمرة وحدنا وعديناها نعسعسوا ونقصروا في الوقت بالحديث... قبل ما نوصلوا بشوية قتلو:
-عبدو كلمت صاحبك بش تعلمو اللي جايينو...
-ما زلت هو باعثلي الادراس اما تو نكلمو كيف نهبطوا.
.-عبدو زعمة يقبل اني نكون معاك...هوا راهو حكاية ايامات حتى نلقى بابا حسب الادراس اللي عندي وبعد نمشي على روحي...
-اش يهمك فيه...قبل ولا لاقبل...نكنو ايامات ونخرجوا الزوز كان ما حبش...ما تخممش في هالموضوع...
-عبدو ما تحسسش روحك اللي انت ملزوم بي تو نتصرف راني...
-بربي اسكت...انت ملزومة مني مادامنا في غربة الا لو انت ما تحبش...
سكت واش بش نقول...نحب نحب وما نحبوش يبعد علي جملة...رجوليتو وحنانتو علي عمري ما حسيتها كان مع امي...ترميت في حضنو فرحانة بكلامو:
-يخليك لي عبودة...
-يا بنتي هاك عاشقة للاحضان...ظاهرلي فيك ناقصة حنان...هههههههههههه
-تضحك علي...ايه عمري ما حسيت بحنان راجل ولا وقفة راجل كان معاك انت...الله غالب البو اللي تعيش عايلة كاملة تحت ظلو حرمني ولا حتى تفكرني... عقدة حياتي هو...ان شاء الله نلقاه...الا....
وسكت خلي اللي في القلب في القلب...ويمين ربي غير نلقاه برك...الا ما نفدي قديم وجديد...
-حليلي على اخيتي...وهز حاجب قتلني بالضحك. بعد ما كنت بش ندمع...وقعدت لابدة عندو نستحلى ونخزن في احاسيس بضمتو وهو محوطني بذراعاتو كينو يحمي في مالدنيا وما فيها...
هو:...هي في بالها نحمي فيها و رجلة مني...أما انا مصر ما نخليهاش وما نبعدش عليها...انا اللي مستحلي قربها و مختلف ردود افعالها...انا اللي نحب صدقها و نقاءها ونحب نستفزها وندكك عليها...انا اللي غرقت في تفاصيلها وحبيتها وعشقتها وادمنت وجودها في حياتي...انا اللي قطعت وعد على روحي ما نسلمش فيها ولا نخليها ولا نتنازل عليها وما تفرقني عليها كان الموت...ااااه مالقلب وقت يدق دقاتو لحبيبو...دقات لجمتها خنقتها حاولت نخليها تلفظ انفاسها في المهد
✴✴✴✴
أنت تقرأ
⛺غربة عشاق⛺
Romansبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
