حلوة الدنيا سكر

البارت الاول

صحيت الصبح ولبست بسرعه وروحت الشركه اللي بشتغل فيها بقالي يومين تقريباً وطبعاً غلست على الأمن بتاع الشركة ودخلت المكتب بتاعي اه صح نسيت اعرف نفسي انا ميلا عندي 27 سنه ولسه شغاله في شركه زين للهندسه المعماريه وانا السكرتيره بتاعته ومجنونه شويه لأ هما اتنين لأ تلت شويات يووووه شويات كتير دخلت الشركه وقعدت وفجأة لقيت زين مديري جالي المكتب وبيقولي
زين : فين الورق بتاع المناقصة الجديدة
ميلا : انا ادتها لحضرتك امبارح قبل ما امشي
زين : انا مخدتش الورق
ميلا : ازاي انا مدياه لحضرتك امبارح بأيدي
زين : وانا بقول مأخدتش حاجه
ميلا بدون وعي : ولا انت كنت شارب حاجه
زين بأستغراب : نعم
ميلا وقد سمعت ما تفوهت به : أسفه والله مكانش قاصدي بس انا اديته لحضرتك امبارح ومعرفش ازاي يعني بتقول مأحدتوش
ثم أتى نبراس اخو زين التؤم واردف
نبراس : ازيك يا ميلا
ميلا وهي مسهمه : هااا
نبراس : في حاجة ولا ايه
زين : مافيش اصل الهانم مجابتش الورق بتاع المناقصة
ميلا وهي تضع أصابعها أمام وجهها✌️وتحول ثم أردفت
ميلا : اه يبقى ده شبحه
زين : افندم
نبراس : اه انا اللي معايا الورق انتي ادني هولي امبارح وهو يكتم ضحكته
ميلا : شوفت بقى انك ظالم
زين : هااا
ميلا : انت لسه هتنح اعتذر
زين : نننعععمم انتي مجنونه
ميلا : لأ بس انت صدعتني وانا مش فاضيه كل شويه ورق مناقصة ورق مناقصة ايه مش بتزهق
زين : انتي اكيد مجنونه صح
ميلا وهي توجه كلامها لنبراس : متقول حاجه يا برنس انت
نبراس وهو متنح : هااا
ميلا : يادي النيله هو كمان هيتنح
زين : انا داخل مكتبي وكمان خمس دقائق ويكون الورق عندي
ميلا وهي تشده : خد هنا انت مش هتمشي غير لما تعتذر
نبراس بغلاسه : انا بصراحه من رأي اعتذر
زين : انت بتخرف
ميلا : ولاا ملكش دعوه بنبراس بيه
ثم انتبهت لما قالت واردفت
ميلا : عاااا والله ما اقصد
زين : ولاا 😲و اعتزر 😲 ده انتي مجنونه رسمي بقى
ميلا : خلاص عفونا عنكم
زين وهو يضع كف على كف ويقول : لا حول ولا قوه الا بالله العلي العظيم انا داخل قبل ما أجنن واتهور عليكي
ميلا بعد أن خرج زين ولكن نبراس ماذال واقف فأردفت بمرح وغمزه
ميلا بمرح : ايه والقمر مش عايز رقمي 😉
نبراس بصدمه : هااا
ميلا بمرح : خلاص انت حر
نبراس وهي يخرج : طب والله مجنونه
ثم دخلت ميلا إلى مكتب زين كي تعطيه الورق بتاع المناقصة بعد أن أخذته من نبراس
ميلا : الورق اهو يا فندم
زين بتريقه : فندم دلوقتي بقيت فندم مش من شويه كنت ولااا
ميلا بمرح : في ايه يا شبح متفوك كده
زين بصدمه : شبح 😲
ميلا : اقفل بوقك احسن يدخل دبان
زين بعد أن انتبه : تقدري تتفضلي
ميلا : اشطا
وعدي اليوم بعمليه وطبعا بمشاكسات ميلا اللي مش بتخلص
وفي اليوم التالي صحيت من النوم وقولت اغلس على اخويا ودخلت أوضته براحه وطبعا بدون استأذن وقومت فتحت اغنيه اخواتي اخواتي وعليت الصوت وحطية الفون على ودانه هو أساساً نومه تقيل اوي فقام مفزوع لأ الصوت كان عالي وقال
حاتم : نفسي تبطلي تخلف بقى
ميلا : اخص عليك يا حاحا ده انا اذكى اخت في العالم
حاتم : حاحا 😲 وأذكى اخت في العالم 😲 مين المتخلف اللي قالك كده
ميلا : طب تصدق اني هكلم سوسو واقولها انك كنت بتكلم صاحبتك في الشغل امبارح
حاتم بصدمه : انتي شطانه دي كانت بتسألني في الشغل
ميلا : وهو فيه واحده بتكلم واحد في شغل ويقعدو يتكلمو تلت ساعات برضو 😉
حاتم : تلت ساعات 😲 يا مفتريه ده مكملتش نص ساعه وبعدين سوسو بتثق فيا
ميلا : طب هنشوف بتثق فيك ولا لأ لما اقولها
حاتم : خلاص يا ستي انجزي وقولي عايزه ايه ماهو اكيد كل ده مش علشان بتحبي سوسو
ميلا : لأ طبعاً بحبها دي تؤم روحي دي حياتي
ثم قاطعها حاتم : ممميييلااا انجزي عايزه كام
ميلا : 500 جنيه بس
حاتم بصدمه : هااا
ميلا بخبث : خلاص نروح نشوف ردة فعل سوسو حبيبتي
حاتم بسرعه فهو يعرف غيرة خطيبته : خلاص ده انتي فقر والله ايه مش بترحمي
ميلا : والله اللي بيرحم ربنا
حاتم وهو يعطيها الفلوس وقلبه هيطلع عليهم : خودي يا زفته
ميلا : يلا تيك كير يا وحش
وغلست على ماما وبابا شويه وروحت الشركه متأخر كالعادة طبعاً وطبعا مش محتاجه اقول اللي سمعته من زين طيب خلاص خلاص هقول اللي قاله اهو
زين : أهلا بالهانم كل ده تأخير
ميلا : ليه بس يا زيزو بيه ده انا اتأخرت ساعه ونص بس 🙂
زين : بس وبتقوليها بكل بساطة وسهولة كده
ميلا : في ايه يا عم الوحش نافش ريشك علينا كده ليه ده احنا ولاد تسعه برضو
زين بصدمه من تلك المصيبه : وحش 😲 ونافش ريشك 😲 و ولاد تسعه 😲 يخربيت اليوم اللي عينتك فيه
ميلا : اه طبعاً اكيد كان يوم جميل مش كده
زين بعصبية : اتفضلي روحي على شغلك وتاني مره هتتأخري فيها هتبقى برفد فاهمه
ميلا : طيب يا عم متزوقش
ورحت قعدت على المكتب من فوق ومسكت الورق وقعدت اعمل الشغل وانا حاطه الهند فريه ومشغله اغنيه دي مش مانجا دي خوخا علشان بحبها واندمجت جدا وانا بعمل الشغل وفجأه لقيت حد بيسحب الورق من ايدي وللأسف مش رفعت وشي وقلت
ميلا : مين الحمار اللي سحب الورق من ايدي وجيت ابص لقيت نبرانس فوشي وكان متعصب وبيضحك عليا في نفس الوقت
ميلا : وباااا انا هببت الدنيا صح
نبراس : اهاااا هو كذلك
ميلا بمرح  : طب وفيها ايه عادي هات الورق بقى
نبراس : اه هي بقت كده بقى
ميلا : يس طبعاً يا ابني
نبراس : يابنتي بطلي لماضه
ميلا : انا ده انا كيوت خالص اهو
نبراس بتعبيرات وجه مضحكه  : ماهو واضح
ولقيت الفون بيرن وكانت ماما فرديت
ميلا : مسا مسا على الناس الكويسه
ماما : مسا مسا يا قلبي ... ميلا جيبيلك طقم وانتي جايه علشان في عريس متقدملك
ميلا بدون تفكير : مش موافقه
ماما : هو انتي لسه شوفتيه
ميلا : لأ ومش عايزه أشوفه
ماما : ميلا انتي عارفه ده العريس الكام
ميلا : اه 24 وبرضو مش هوافق يا ماما
ماما : بس احنا موافقين يا ميلا
ميلا : ماشي يا ماما سلام
ماما : سلام
وقفلت معاها ورميت الفون على المكتب وحطيت ايدي على وشي ومخدتش بالي ان نبراس لسه موجود
نبراس : في حاجه ولا ايه
ميلا : لا مافيش
نبراس : لأ فيه الهدوء ده مش مريحني
ميلا : اصل يا سيدي جايلي عريس وهما مصممين عليه اوي
معرفش ليه
نبراس : وانتي مش موافقه ليه
ميلا : عادي مش عايزه اتجوز دلوقتي انا رافضه فكرة الجواز أصلا
نبراس بأستغراب : ليه
ميلا : حساه أنه بيربط البنت يعني مثلا كل ما اجي خارجه اتصل بخطيبي أو اقول لجوزي واستماع لما يوفق وبعدين أن وافق أخرج وان مش وافق افضل قاعدة في البيت ليه وانا كده بعمل اللي عايزه في بيت اهلي
نبراس : وهتعملي ايه
ميلا بغموض : كل خير
                                                      بقلمي / لقى محمد ❤️