منقولة
زينة
اني زينة عمري ٢٣سنة من بغداد راح احجي قصتي من جان عمري عشر سنوات والى هاذي اللحظة
ولدت على الدنيا واني عايشة يم عمي ابوية قبل ولادتي مات وامي ماتت بالولادة مالتي
عشت يم عمي هو الوحيد باقيلي عنده بنية بگدي وولد اكبر مني جنت شاطرة بالمدرسة وهمي بس دراستي اريد اصير شي بالمجتمع اريد يكون الية اسم افخر بي وشهادة تقدر من مكانتي بس كل احلامي ضاعت بسبب ابن عمي حيدر
جان حيدر شاب صايع لاينفع بدراسة ولا بشغل يجي للبيت شارب ومرة جان سهران وية الشلة مالته شرب وسكر بالرجعة متضارب وية واحد بالشلة مالته وتكاونو وحيدر ضربه لصاحبه ببطل كزاز وطلع دم من راسه ومات الولد
وحظي المصخم طلع الولد من اهل الجنوب وعشيرته طالبت بدمه سوو گعدة بينهم ورادو فصلية وفلوس
وعمي گال ماشي بس يبقى ابني عدل ومتكتلو وانطاني الهم زين شنو ذنبي اذا قبلت على الفصل ليش متنطي اخته لحيدر هانت عليك بنتك ورحت اني بين الرجلين
اخذوني بلا هلهولة ولا محنية اخذوني واني لازمة لعابتي ما اريد اعوفهة ابجي واگول رجعوني لبيتنة لامجيب ولاحبيب ولارحيم لگيت
دخلوني للبيت لگيت ذيابة بوجوه بشر حسبالهم انا القاتل ولدهم مشافوني طفلة
اخذني ليسموه رجلي بگد ابوية وگتله عمو رجعني
گلي ما اسويلج شي تعيشين مثل بناتي من فرحتي حضنته
واجتي امه ترعد وتگول اذا ما اخذتهة اذبهة بالشارع وافضحها واگول البنية عايبة ولاعمهة يريدهة بعد ولاعشيرتهة بجيت ليش هيج ماخافت الله بية واني ما اعرف شنو يعني اخذهة
دخل للغرفة وهجم علية واخذني واني من الوجع ابجي غفيت على دموعي
گعدت الصبح ماسمعت كلمة هلا منهم سمعت كلمة جيتي خدامة على صغري صرت اغسل مواعين وعلى صغري صرت انظف جنت ما اعرف غير كتبي واللعب وهسة متزوجة صرت من يومهة رجلي يلي اسمه كاظم ما تقربلي بعد ادري اخذني غصب بس هم ماگدر يوگف كزلمة ويگول مرتي وحر بيهة اخذني ونفذ لتريدة امه
زوجة كاظم عاملتني كظرة معقولة باين علية الكبر وماانتبهو عمري عشرة
ابجي واگول اصبري يازينة ربج يفرجهة كبرني الوكت وصرت اكبر من عمري جنت اتمنة اللعب حالي حال بناته اشكي لعابتي جنت واحاجيهة جنهة تسمعني
عشت يمهم سنين وعمي لباعني مافكر يگول شلونج
ليش يا ربي شمسوية اني ما اذيت ولا كرهت احد
من صغري محرومة من كلمة يمة بودي اگولهة واگول ابوية احبك ودي انام بحظن امي وابجي واشكي لأبوية ويگولي اني يمج تمنيت بس ماكو فايدة
صار عمري ١٦سنة واني يمهم اطبخ وانظف وكلمة ماحجيت مرة بس گلت تعبانة هسة أگوم اشتغل
اكلت ضرب يسوة عمري لو گايمة احسن
شبعت بجي وحتة يلي يسموه رجلي يضرب بيه اي ليش مو صارت اثار الضرب مكياجي ولكم لا الله ولامحمد يرضاها وكلما احجي انكتل اكثر
سكتت واترجة ملك الموت فدوة تعال اخذني والله الگبر احسن من رجلي ولكم بالگبر معناتهة مدللة
جان عيد ميلاد بنته ومسويتلهة امهة حفلة جتي علية نطتني فستان مو حبا بية لا لأن عازمة صديقاتهة وميريدون افضحهم بلبسي القديم
لبست الفستان وفليت شعري گلت هي مرة بالعمر وجان احط مكياج خفيف برزت عيوني الصفر
طلعت گضيتهة اوزع كيك وارسم ابتسامة جذابة ماريد الشماتة كافي علية عيالي
رحت للمطبخ وطب كاظم باوعلي وفات خلصت الحفلة مالتهة وخلصت شغلي اريد اروح انام من التعب
طبيت للغرفة لگيت كاظم گاعد صار هواي مطاب للغرفة
باوعلي واجة يمي عبالي راح يطلع
طلع لا راح يسد الباب وقفله گلبي صار مثل الطبل شيريد مني
لا ارادي صحت گتله وخر گلي حلالي واني حر
طرحني على الفراش وگلي يومية لبسي هيج فساتين
گام يبوس واني بودي اذبحه وانعادت ليلتي المصخمة يلي صرت بيهة متزوجة بس هاي الليلة جنت كاملة الانوثة وهو عاجبه هالشي
مادريت هاي الليلة راح تغير تفكيري طبيت للحمام وشكيت ايدي اليسرة اريد اموت اباوع ايدي تنزف جنهة تناجيني واني گاعدة انتظر منيتي وابجي
طب كاظم وسمع بجي مالتي اجة وشالني وراح بية للمستشفى اجاني دكتور
خيطلي الجرح گلي ليش هيج انت بعدج صغيرة على الانتحار تضيعين عمرج على شنو
ابتسمت وگتله دكتور انا عمري ضاع من جنت عشر سنوات واخذوني فصلية
هز راسه وگال الله كريم وميعوف احد
واني هالكلمة ست سنين صارلي اگولهة.
يتبع...
