نوفيلا منة والضابط بقلم نوران جمال

البارت الاول

#نوران جمال
الاسكريبت الاول "منه والظابط"
بارت 1

تقود سيارتها بسرعه وسط الطريق الفارغ فالوقت مبكرا قليلا عن خروج الناس من منازلها كما كانت تظن هي ولهذا السبب اخرجت هاتفها لتتحدث به وتسلي وقتها
منه بإبتسامه: صباح الفل ازيك ..
دنيا صديقتها بضيق:انتي فين انتي اتأخرتي علي المحاضره ..
منه بضحك:كبري دماغك الدكتور اصلا رخم ومبنفهمش منه حاجه كمان لسه فاضل بدري..
دنيا بسخريه:بدري اوي الساعه عشره يا هانم ..
منه بإستغراب: وهو كده مش بدري..
دنيا بغضب:يارب اديني الصبر اقفلي يا منه وتعالي بسرعه بس حاسبي تعملي حادثه ..
منه بثقه:عيب عليكي مش انا اللي اعمل حوادث ..ثم اغلقت مع دنيا وجائت لتضع الهاتف بجانبها وفي تلك اللحظه اصتدمت سيارتها بشئ بحده
منه بغضب:يالهوي العربيه مين الحيوان اللي خبط عربيتي ..ثم خرجت من سيارتها وفي تلك اللحظه ادركت انها في مأزق فهي قد اصتدمت بالحاجز التابع للكمين في ذلك الشارع
منه بداخلها بخوف:يا نهار الوان خبط في كمين مش عايزه اتحبس انا لسه صغيره علي السجن..
منه بصوت هادئ للشرطي: اسمعني انا مكانش قصدي ..
الظابط: فين رخصتك ..
منه بقلق:رخصه ليه هتسحبوها مني لا لا ده انا ما صدقت طلعتها..
الظابط:بت انتي اخلصي وهاتي بطاقتك ورخصتك وازاي اصلا بتسوقي بالسرعه ديه وشوفتي انتي عاملتي ايه في الحاجز..
منه بتبرير:طب ما انا اعمل ايه كنت بتكلم مع دنيا..
الظابط بإستغراب:بس مافيش حد في العربيه ..
منه بسخريه: بتكلم معاها في التليفون ..
الظابط بحده:وكمان ماسكه تليفون وانتي بتسوقي ..
فأدركت هي ما قالته
منه بتبرير:لا مش في التليفون انا بتكلم في العربيه..
فنظر هو لها بإستغراب ثم بسخريه:العربيه بتلقط شبكات يعني ..
منه بضحك:اوي اوي يا باشا..
الظابط بحده:انتي بتهزري ...
منه بتبرير:يا باشا لا انا هفهمك بص يا دكتور ..
فنظر لها بحده
منه بتوتر:احم اقصد يا دكتور ظابط ..
فوضع يده علي رأسه بضيق
هو بضيق:اخلصي ..
منه بهدوء وكأنها تقول سر كبير : انت متعرفش مين دنيا دنيا ديه تبقي تليفوني اصل انا مسميا تليفوني دنيا وكنت بتكلم معاه ..
الظابط بصوت مرتفع للأخرين:خدوها علي البوكس ..
منه بخوف:لا لا بوكس ايه انا ممكن اجيبلك بوكس شوكولاته من الكبير ده بس سيبني امشي لحسن دنيا تقتلني..
الظابط بسخريه:دنيا التليفون ..
منه بضيق:انت دماغك صغيره اوي انا قصدي دنيا صاحبتي ..
الظابط بإستغراب: مش كانت دنيا التليفون من شويه..
منه بهدوء:لا ما انا مسميا التليفون علي اسم صاحبتي..
الظابط بغيظ:بت انتي انتي كلتي دماغي ..
منه بتوتر:متاخدنيش السجن بص انا ممكن ادفع غرامه ..
الظابط بسخريه:تدفعي ست الاف جنيه..
منه بغيظ:ليه ده كله انتوا كفايه عليكم سته جنيه وهبقي كرماكوا في اتنين جنيه..
وقبل ان يتكلم الظابط اتاه صوت صديقه
محمد بضحك:خلاص بقي احنا مش فاضيين سيبها تمشي بدل ما تاخد اليوم كله في دنيا والتليفون ..
هو بضيق: ازاي يعني والحاجات اللي اتكسرت والاستهتار ده..
منه بغيظ:ما تسمع كلام صاحبك بقي ومتقرفناش..
فنظر لها بحده
منه بتوتر:اقصد عشان متتعصبش وصحتك بالدنيا كلها ..
هو بضيق: امشي من هنا يالا ومش عايز اشوف وشك ده تاني ..
منه بضيق:ليه ماله وشي..
محمد بضحك:يا بنتي امشي بدل ما يغير رأيه ...
فذهبت منه ودخلت سيارتها وقادتها بعيدا الي بيتها بينما جلس هو بجانب صديقه
محمد بضحك:غريبه البنت ديه يا مازن ..
مازن بضحك:صدعتني لا وبتحور عليا ..
محمد بهدوء:ما انت طولت معاها اوي واصلا عربيتها هي اللي اتخدشت جامد مش الحاجز ..
مازن بهدوء: نرفزتني الصراحه يالا ياريت مشوفهاش تاني..
محمد بهدوء:طالما اتقابلتوا كده يبقي هتتقابلوا تاني ..
وهنا اتاهم اتصال من رئيسهم في قسم الشرطه ليذهبوا

بينما عند منه
كانت منه تقود بغضب وهي تكلم دنيا في الهاتف مره اخري
منه بغيظ:شوفتي اللي حصلي ..
دنيا بإستغراب: ايه اللي حصل ..
منه بضحك:يا بنتي انتي مش كان وراكي محاضره ..
دنيا بضحك:لا ما خلاص انتي اقنعتيني ان مش مهم المحاضره النهارده تعالي بقا نتقابل في بيتك او في بيتي وتحكيلي ايه اللي حصل...
منه بهدوء:تمام تعالي انتي بيتي لان انا تقريبا كده وصلت..
فأغلقت منه مع دنيا وذهبت الي بيتها بينما خرجت دنيا من الجامعه وذهبت الي منزل منه..

ايه رأيكم انا اول مره احاول اكتب اسكريبت ولو عجبكم متنسوش الكومنت والتصويت عشان انزل البارت التاني بسرعه😍🥰❤
يا جماعه لو عدد التصويتات والكومنتات قليل مش هكملها وكمان انتوا مش هتخسروا حاجه .