بارت 2
زينة
انتظرت تطلع التحاليل صار هواي من راح كاظم يجيبهة
اجة والضحكة شاگة وجهة هاي شبي وسطر
اجاني وجان يگولي مبروك يمرتي حامل اريد منج الولد يلي محروم منه
اني عبالك واحد كفخني على وجهي هاذة شديگول اني اكو بطني طفل هو اني مدبرة روحي شلون اصير ام و فوگاها يدورلي ولد يا ربي شنو هالأبتلاء
رجعنة للبيت وكاظم جنة اول طفل الة راح گال لأمه باوعت علية جان تگولي نريد ولد يالفصلية
صفنت اي مو هية بكيفي صار اول اسبوع متت مارايدته للحمل ظليت اتقيأ وما اشتهي اكل تعبت حيل
اخذني كاظم على دكتورة علمود كل شهر اراجعهة
ردت اگوللهة اريد اذب الولد بلكت تنطيني دوة
بس گلت ميصير هاي روح خاف الله يعاقبني كافي يلي ديصير بية
طلعت من الدكتورة اخذني كاظم للسوگ صار شگد ماطالعة وشايفة بشر
عود صاير خوش ادمي اشترالي ملابس واشترة للطفل عبالك باجر راح اولد
طببني لملابس نسائية وام المحل الثولة من درت زوجي گامت تطلع ملابس مال متزوجين لعبت نفسي واني اتخايل لابستهة والمن لواحد الشيب تارس راسه بگد ابوية
باوع عليه وگال لأم المحل منريد منهن
الحمد لله طلعت منه
رجعنة للبيت وهاي مرته تريد تموت مني
بعدين جتني شايلة عصير برتقال عود عساس خايفة علية واني الثولة اشتهيته وشربته بالليل گامت بطني توجعني گمت ابجي من الوجع
اخذني للمستشفى گلولة ماخذة حب لأسقاط الجنين بس همزين جيتو سوينة غسيل معدة وكتبنالهة مثبتات
گام يحجي كاظم علية گتله مرتك نطتني عصير برتقال وراها هيج صرت
راح للطبيب گله صح الحبوب مذوبة بعصير
رجعنة للبيت طب كاظم و گال اكو احد منطيهة حبوب اسقاط گامت امه تصيح هية تريد تموته متريد نفرح بولد
حجيت وگتلهة خافي الله كافي عاد مستحيل اقتل ابني
اني يلي حامل بي مو انتي
صاح كاظم كافي وجر مرته واسمعه بالغرفة يصيح ويكتل بيهة الله لاينطيهة تريد تورطني بموتت طفلي
عدت الأيام وصرت بالشهر الثامن وبطني عبالك طوبة مشيتي ثگلت
تمتعت بالأشهر يلي حملت بيهن براحة
بدون شغل لان رجلي عشتو ميخليني اشتغل علمود الولد
لأن عرفنة جنس الجنين وجان ولد بالسونار ومرته لكاظم گامت دگ وتلطم ليش هية تحمل بالولد واني لا
اما عني استغليت فرصتي قابل يومية حامل گمت اطلب اكل وحلويات وكاظم مثل المسطور بس يگول اي لو ادري هيج يصير جان من زمان صرت حامل
خبلت مرته جنت ما اتنسة الا گدامهة حتة اطلع يلي جانت تسوي بية
ورجلي العود المسطور بس اگولة كظومي اريد اروح انام
ياخذني ويگودني للغرفة وهاي مرتة عوزهة تنتف شعرهة عبالهة عايشين حب وغرام متدري كلما يريد يجي يمي اتحجج بريحة عطره تلعب نفسي
لو الطفل يتحرك لو تعبانة
لأن ما اتحمل يتقربلي وهو عبالة حبيته واني اگولة كظومي عزرائيل الياخذك صدك جذب احبك الك
وصرت بالتاسع وگعدت باليل من الوجع رحنة
للمستشفى وگالتلي الدكتورة عندج ولادة تمشي شوية مشيت بالممر واباوع على النسوان يلي مثلي عدهم ولادة كل وحدة وياها رجال احلى منهة لو بگدهة الا اني حظي المصخم خلاني يم كاظم
طبيت لصالة الولادة وحدي گمت ابجي شنو اسوي ياربي ساعة ونص من الوجع وراها الله يسر وجبت الولد
طب كاظم شايلة وفرحان واني ولا بودي اباوعله اخذته الدكتورة ونطتني يا وگالت لازم ترضعي
رضعته بس احس محبته نزلت لگلبي معقولة هاي شعور الأمومة باوعت علية بست عيونه خلص هذا صار وليدي هو حاميني وهو سندي
طلعنة اليوم الثاني ورجعت للبيت وهاي امه تهلهل
واخذو من ايد لأيد واني صافنة عابت لو ما اني ميجيكم الولد لازم تبوسون ايديكم وجه وگفه وتحمدون الله علية
سميناه محمد وصار حمودي كل دنيتي حبيب گلبي
اصبح على وجهة الحلو وخدوده البيض مخلوقة للعض
جنت گاعدة العبه مثل كل يوم طب علية كاظم مباوعت بوجهة
ما اتحمل خلقته باوع علية وگال ليش متخلين محمد عد مرتي صبيحة تعرف داري اكثر
اتخبلت گتله لا مستحيل نوب على ابني تريد تاخذه
مني هو اني شعندي غيره خل توخر صبيحة عن ابني
گلي خلص يامرة هاهية ابنج يمج
طلع من الغرفة گبر والله گبر ياخذهة ام جهرة المعفنة شكبرهة ويومية دورلي خلفة أيست جتي على ابني
گعدت من النوم باوعت حمودي گاعد يلعب بأيدة وصافن ويضحك فدوة لگلبه جريته ابوس بي
گمت صليت ورحت بدلتله ونزلت جوة اطبخ الغدة لأن رجع شغلي مثل مجان حملي جان مثل شهر العسل لان ما اشتغل
حطيت الجدر على النار ردت اطلع اخبز گلت خل اشوف محمد بالأول طبيت للغرفة وصحت صيحة لميت الكل بثواني ....
يتبع
لاتتوقف الى ان تصبح فخوراً بنفسك🍃❤️
698 كلمة
