٣٠ يوم حياة (مكتملة)

الفصل العاشر (أحداث اليوم الثامن عشر)

اليوم السابع عشر 18/7/2020

كل الي فات ده كان كوم و الي جاي كوم تاني لان اليوم ده اتغيرت فيه كل حاجه .

كريم اتصل بنور و سمر و مريم و اتقبلوا و قالهم ..
كريم : انا قررت اننا هنروح هنفذ خطة المستشفي من غير سيف ، هو خلاص باعنا و الموضوع واضح زي الشمس .
نور (بعصبية): سيف عمره ما بيبيع حد انت مشفتش دور الجدعنه الي عمله معايا يوم القسم ، ده جه خرجني ولا اكنه الرئيس اوبراما !
(سمر و مريم بيضحكوا)
كريم (باستهزاء):نور حبيبي اولا اسمه اوباما، بعدين قولي تسمي الي هو عمله ده ايه ؟ ها؟ اتفضل دافع عنه .
نور: والله معرفش يا دكتره بس ذي ما انت عارف و انت سيد العارفين لكل فعل رد فعل زي ما الفنان الكبير الهرم الرابع احمد حاتم ما قال ، فاكيد عنده اسبابه.
كريم: احمد حاتم هو الي قال كده ؟
نور: اه انت مشفتش الفيلم ولا ايه ده كان مكسر الدنيا ، ده انا حاطط له صوره ع ضهر التوك توك كده حكايه استني اوريهالك.
كريم: بس بس توريني ايه ، يعني ميمشيش معاك ان نيوتن هو الي قال كده ؟
نور: مين نيوتن ده يا زعيم مخرج الفيلم؟
كريم: انا بدات اشك فيك انت خريج كلية ازاي وريني شهادتك يلاا .
نور : يا دكتره العلم في الراس .
كريم (بعصبية): بس بس هشتلني، بص انت مش مطلوب منك تفكر في اي حاجه تعالي معايا و ليك ١٠٠ جنية بعد المصلحة ما تخلص .
نور: ماشي خلصانه يا دكتره.
سمر: خلاص خلصتوا فقرة هل تعلم دي؟ ، نشوف المهم بقي فهمنا يا كريم قصدك ايه اننا هنفذ من غير سيف؟

كريم: يا جماعه افهموني هو مش سيف كل دوره انه هيفك قفل الموبايل و هيجيب من عليه البيانات كلها، طيب مهو ده اي حد بتاع موبايلات شاطر ممكن يعمله ، احنا هنروح نسرق الموبايل و نوديه لاي حد يجيبلنا البيانات من عليه و بعدين نرميه، بسيطة يعني.
مريم: مش عارفه بس الموضوع لو بالسهوله دي مكانش سيف عمل كل الخطط و التجهيزات دي .
كريم: سيف هو طول عمره كده اوفر ، كل الي احنا عايزينه هو جدول العمليات علشان نعرف هنفذ امتي و الي انا خليت سمر تجهزه .
كريم بيكمل: مفيش غير عملية وحده الأسبوع ده وهو بكرا فلازم نجهز بسرعة.
مريم: بكرا بسرعة كده ؟!، طيب نسأل سيف يمكن يغير رايه ؟
كريم: مريم اهدي وركزي معايا مفيش وقت نسال، سيف خلاص مش مهتم و عندنا فرصه كويسه بكرا
سمر: طيب بالنسبه للكاميرات هتعملوا فيها ايه ؟
كريم: لا دي امرها سهل هلبس كاب هيخبي وشي من الكاميرا، تمام اتفقنا ؟
مريم: ربنا يستر.

يتبع..