بارت 3
طبيت لگيت الحية مرت كاظم خانگة محمد بأيديهة والولد ميبجي جان ساكت اني اصيح واضرب بيهة
اجتي ام كاظم وخرتهة وطب كاظم واني حاطة محمد بحضني بس اريدة يتنفس ماكو
لا يا ربي من تعلقت بي يروح مني اخذته وية كاظم گبل للمستشفى بس طول الطريق ساد عيونة واني ابجي
وصلنة اخذو من ايدنة الأطباء بس شوية طلعو وگالو الولد ميت قبل لتجون وماگدرنة نسوي شي
گمت اصيح على كاظم والعالم تباوع كلة منكم كلة من مرتك حرمتوني من ابني عبالكم الله يفرحكم بالولد
وانتو شبعتوني ضيم شبعتو امه ضيم وقهر من جتكم لهسة
#زينة
جرني وحطني بالسيارة انتبهت هو هم يبجي صاح علية يامرة كافي هو هم ابني ولج اني ظليت عمري كله انتظر الولد وما اجة محد حاس بية هسة
صحت وگتلة صوجك كلة من ربك لان انت ظلمتني كسرتني واني جاهلة كلشي ما افتهم بگد بنتك
وتريد الله ينطيك يلي جنت تتمنى
سكت وگضيت الطريق دموعي تصب يا ربي اذا تعاقب كاظم ولة غيره اني شعلية ابني شعلية
وطبينة البيت طب كاظم سحلهة لمرته وكتلهة موتهة موت تستاهل بودي اگطعهة بسنوني كلما اتخايل شلون جان ينازع بين ايديهة شلون طلعت روحه
مارف گلبهة بعده طفل عمره اشهر
ليش يملك الموت ظليت انتظرك كل عمري الفات وماجيت تجي على ابني بلحظات وانحرم منه
اسابيع ماطلعت من الغرفة بس ابجي كاظم طلگهة لمرته وگال ما عندي نرة تكتل وليدي الله لاينطيكم
ولاينطي عمي البعني جان مصار كل هذا
صار شهرين واني احسب صرت ١٧سنة حسيت نفسي عجوزة من الهم محد قدر وضعي بس كاظم يلي جان يخليني ابجي براحتي مو مثل امه تگولي يلة احملي وجيبي ثاني اخخ كون تموتين يعجوز البلة وماتلگين گبر يلفج
وبيوم جنت گاغدة بالغرفة وجانو اكو ضيوف ما اعرف منو
اجة كاظم علية گلي عدلي حجابج وتعاي اكو واحد يريد يشوفج صفنت منو يريد يشوفني
طبيت للديوانية ورة كاظم لگيت زلم اثنين واحد بعده شاب موحيل جبير والثاني اكبر
گام الجبير وگام يبجي هاي شبي باوعت على كاظم گلي روحي سلني بعدني ماحجيت جرني الزلمة الجبير لحظنه عزة وخرت منه گتله هاي شبيك
ابتسم وگلي لتخافين اني خالج
صفنت گتلة تشاقة شي انت گلي لا والله گعدي واني افهمج
گعدت يم كاظم بس كاظم گام گال اني اعرف القصة اخليهة يمكم انتو اهلهة احجو براحتكم عافني وطلع
رد حجة الرجال گالي زينة بنيتي سمعي اني خالج رافد وهذا ابني الشيخ حسن بنيتي اني من تزوجت اختي الله يرحمها راحت لبغداد وية زوجهة
وابوج مجان يقبل تجينة هواي جانت بيناتنة مشاكل
وانگطعت اخبارهم عنه حتى اختنة كلشي ماعرفنه
عنهة الا بعدين مرت عمج گالت لمرتي ترة امج ماتت
رحنة لبغداد لگينة عمج دافمهة ومخلصين
بس محد گاللنة انو ماتت بالولادة ولا گالو عدهة بنية
ليش عمج هيج سوة ما ادري رغم احنة خوالج مو غربة عنج
گتلة زين هسة شتريد يخالي تگدر تغير من حالتي هاي تگدر تعوض الطفلة يلي جتي للناس ذول
تگدر ترجعين بنية كل همي اللعب مو مرة متزوجة وقبل شهرين مات ابنهة
صفن گلي ابنج انتي مات شلون
اي يخالي ابني محمد كتلته ضرتي مرة كاظم خنگته ومات
بجيت واني احجي حظني وگال على جثتي تظلين هنا
گتله شلون واني جيتهم فصلية
گال الرجال يلي جاي ويا اني اخلصج منهم اني شيخ ولي كلمة والي معارف هواي صبري علية وباجر
متنامين هنا بس كون انتي راضية تطلگين
گتله طبعا راضية هو اني انتحرت علمود اخلص منهم متريدني اطلگ
گلي خالي رافد ولايهمج عوفيهة على شيخ حسن هذا وليدي واعرفه
ابتسمت مسحت دموعي باس راسي خالي وگال روحي صيحي رجلج وارتاحي انتي
هزيتله براسي ورحت على كاظم گتله خالي يريدك
طلع واني رحت لغرفتي سديت الباب وگمت احظر ملابسي وطلعت ملابس محمد اشم بيهة وحطيتهة وية ملابسي
سمعت صياح خالي وابنه حسن وصوت كاظم اكيد على شغلة الطلاگ
رحت اتنصت اريد اسمع شيگولون سمعت كاظم يگول ماطلگ وخالي يگولة زينة تطلگ غصب ماعنك
جان يحجي حسن گلة هي گلمتين مالهة ثالث باجر تطلگ.
يتبع
624 كلمة
