نبض علي

نبضه اولى

#نبض_علي
نبضه 1

نبض:كعدت صبح مثل كل يوم نشطه حتى اروح للكليه غيرت ملابسي وجهزت نفسي ونزلت صبحت على ماما وبابا صباح خير
شهد وزاهد: صباح نور يله تعالي تريكي بسرعه قبل لا يجي سايق
نبض :لا مااشتهي بس راح اشرب جاي
شهد :براحتج بنتي ☺
نبض:يله راح اروح اجه سايق بيبياي
شهد وزاهد :الله وياج ديري بالج على نفسج
نبض :ركبت بسياره صبحت على صديقتي تبارك ووصلت للكليه طبعا كليتنا سينما كل يوم فلم وقصه جديده😂😂واني احب استمع هذا كبل ذك خطب وهكذا
تبارك :اكلج نبض شوفي ذك باين مو من كليه مالتنه وشكله هم مو من نجف
نبض :وين ؟؟؟
تبارك:ذك واكف وياه فهد ولج
نبض :هاا اي منو هذا اول مره اشوفه خاف صديقه او كرايبه
تبارك : مادري يله امشي نروح ناخذ محاضرات
نبض : اوكي يله

...
علي :الو ها بويه ايي رحت للنجف اكمل شغلي وارجع محتاج شي
محمد:لا وليدي بس سلملي على فهد ودير بالك على نفسك مع سلامه
علي:حاضر يابه مع سلامه
فهد :علي علي
علي:ها شلونك
فهد:زين وانت
علي:تحت رحمته
فهد :شلونهم اهل انشاءالله بخير
علي: اييي الحمدالله
واني جاي اسولف وياه فهد شفت بنيه لا مو بنيه كمر مع انو اني مااحب اباوع على عرض ناس بس هاي جانت شي ثاني شفتها كامت هي وصديقتها مدري وين
فهد :علي انت وياي جاي احاجيك
علي:هاا اي بس سوال ذيج منو ؟؟
فهد :منو قصدك؟؟
علي :ذيج
فهد :ها قصدك نبض
علي:نبض !!!
فهد :اييي اسمها غريب وهي غريبه
علي :شلون يعني غريبه
فهد :هاي ثكيله وكل يوم ضارب ولد بوري ولك مرات من دون ماتباوع وجه ولد مدنك على ملازم وترفضه😂حتى كامو ولد يتسابقون حتى يكبلون وياها وهي ولا يعجبها عجب
علي:هاا يلا مرخصتك راح اروح
فهد:ها ولك بعد وكت
علي:تعرف طريق وعندي هواي شغل بل بصره مع سلامه
فهد : مع سلامه خويه
علي:كمت من فهد وبالي يمها اكو شي غريب جذبني لها نظرات عيونها غريبه مادري شصارلي معقوله حبيتها ؟؟؟

........
نبض:اكلج تبارك خلي نخابر سايق ماطول ماكو محاضره اخيره شعدنا باقين
تبارك :ماشي بس يوم ماشفنا محسن ؟؟
نبض :اااييي ولج تلكي نايم وضارب دنيا بل عرض
تبارك:مدري هذا شلون ينجح
نبض :مدريني😂يله ولج خابري
تبارك "اييي يله
....
نبض :بعد ماخلص دوام رجعت للبيت تغديت وقريت ونمت شويه كعدت على صوت مبايل يدك
نبض:الو😴
محسن:ها ولج شلونج
نبض:هامحسن خير
محسن:كل خير بس اريد تجيبين محاضرات مال يوم باجر وياج علمود استنسخهن
نبض:اوكي اجيبهن بعد اكو شي
محسن :شبيج عصبيه فوك مااخابرج واسئل عليج
نبض : كول والله مرتين هو انت وين سئلت عليه شو على طول كلت اريد ملازم واصلا ليش استغرب مصلحجي مو بيدك😂😂😂
محسن :افا عليج اني هيج يله مهم لا تنسين ملازم واني رايح اديح باي
نبض:باي🙂
راح محسن شفت ساعه 9 رجعت نمت مدري شبيها هاي فتره انام هواي
.....
علي :وصلت بليل للبصره اول مادخلت شفت امي وبستها من راسها شلونج يوم
اخلاص:زينه وانت وليدي شلونك خلصت شغلك بل نجف
علي:اييي خلصت وين ابويه
اخلاص :بغرفه بيبيتك
علي :جا راح اشوفه اني
اخلاص :روح يمه
علي:رحت غرفه بيبيتي حبيت على راسها وعلى راس ابويه وكعدنا نتناقش على كيعان ومشاكل ديوان بعدين صعدت انام حطيت راسي على مخده اجه شكلها نبض كدامي
ياربي جاي يصير مستحيل حبيتها ؟؟

قصه خياليه😁😁