رواية خداع انثى{(رحمه محمود)}

الفصل الاول

شجن: ماماا ياماااماا..... انهارده النتيجه وانا خايفه اوي.

والدة شجن: انتي عملتي اللي عليكي يا حبيبتي والباقي علي ربنا.

شجن :عارفه ياماما؟ حاسه اني هجيب مجموع كويس جداً واحقق حلمي و أدخل كلية ألالسن وابقى زي البنات اللي بيتكلموا انجليزي واسافر عشان...

والدة شجن مقاطعة لها :كليه ايه يا بنتي هو احنا بتوع الكلام ده.

شجن: كلام اي ياماما ؟؟ هو انا هعمل حاجه غلط ولا حرام انا نفسي اكمل تعليم يا امي😥.

والدة شجن: ما انتي عارفه يابنتي ان البنت عندنا في القرية اول ما بتخلص الاعدادي بتتخطب وعشان ابوكي شافك غاوية تعليم قال مفيهاش حاجه هخليها تكمل وتأخد الثانوية.

شجن بحزن: اه يا امي عندك حق و تتجوز و تقعد في البيت و تشيل مسئولية كبيرة عليها😔.

مشيت شجن ودخلت أوضيتها بتفكر في أحلامها اللي عاشت كل السنين دي بترسمها في خيالها.

شجن لنفسها: مفيش فايده 😣كل تعبي هيروح علي الارض ...العادات والتقاليد وحق البنات اللي بيضيع عشان احنا من الريف😔 يارب انت عارف ان انا تعبت ارشدني لطريق الخير.

زهراء أخت شجن : ماامااا الباب بيخبط

والدة شجن راحت عشان تشوف مين جاي بدري كده: أهلا ً يا حبيبتي عامله ايه

سعاد صاحبة شجن: الحمدلله يا طنط انا كنت في المدرسة بشوف النتيجه وشوفت نتيجة شجن وجيت عشان ابشرها و اقولها الف مبروك

والدة شجن : ياما انت كريم يارب ادخليلها يابنتي هي في الاوضه

سعاد خبطت و دخلت: الف مبروك يا دحيحه 😍

شجن بدهشة : سعاد...!!

سعاد: بحماس نجحتي نجحتييي وجبتي ٩٨ في الميه وهتدخلي الكليه اللي نفسك فيها 🥳

شجن بلامبالاة: الحمدلله وانتي عملتي ايه

سعاد ب استغراب: الله..!! مالك يا شجن بقولك جبتي ٩٨٪ انتي مش فرحانه ولا ايه وبعدين بصيلي كده انتي بتعيطي ليه يا شجن فيه اي

شجن: عادي بس كل احلامي ماتت خلاص .. اهلي مش موافقين اني ادخل الجامعه وبيقولولي ان وقت جوازي جه وكفايه لحد كده تعليم😔

سعاد : ايي؟؟جواز اي انتي لسه صغيره وأحلامك اللي تعبتي عشانها ؟؟

شجن: الظاهر ان ده مصيري خلاص

سعاد: ربنا يحلها ان شاء الله ...انا همشي دلوقتي عشان لسه مقولتش لأهلي اني نجحت ..مع السلامه

شجن بحزن لنفسها : سلام اوعدكم كلكو دي هتكون أخر سلام من شجن الضعيفه

اكتبوا تعليقاتكم واستنوا الفصل القادم بإذن الله مش هيتأخر