DAMA TA BIYU
(The Second chance)
🌍 *HAJOW* 🌍
🌍*HAKURI DA JURIYA ONLINE WRITERS*🌍
_(United we stand,our aim is to educate,entertain and enlighten our readers in a adventurous manner.)_
Facebook:ZahraArkel/Hakuri da juriya online writers.
Wattpad:ZahraArkel.
RAYUWAR FATIMA da NABEEHA tasa na gane ANA BARIN HALAK..ko don kunya kuma QADDARA CE SILAR data sa ake samun DAMA TA BIYU yayin da 'YAR JAGORA ta dauki KARA DA KIYASHI a rashin sani.......
Littattafan marubuciyar (ZahraArkel)
1.Rayuwar fatima
2.Nabeeha
3.Ana barin halak
4.Qaddara ce sila
5.Dama ta biyu
*I dedicate this Novel to my late twinnie Hauwa'u Muhammad sani,i truly loves u sis*
Part Two
Page Eight.
•••••Har akayi break abun bai daina bata mamaki ba tana tambayar kanta yaya akai yasan Baby Eve d'iyar tace?yaya akai ma yasan tana da aure ko ta taba aure?.
Jannah ta lura wani abu ya faru tsakanin su saidai bata ji haka nan ko sauran en ajin sun lura akwai maganar da ta bawa Immileeyn mamaki saidai babu wanda ya ji abinda yace saidai bakinsa da aka ga yana motsawa.
Ana fita break din Jannah tace tana kallonta "Wai me yace miki?"
Immileey ta kalle ta tace "Wa kenan?"
"Sir Jalaal." Ta amsa tana karban cup din tea din data bata,duk da batayi tsammanin zata amsa mata ba.
Tabe baki tayi tace "Addua ya mana nida wancen er wai Allah yasa ta gaji karatuna."
Bude ido sosai Jannah tayi cikin mamaki tace "What?ya akai ya sani?"
Sake tabe baki tayi tana kallon sa ya kusan shiga staffroom tace "Nima bansani ba."
Jannah tace "Kaii amma da mamaki fa ace yasan wannan maganar don nidai nasan babu ta inda mutumin nan ya san mu sai aschool dinnan tunda ko malamai basua san da ita ba."
Immileey bata kulata ba ta cigaba da cin abincinta,ganin hakan ya sa itama tyi shiru da zancen saidai ita kanta abin na cinta a rai tana lissafa ya akai ya san Baby Eve diyar tace?babu wannan amsar a gare su gabadaya don haka duk suka share suka cigaba da cin abincin su don shine mafi a'ala a wajensu.
💭
Shikam Abduljalaal yana shiga staffroom din ya zauna kan desk dinsa ya ajiye litattafan hannunsa tare da dauko wani qaramin teaflask mai shegen kyau.
A hankali ya tsiyayi tea din da daga jin qamshin sa kasan ba ordinary tea bane yasha hadi ya soma sha yana lumshe ido,fuskar Immileey ce ta ratsawa duhun idon sa ya bude da sauri yana auziyya da neman tsari daga shaidan a fili kuma ya furta "Babu ruwan ka da matar aure Jalaal ba hurumin ka bane Jalaal."
Lumshe idonsa yayi yana jin wani irin a cikin ransa,sosai ya dinga kokowa da zuciyar sa amma ya kasa gaskata matar auren ce.
Har aka koma break ya koma ajin bai daina wannan tunanin ba,tabbas ya lura ko a cikin daliban tana da matuqar kame kanta,yana da tabbacin akwai abinda yasa take haka don ba kasafai aka cika samun yara masu irin shekarun ta da wannan tsananin kamun kan nata ba.
Sau da dama yasha kama yara daga zuwan sa makaranta suna fada abubuwa akansa ita ya lura ko magana bata son yi masa kuma yasan tana magana don yana lura da yanda suke magana da Jannah da wasu daga classmates dinsu ko da in an fito break ne.
Sosai yake qoqarin yakice duk abinda ya shafe ta don haka koda ya shiga class din ma bai kalli sashen taba ya soma musu qarin Qur'ani,saida ya gama nasu sannan ya kalle ta yace "Za a qara miki ne?"
