الدكتورة أسيرة الزعيم 🔫👩‍⚕️

الحلقة 1

23:26..
داخل بلوك مخدوم قاع بالزجاج و صوت الآلات يتسمع مالبعيد واقفة مركزة و حاطة كامل جهدها فوق طابلة تاع عملية استغرقت هاد العملية 3ساعات و مازالت ...
دخلت فرملية تجري ليها: أستاذة لازم تحبسي العملية و تجي لفوق. معطاتش كلامها اهمية و قالت: ماراكيش تشوفي فيا نخدم خدمتي هنا ولا معجبتكش؟
الفرملية: لالا استاذة مي موسيو احمد (مدير الاطباء )قال انو لازم تحبسي العملية لانو كاين واحد لازم تشوفيه دوك
دارت شافت فيها باين التوتر و الخوف من وجهها دارت كملت خدمتها و قالت ببرود: لازم نكمل هاد العملية منقدرش نحبس و كاين 20طبيب ماشي غير انا هنا اخرجي خليني نركز
خرجت الفرملية من البلوك و طلعت لفوق
طبطبت في الباب حتى جاها صوت:ادخل
دخلت الفرملية حبطت رأسها و الخوف باين عليها: استاذ قالت بلي لازم تكمل العملية
احمد ناض مبلاستو: كيفاااش هادي تخالف اوامري راهي حابتنا نروحو قاع فيها هادا ماشي اي شخص
وين راهي؟؟
الفرملية بزربة : البلوك 19 .
خرج يجري و راح لبها من الفوق يهدر معاها من مكبر الصوت: استاذة جوري لازم تخرجي و كاين لي راح يتولى هاد العملية
جوري: مبقاش بزاف
احمد:: دوك تحبسي استاذة جوري
شافت فيه و تنهدت و هدرت مع الفرملي لي قدامها: سامي رانا نحينا الورم بقاتلك الخياطة برك نتكل عليك
سامي: كونك هانية استاذة. و راحت نحات الحوايج تاع العمليات و لبست طابليتها و راحت لمكتب احمد.
احمد؛ أدخل...
دخلت و اشارلها باش تقعد: جوري بنتي علابالي بلي ماشي من حقي نقطع عليك عمللة من عملياتك مي هاد المرة راني مجبور. سكت شوية و كمل: شوفي راهو في الطريق في سيارة الاسعاف شخص لازم عليك تبذلي الجهد تاعك باش تنقذيه لانو لوكان متنجحيش في العملية تاعو راح نروحو قاع فيها.
شافت فيه و عقدت حواجبها بمعنى مفهمتش شاف فيها و هدر : علابالي بلي حنا جامي فرقنا بين شخص في الطب جامي فرقنا بين غني و لا فقير مي هاد المرة الوضع اسوأ ببزاف الشخص هادا لازم تنجحي في اسعافو
جوري" واش يكون هاد الشخص
احمد: اكب......
راح يهدر قاطعو دخول الفرملية لزربة: راهو جا موسيو
ناض يجري و نوض معاه جوري ..حبطو و شافت جوري الغاشي برا و الصحافة و البادي جارد يفوتو 10 استغربت  و قالت بينها و بين روحها : باين حكايتو حكاية مي تمتم فطنت مع روحها  و راحت تشخص حالة المريض قرات الورق عرفت بلي حادث مرور و لقات عندو نزيف في راسو و بزاف جروح و وجهو كامل دم  .
جوري: وجدولي البلوك 20 دوووك .
و راحت تجري تلبس بعد 10 دقائق دخلت لبلوك و انتبهت انو واحد 17 شخص راح يحضر العملية(يشوف العملية من فوق لانو البلوك بالزجاج تسما يبان كولش) توترت للحظة مي تمتم تلاشى التوتر تاعها و بدات العملية تاعها
بعد مرور 4ساعات:
كملت العملية و خرجت من البلوك و داو المريض للانعاش باش يبقى تحت المراقبة و راحت عند احمد طبطبت و دخلت: اتفضلي بنتي اقعدي
قعدت و راحت تهدر قاطعها: علابالي راكي تحوسي تعرفي شكون هذا هذا يكون اكبر رجل اعمال في البلاد مكانتو في البلاد عالية بزاااف جا لهاد السبيطار لانو تعرض لحادث مرور قوي و سلك على شعرة و طلبت منك هاد العملية نتي تستكلفي بيها لانو نثيق فالقدرات تاعك و في الجرأة لي عندك و نتي ربي يحفظك مرفظتينيش و هاد الشي راح يخليك تكبري المكانة تاعك هنا
جوري: يعني قررت نعطيك 30%من اسهم السبيطار تكريما لك لانك نجحتي في هاد العملية
جوري؛ شكرا بزاااف ليك مي هادي خدمتي و شكرا على دعمك ليا مي هاد الهدية منقدرش نديها لاو واجبو و استاذنت : راح نشوف المريض
دارلها براسو تاع؛ أوكي و خرجت و هي تحس بفخر كبيرر للكلمات لي قالهملها مديرها لي كانت بمكانة كلش عندها و حست انها تعبت باش وصلت للنقطة لي راهي حابتها و عازمة تكمل الاجتهاد تاعها في خدمتها .
حبايبييي راني جيت و جبتلكم معايا كرو جديدة بحلقة جديدة نتمنى تعجبكم ❤
يا درا شكون هو الشخص هذا و واش حكايتو؟؟