اعتذر للاسف نشرت بارت السابق مو بارت الرابع بارت الخامس هسة نشرت الكم البارت الرابع
تابعوا القصة
حسن
اني حسن رافد شيخ عشيرة'....' عمري ٢٨سنة
بوي انطاني الشيخة والبارحة رحت اني وبوي على بنت عمتي زينة جان عمهة منطيهة فصلية فوگاها منطيهة لواحد بگد ابوية اتفقت وياها علمود اطلگهة من رجلهة
دريت عدهة ولد وراح خطية صغيرة بعدهة طب وراها رجلهة گتلة نريدك تطلگ كام يصيح ويگول مرتي واني حر وطلاك ماطلگ
ابوية يحجي ويا ويگله كافي عاشت يمكم كل هاي السنين بالضيم فكو البنية مكافي عاد
اني زهگت گتله شوف كلمتين مالهن ثالث باجر طلگ
عندي معارف هواي ولتگولي فصلية مافصلية كلشي اگدر اسوي واگدر اخلي بنت عمتي ترفع دعوة واني التزم بالدعوة وتطلگ غصب ماعنك فطلك
بالهداوة احسن متصير بالمحاكم وانت الخسران
ظل صافن علية وگال يصير خير..طلعنة من يمهم
وبوي فرحان لان شاف بنت اخته
واجينة اليوم الثاني عليهم فتنة جوة وگال هاهية بنتكم من هالحظة طالك طالك طالك
طلعت هي واخذهة بوي ركبهة السيارة واني حطيت جنطتهة بالصندوك وصعدت مكان السايق
گضت الطريق كله تشكر من عدنة خطية مبينة شايلة الضيم وهلگد فرحانة بطلاگهة اخخ كون الزم عمهة وانتفه حرام يتسمه زلمة ميعرف يربي ابنه ابتلشت بنت عمتي ابلاهم
وصلنة البيت نزلت طبينة جوة وتلگتهة امي
زينة
اجة كاظم علية من كلع خالي گلي تريدين تطلگين
گبل كتله اي لان تعبت
گلي ماشي يبنت الناس باجر يجي خالج وتوكلي ويا
عافني وطلع واني من غرحتي انتظر الصبح شوكت يجي
ومن جوي خالي وحسن واسمع كاظم يطلك ودي اهلهل من الفرحة اخذوني وتشكرتهم
وصلنة بيتهم ماشاء الله يخبل من ضخامته طبيت جوة طلعتلي مرة عرفت انو تصير مرة خالي حضنتني
ودخلتني لغرفة بيهة عجوزة گاعدة التفتت عليهم
گتلهم منو هاي ردتلي الغجوزة نفسه گالت اني جديتيج يمة تعالي يمي خل اشم ريحة بنيتي بيج
حضنتني واووف حضنهة شگد دافي گامت تبجي
بست راسهة گتلهة فدوة لتبجين بعدين جتني مرية
عرفت هاي خالتي هم حضنتني
گعدت بينهم كلهم گاعدين سوة يسولفون ويضحكون
اساميهم بالگوة حفظتهة خاصة خالتي غادة عدهة خمس ولد ماشاء الله وخالي رافد عنده حسن الشيخ ومريم بنته اكبر مني بسنتين عرفت هذا البيت بيت خالي رافد وجديتي عايشة يمه
بعدين اخذوني للمطبخ وياهم حسيت اخيرا اني يم اهلي سمعت صوت جاهل يبجي تذكرت محمد دمعت عيوني يا ربي الهمني الصبر جتي مريم شايلة للجاهل
گتلهة هذا ابنج گالت ولج لا هذا حمزة ابن حسن اني بعدني بس مخطوبة
گتلهة ليش يبجي امه وين
گالتلي خطية امه ماتت صار فترة وحسن ماتزوج لهسة اخذته من عدهة ظليت صافنة عليه شگد حلو ومدبدوب اخذته لعبته ونيمته ومريم گاعدة يمي تگولي اشوفج متعودة على الجهال
گتلهة اي جان عندي ولد اسمه محمد جان يخبل ودج بس تبوسين بي بس مرته الاولى لزوجي خنگته ومات لان ماعدهة ولد
شهگت واني ابجي گلتلي احجيلي شصار وياج
جنت احجي وما ادري خالتي وجديتي بالغرفة ولا انتبهت عليهم من طبو حجيت كلشي صار من اخذوني الى هسة گعدتي يمهم ودموعي تكت گبل حجي
جتي خالتي تحضن بيه وتگول الله لاينطي الصار السبب گالتلي مريم انسي يلي فات وابدي من جديد
وكملي دراستج ادرسي خارجي وتلحگين تخلصين
صفنت هو هذا لازم اسوي گتلهة الله كريم ورجعت اباوع على حمزة يلي بحظني نايم
حسن
جنت اريد تصيح مريم علمود تجيبلي حمزة اسمع صوته يبجي طبيت للمطبخ لگيت زينة شايلته لعبته
وطبو للغرفة وهو ساكت بين ايديهة وجان تنيمة
بعدين طبت جديتي وعمتي يمهم واسمعهة تحجي على الي صار وياهة اوف تبجي كل هذا صاير بيهة ومن تجيب سيرة ابنهة تحجي بحسرة ام على ولدهة
الله يعينهة بقة حمزة يمهة باليل گلت لمريم جيبي عيب البنية خل ترتاح گالت هي متقبل تگول عوفي
زينة
گعدت الصبح احد يضرب وجهي اتذكر نمت بغرفة جديتي شنو قابل هي تضرب هيج فتحت عيني لگيت العيون السود تباوعلي جان حمزة يلي عمره ٦شهور
فدوة لربه يخبل گمت ابوس بي وهو يضحك بعدين گام يبجي عرفته جوعان سويتله حليب لگيتهم گاعدين شگد فشلة اني بعدني نايمة طلعت من الغرفة لگيتهم
بالمطبخ رحت على مريم گتلهة فدوة مريم اريد اسبح وابدل كلشي ما اندل اخذتني لغرفتهة غسلت وبدلت طلعت مالگيتهة گعدت امشط
حسن
جنت اريد اصيح لمريم رحت لغرفتهة لكيت الباب مفتوح شوية رفعت عيني وجان اشوفهة خرب لك هاي شنو هالشعر شنو هالبياض نوب العيون الصفر تسطر اكبر شاب
سودنتيني يبنت عمتي بس شفتج كل هالجمال وين مختلته يزينة.
يتبع..
