🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨الاسطورة✨ للكاتبة ✒️ : Agasha Bell 📜💜البارت 17💜📜 شمس غمضات عينيها كتحاول متهبطش راسها لتحت بدات كتحيد فالسروال .. حلات نص عين هزات الفوطة و دوراتها عليها .. يلاه وقفات حتا كتحس بشي حاجة قاصحة كتضرب بين فخاذها عضات على شفتيها حابسة البكية بزز ناضت لبيتها مفرقة رجليها باش المعلم ميبقاش كيضرب ففخاذها ... وصلات لخزانتها كتدور على شي حاجة تلبسها مع ان كولشي دابا غيجيها صغير ... نضرا لضخامة الحجم لي تحولات ليها هزات بيجامة فالوردي و مرسوم فيها هالو كيتي .. لبسات السروال لي جاها لاسق معلم كولشي .. بدات كتحاول تحل فصدايف القميجة السوداء حتا حيداتها كاملة و لبسات التيشورت ديال البيجامة حلات عينيها كتشوف فالمرأة .. شكلها كثر من مضحك و لكن هي ما عندها خاطر لضحك بزز باش حابسة البكية .. خرجات من بيتها متوجهة لكوزينة حتا سمعات جرس الباب .. حلات عينيها مسمرة .. ضارت بخطوات سريعة لجيهتو طلات من العين السحرية و هي تلمح غيثة .. حلات عينيها كتحك يديها بتوثر علضات على شفتيها حابسة البكية بزز .. بدات غيثة كضق فحال دق البوليس و تعيط بسميتها .. و لكن شمس حاسة براسها مشلولة .. حطات يدها على البواني ناوية تحل حتا تراجع فالدقيقة التسيعين .. بدا هاتف كيصوني و لكن من حسن الحض كان على وضع صامت غيثة هي المتصل .. كتصوني ليها و كدق فالباب .. حتا فقدات الامل على بالها مكايناش هنا مشات و قلبها مقبوض عليها من جيهة صاحبتها .. بدات شمس كتبكي فحال شي بنية صغيرة بصمت .. جمعات شتات نفسها بصعوبة و توجهات لكوزينة ما كلات من الصباح .. طيبات عشاء خفيف كي العادة كلات و سلات ورجعات لبيتها بملامح ذابلة .. كلسات على سريرها كتشوف فنقطة وحدة و عقلها خدام كيفكر فالحقيقة قبل كان عندها فضول وكان كانت راجل كيفاش كانت غتعيش واش غتكون عندها حرية اكثر من كونها فتاة الخ .. عضات على شفتيها ساهية .. نزلات عينيها ليديها كتحركهوم و عقلها مزال مامستوعب تحولها لراجل ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
