🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨الاسطورة✨ للكاتبة ✒️: Agasha Bell 📜💜البارت 18💜📜 رجعات ساهية حتا قفزت على صوت الاتصال .. خرجات عينيها كتمنى ميكونش لي فبالها .. دورات راسها للابتوب ديالها لي كان محلول طلع ليها اتصال من واليديها .... شمس و لات كتويل حطات يديها على خذوذها لي كتكسيهوم لحية خفيفة : اويلي حاي اويييلي مشيت فيها ... و قفات كتنقز فبلاصتها .. اويلي شغنديير هادي هي اللخرة ديالي .. طارت لتيليفون ديالها فتحتاو كترجف .. مشات لواتساب صيفطات ليها ميساج كتكتبو ليها شمس ✍️: سلام ماماتي راني عند غيثة كنحفض بلا ماتصوني ليا سيفطاتو ليها كتولول حتا وصلها فوكال من عند مها نيعيمة ▶️: عاد كي صونيت ليك تشوشت عليك ... حتا لغدا و نهدرو سيري يا بنتي الله ينقي طريقك من الشوك و الله يوفقك شمس تنهدات بارتياح تكات على السرير عقلها مشوش ففيلا الاسماعيلي غارج باب واقفين زوج خادمات كل وحدة كتدفع فالاخرى باش تدخل ... حتا تشجعات وحدة فيهوم ... دقات فالباب عدة دقات و حطات يدها على البواني دفعاتو حتا تحل الباب ... رفعات عينيها ففهد لي كان كالس مركز مع الابتوب كيبحث فهاد شي لي واقع فيه و اغلب المعلومات كيشيرو على انها لعنة ... رفع عينو بحدة فالباب فاش حسو تفتح حتا دخلات الخادمة حانية راسها ... حرك ريها راسو بشنو الخادمة : انسة ( فهد خرج فيها عينو على هاد اللقب ) موسيو فهد مكيخلي تا حد يدخل لهاد المكتب كنطلب منك الخروج تكا فهد على الكرسي ملامح وجهو كانت باردة بشكل مخيف و لكن عينيها كتعتاليهوم نضرة حادة ... فالداخل ديالو النار شاعلة فيه فحال شي جحيم ... بقا كينقر بصبعانو على المكتب كاسر هدوء المكان ... عض على فكو بعصبية ... فضل يخرج حيت عارف قواعد الفيلا و القواعد لي حاطها بنفسو فالفيلا الخاصة بيه ... الى مخرجش عارف ان ليكارد ديالو غيخرجوه بزز ... ناض نوضة وحدة كيتمشى بهدوء خارج من المكتب و كيتحلف فنفسو على هاد الخادمة ... خرجت الخادمة من وراه ... ضار عندها فهد و ما فوجهو حتا شي تعبير فهد هضر بصوت رقيق : طلعي نضفي الجناح و عيطي ليا فاش يوجد العشاء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
