✨الاسطورة ✨

✨الاسطورة✨
للكاتبة✒️ : Agasha Bell
💜📜البارت 19📜💜
الخادمة : سمحي ليا ا انسة و لكن معرفتش العشا لي كتفضليه
ضار عندها فهد بتخنزيرة كيحس بدمو كيغلي هضر عاض على سنانو : كنقصد العشا لي كتوجديه لموسيوك فهد
ضار كيتمشي نافخ صدرو طالع لبيتو و شعرو كيتحرك معاه فكل حركة كيديرها
الخادمة بقات متبعة ليه العين كتلاحض ان تصرفات هاد الانسة طبق الاصل على الموسيو فهد فالمشية المتكبرة ديالو  فالنضرات فكولشي
طلع فهد لبيتو حابس عصبيتو بزز ... خرج لبالكون كيفكر .. الى خرج من هاد الفيلا مغيقدرش يرجع يدخل حيت الخروج و الدخول كيكونو تحت امرو ... عض على فكو ... سمع دقات فالباب عطا الادن و  تفتح و تم داخلين زوج خادمات حلو عينيهوم على جهدهوم ... هازين لهم لهاد الانسة ف ردة فعل موسيو فهد الى ساق بهاد الروينة لي وقعات فبيتو .. نهارها مغيطلعش ...  مساكين معارفينش انه هاد الانسة دات الملامح الطفولية البريئة و الجسم الصغير هي نفسها فهد الرجل صعب الطباع لي الارض و السما مكافيينش ليه
شعل سيجارة كيتكيف بهدوء و عقلو سارح ... الخادمات نضفو كاع الروينة لي كاينة تما و خرجو .... دقائق حتا سمع دقات فالباب الخاص بالجناح ... بلا ميتحرك
فهد : تفضل
حلات الخادمة الباب : انسة العشاء و جد
عض على شفتو شحال قدو يعاود نفس الهضرة محاملش ديك الكلمة ديال "الانسة "كتافا يرفع يدو ليها بمعنى سيري
الخادمة كتشوف نفس تصرفات فهد فهاد الفتاة حتا طريقة رفعها ليدها نفسها كيديرها موسيو فهد ... عرفات ان هاد البنت عاشت لوقت طويل مع موسيو فهد حتا ولات كتاخد نفس تصرفاتو لهادا غتكون شخص مقرب ليها .. خاصهوم يكونو اكثر حذر معاها ...
دار لخزانة حيث البرد تحرك شوية ... خذا قميص صوفي فالاسود لبسو ... و لكن مع الاسف جاه اكبر من حجمو باضعاف ... زفر من فمو خشا رجليه فالبانطوفة لي جياه كبيرة  كيجر فيها ... هبط نيشان لصالة كانت عريضة بزااف بفراش عصري انيق .... كتخرج لجردة ... الفوتاي باللون الاسود و كتوسطها طبلة واخدة عرضها ... كان تما اشهى الاطباق و لكن تقريبا كولهوم كانو اكلات صحية ... دخل لصالة نافخ صدرو و راسو معليه لفوق كيتمشى بكل تكبر و عجرفة ... كلس فراس الطابلة الكرسي المخصص ليه بوحدو ... الخادمات لي كانو واقفين تما شوفوه بنص عين و بداو كيتغامزو ... حتا ولد المرأة مكيتجرأ يكلس فوق كرسيه ... هز الفورشيط و الموس و بدا كياكل بكل اناقة بشوية عليه و عينيه كيضورو بين الخدم
حط الفورشيط و الموس من يدو رفع فيهوم حاجب
فهد بكل هدوء : نتوما ( شير بيدو حيت معارفش سميتهوم ) خرجو و انتي ا رجاء بقاي
دوك الزوج حناو راسهوم و تما ماشين
قربات ليه : انا سميتي هناء
فهد قلب عينيه مكيهموش : (شاف فيها بجدية )بغيتك تنفذي واحد الحاجة
هناء : اه الالة لي بغيتي
✨الاسطورة✨
للكاتبة ✒️: Agasha Bell
📜💜البارت 20💜📜
✨ اصبحنا و اصبح الملك لله ✨
ناضت شمس كتفوه حلات عينيها حلة و حدة رفعات يديها بأمل كبير حتا نزلات عينيها بخيبة ... نفس اليدين و سؤال واحد كيدور فدماغها واش غتبقا هاكا حياتها كاملة
ناضت بشوية عليها توجهات لحمام كتقل فمشيتها ... خسلات وجهها باش تصحصح مزيان ... حتا خزانة صغيرة تما هزات ليكات خرين .... سرطات ريقها و القيء بدا طالع معاها ... غمضات عينيها ... و  هبطات شوية من سروالها نزلات يديها يلاه قاصتو حتا بغا يخرجلها القيء بدات كتعوج فرقبتها فحال اللفعة حتا خرج ليها فحال شي نافورة ... و خا هكاك معافرة انها تبول فطواليط بزز ... و لاول مرة نجحات مشات هزات مناديل كتمسح الطواليط من القيء مزيااان
كان واقف فالجناح ديالو و بالضبط فالبالكون خاشي يدو فالسروال و نضرو سارح لبعيد ...سمع دقات فالباب سمح بالدخول بلا ميضور
دخلات هناء منزلة راسها للارض
فهد : جبتي اش قلت ليك
اه الالة : جبت و وجدت كولشي
فهد : امم مزيان تقدري تخرجي
حنات راسها حطات ساشية فوق السرير و زادت خارجة
حس بالباب تسد و ضار متاجه لسرير بالهداوة ... كان فيه مجموعة من الملابس الرجالية و لكن بحجم اصغر و كونطاكت ديال سيارة من سياراتو الكثيرة ... لبس توني فالاسود اديداس لبس كاط فالابيض دار كاسكيطة هز الفون ديالو و المحفضة ديال المال و طبعا الكونطاكت
هبط كيدور عينيه فالارجاء ... نزل من الدروج بالحس و خرج لحديقة دار من الجيهة الاخرى لمح هناء واقفة و التوتر باين فعينيها و قف عندها مطلع راسو فيها ... جبد من محفضتو المال بشكل عشوائي و عطاه ليها ... تمشى خطوة و رجع لعندها
شير لشعرو : جمعي ليا هاد الخرى
الخادمة حركات ليه راسها بالايجاب جبدات بوندو من جيبها حيدات ليه الكاسكيطة و جمعاتو ليها الفوق كود شوفال و رجعات ليها الكاسكيط ... دور عينو فالارجاء مزيان و طلع فالسلوم و قف اعلى السور كيشوف فشحال بعيدة الارض عليها ... مفكرش زوج مرات حتا تلاح للارض ... عض ففمو بالالم لي كيحس فرجلو حيت طاح عليها ... جمع الوقفة كينفض الغبار من ملابسو دور عينو بحذر فالارجاء ... توجه للكاراج لي تما شاف فالكونطاكت ديالو عرف السيارة توجه لرونج روفر فالابيض حلها و ركب ... كان حذر فهاد المسألة حيت كان باغي سيارة يكون زاجها فيمي ... ركب فيها عقد حواجبو الكرسي مكانش مساكد مزياان ... ساكدوو حتا ولا مناسب ... ديمارا خارج من الكراج ... حتا وصل لباب الكبيرة و اليكارد كانو مشتتين تما فكل بلاصة محاوطين الفيلا من برا ... شاف واحد من ليكارد و فتح الباب ... على بالو هادا موسيو فهد حيت هاد ليكارد كيكون فقط فالدورية ديال النهار ... خرج فهد من الفيلا مكسيري هز نضارات ديالو حطهوم على عينيها هز سيجارة شعلها و ل النافذة لي قدامو كيسوك بيد و اليد الاخرى كيسوك بيها ... مسافة طريق كان واقف حدا الشركة ديالو ... وقف كيشوف لي داخل و لي خارج ... خرج من السيارة سدها بالكونطاكت واخد انضار المارين ... دخل لشركة كيضور عينو تمشى مشيتو العادية بكل عجرفة ... حتا وقفو صوت دار مطلع حاجب