🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨الاسطورة✨ للكاتبة ✒️ : Agasha Bell 💜📜البارت 21 📜💜 موضفة الاستقبال : انسة متقدريش تطلعي للفوق حتا يكون عندك موعد معا موسيو فهد طلع فيها عينو : احم انا مسيفطني موسيو فهد حيت خاصو شي وثائق يوقعهوم السكرتيرة : واخا هكاك متقدريش تطلعي حتا نكون متأكدة حرك ليها راسو بالايجاب ... رجعات هي لبلاصتها و فهد ضار عاطيها بالضهر ... جبد هاتفو و سيفط لموضفة الاستقبال ميساج من الايمايل الخاص بيه ديال الخدمة موضفة الاستقبال كانت كتخدم عادي حتا طلع ليها ميساج من موسيو فهد ... حلت عينيها بدهشة اول مرة كيسيفط ليها شي ايمايل فالعادة فاش كيبغي موسيو فهد شي حاجة كيقولها لسكرتيرة ديالو و هي لي كتسيفط ليها اشنو بغا ... حلاتو كان مكتوب فيه انه غتجي شي بنت خاصو يخليها تفوت الخ وقفات مبتاسمة حاسة بشي حاجة انه موسيو فهد يسيفط ليها ايمايل شخصيا ... رجعات عندو موضفة الاستقبال : انسة صافي تقدري تدوزي فهد حرك ليها راسو هاهي خطتو نجحات كمل طريقو لاسنسور الخاص بيه حتا شاف الانضار متوجهة ليه .. رفع حاجب .. عض على شفتو ميمكنش يدخل مع الموضفين للمصعد الخاص بيهوم ... ضرب الضورة ووقف قدام الاسنسور مغوبش ... تحل الاسنسور و دخل كيدور عينيه فيه طلع معاه زوج بنات اخرين تسد الاسنسور حتا نطقات وحدة فيهوم : اوفف يا ختي حاسة بشي حاجة ناقصاني فاش مشفتش موسيو فهد فهد خرج عينو عاطي ودنو كيسمع الاخرى نطقات : واييه اصاحبتي منعرف كي طرالو مجاش يكون سافر لشي دولة الاخرى : و مانعرف يقدر يكون معا ديك اللفعة السفريطة سيرين الاخرى : تفو هاديك عود الند مكتسرطش ليا و شحال فيها ديال العياقة مكنحملها مكنقبلها الاخرى : تفو طلعتيلي قلبي كولها بوطوكس منعرف اش عجبو فيها الاخرى : وا تي يمكن كيعجبوه الزعرات فهد زير على يدو كيتحلف عليهوم شافت قدامها و هي تلمحو عاطياه بالضهر غمزات لصاحبتها و بداو كيهمسو وحدة فيهوم : ويلي على قرطاسة شوفي الشعورات و شوفي لطاي يمكن شي روسية الاخرى : وا تي شوفي غير سمو لابسة فرجليها راه كتباع بالملاين وحدة شافت فيها مخرجة عينيها : وايلي فاينا طابق راها طالعة شافت الاخرى فالازرار لقاتها طالعة لطابق موسيو فهد همسات للاخرى : موسيو فهد الاخرى : وا تي باينة راها مصاحبة معاه ... ها وا شتي قلتها ليك كيعجبوه الزعرات الاخرى : و تبان ليا حتا انا نصبغ شعري بالزعر دقائق فاتو و فهد كيسمع ليهوم مخلاو فيه غي لي نساو ... تحل الاسنسور و هو مدوخ بالهضرة لي سمعها فالاسنسور شي حوايج مخرجينهوم من راسهوم ... توجه داخل لمكتبو و السكرتيرة متبعة ليه العين كتغزز فصباعها و كتسائل فشكون هاد السيدة ... خلاتو يدوز حيت موضفة الاستقبال صونات ليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
✨الاسطورة ✨ للكاتبة ✒️: Agasha Bell 💜📜البارت 22📜💜 دخل فهد لمكتب ديالو توجه و كلس فالكرسي ديالو حيد نضاضر ... و تحنا لمجر دخل كلمة السر و جبد منو اوراق مهمين ... قراهوم مزيان و فلاهوم بعينيه ... وقع فيهوم ... تنفس الصعداء هاد الشراكة عارف راسو غيربح فيها اكثر من الطرف الاخر ... بلع المجر و هز الاوراق خرج من مكتبو و قف على السكرتيرة كملاك الموت ... رفعات عينيها فيه ... تدهشرات فيها دايرة فحال شي روسية ما فيها ميتعاب ... لتخ ليها الاوراق فوق مكتبها فهد كيهضر بجدية : ها هو التوقيع منبغيش شي خطأ ها ودني منك ... سيفطي النسخة منهوم هاد اليلة ... و الاجتماعات كولهوم لغيهوم . السكرتيرة تدهشرت منو نزلات عينيها للوثائق حتا قفزها بصوتو الانثوي: مفهوم حركات ليه راسها بالايجاب مدهشرة عارفة هاد الوتائق كيحطهوم موسيو فهد فالمجر الخاص بيه و هي متأكدة انه الوحيد لي عارف كلمة المرور ضار متوجه لاسنسور حتا وقف على سؤال السكرتيرة : باش عرفتي كلمة مرور المجر .... شكون انتي فهد ضار لعندها رفع حاجب و هضر بحدة : ديها فخدمتك رجع النضاضر ديالو و دخل لاسنسور لحسن الحض كان غير بوحدو .. دقائق كان خارج من الشركة ... بدا كيتمشى ناوي يقطع الطريق حتا حس بشي شخص موراه الشخص : سسس زين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
