✨الاسطورة ✨

✨ الاسطورة ✨
للكاتبة✒️: Agasha Bell
📜💜البارت 23💜📜
دور وجهو ليه بالعرض البطيء مخرج فيه عينيه 
الشخص : شباليك تعطيني نمرتك ها
فهد حتا لهنا و باراكا ... محس براسو غير معلي رجلو لسما ضربو لكرشو حتا زواه ... طلع فوقو كان اصلا على سبة حتا لقاه قدامو يفش فيه كاع عصبيتو
فهد كيضرب ليه فوجهو و يهضر : ها انا اولد القح*بة تولي تزلل عليا ....
الدري مسكين دهشرو ما عرف باش تبلا كيحس بالضرب على مستوى وجهو كامل
فهد كيضرب معاقلش على راسو كيفش فيه كاع الغضب لي جمعو من البارح .... و الناس كانو مجموعين عليهوم كي الدبان كولشي تصدم فشكل هاد الانسة دات الملامح البريئة كيفاش هزمت واحد ببنية اضخم منها
مراد كان كيصوق سيارتو متاجه لشركة الاسماعيلي لي اختفا بشكل غامض الليلة لي كان فيها الاجتماع فمطعم الاسطورة ... وصل لحدا الشركة ... حتا اثار انتباهو الناس مجموعين على شي حاجة ... عقد حواجبو وخرج من السيارة بملابس انيقة ... تمشى لجيهتهوم ... بدا كيبعد الناس حتا تصدم فاش لقا تما مدابزة ماشي هاد شي لي صدمو بل الفتاة لي عاطية الدق لدري لي على وشك الاغماء تحتها اما الكلام و السبان لي تحت السمطة داك شي خلاص .. و بدافع الانسانية جر فهد من خصرو و فهد كينتر منو
فهد : طلق الخرا طلق نوري لقح*بة لي ولداتو
خرجو من بين الناس
فهد زاد شربنو هادا لي فكو
فهد : وا طلق ال..
الضورة لي غيضور حتا كلى الطرفين سكتو شي كيشوف فشي
فهد متوقعوش نهائيا مراد عقد حواجبو فيه و فتح فمو
يلاه جا يهضر
حتا سبق مراد
مراد : انسة

مراد 👇🏼

✨الاسطورة✨
للكاتبة ✒️: Agasha Bell
💜📜البارت 24📜💜
مراد : انسة شمس
فهد و قف و للحضة كاع داك الغضب اختفى عقد حواجبو فيه و  سؤال واحد كان كيضور فراسو واش هادا كيعرفني
فهد باستغراب : شمس ؟؟
مراد : صدفة زوينة هادي .... اش كديري هنا ( عقد حواجبو ) وشنو موشكيلتك معا داك الشاب
فهد مدهشر كيشوف فنقطة وحدة و تا  كيفاش شمس شكون هاد شمس رفع راسو فيه و قرر يجاريه فالهضرة
فهد : موسيو مراد .... اش كدير هنا
مراد : جيت لشركة فهد الايسماعلي عندي شي خدمة معاه
فهد حرك ليه راسو بالايجاب كيبان ليه السيد واخد راحتو فالهضرة يعني كيعرف هاد الوجه
مراد : مقولتيليش شنو موشكيلتك مع داك الشاب
فهد غزز سنانو و دور عينيه لداك الشاب كيبان ليه الناس كيهزوه من الارض و هو مغمى عليه
فهد كيشوف طلع راسو لمراد كيهضر و كيحاول يقرى تعابير وجهو : غي سوء تفاهم بسيط حليناه
مراد خدا نفس  : انسة شمس واش تبغي تشربي كاس قهيوة
فهد مخفاوش عليه نضرات الاعجاب لي فعينين مراد كان غيدير ليه اكثر من داك الشاب و لكن غيجاريه حتا توضاح ليه الصورة و يعرف شكون هاد شمس زير على قبضت يدو كيحاول يضبط اعصابو بزز  : امم واخا
مراد تبسم و هلا ليها المجال فين تفوت : تفضلي
تمشى سابقو بملامح باردة و لكن عقلو خدام كيفكر
ركب فالسيارة و ركب حداه مراد مكسيري ... مراد كيسولو و فهد مكتافي يجاوب غير كلمة كلمة
وقفت السيارة قدام مقهى فخم ... خرج من السيارة و توجه لباب الاخر حل ليه الباب و خرج فهد بملامح جادة ... دخلو لمقهى و ختارو بلاصة بعيدة على الاعين
مراد شاف ففهد : اشنو تبغي تشربي
فهد كيشوف لبعيد :  قهوة كحلة