🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨الاسطورة ✨ للكاتبة ✒️: Agasha Bell 💜📜البارت 25📜💜 مينكرش ان مراد تفاجئ فاغلب البنات لي كيخرج معاهو كيطلبو اما عصير فواكه او حلا رفع يدو لسيرفور لي جا طاير لعندو مراد : زوج قهوة كحلة حنا السيرفور راسو و مشا طاير مراد : كنتمنى تعجبك القهوة فهد ضور و جهو كيشوف فعينيه بملامح باردة تحطت ليهوم القهوة هز مراد كيرشف منها شوية وفهد مد يدو هز الفنجان لنيفو حتا استنشق الرائحة لي كترخي اعصابو عاد رشف منها . فهد رفع عينو فيه كيقرى فملامح و جهو : اخر مرة شفتك فيها كان ؟؟ مراد : هه اه مطعم الاسطورة صدفة زوينة فاش تلاقيتك تما فهد عقد حواجبو كيحلل و رجع شاف فيه كيسول : و اشنو كنتي كدير تما مراد استغرب من سؤالها و فهد فهمو من ملامح و جهو تدارك الامر و رجع نطق فهد : من دافع الفضول لا غير مراد : هه لا ماشي موشكيل خودي راحتك ... كان عندي تما اجتماع و لكن مع الاسف مكملش بحيث الشريك ديالي اختفى بضروف غامضة فهد حل فيه عينو و سولو باستغراب فهد : واش مشا لدارو مراد : هه لا كان جاه شي اتصال و خرج من المطعم باش يجاوب و لكن مين خرج ما رجع و حتا سيارتو باقا مركونة فالباركينغ لحد الان حرك ليه فهد راسو بالايجاب و مئات من علامات الاستفهام كضور فراسو شاف فيه و نزل عينو لهاتفو خاصو ضاروري يعرف شكون هاد شمس ... دار راسو متفاجئ فهد : كنتأسف اموسيو مراد وقعت شي مشكلة فالدار و خاصني نمشي مراد : و لكن على بالي كتسكني بوحدك فهد معندو خاطر يبدا يشرح : غا تكون غير القطة ديالي هرست شي حاجة مراد : ممكن نوصلك لدار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
✨الاسطورة ✨ للكاتبة ✒️:Agasha Bell 💜📜البارت 25📜💜 فهد تبسم جنب هادشي تماما لي كان باغي يسمع بلا ما يعارض هز ليه راسو بالايجاب خلص مراد الثمن و تمو خارجين ركبو فاللوطو كسيرا موراد طاير ... و لكن عقل فهد سارح ... كيفكر واش هو تحول لامرأة ام تبادل الاجساد مع شي وحدة اخرى مسافة طريق كان واقف حدا العيمارة لي كان سبقلو و صل شمس ليها مراد دار لعندو : كنتمى نوليو نتلاقاو مرة اخرى فهد حرك ليه راسو بالايجاب واخا مسمعش عقلو غير مع العمارة ... دفع الباب و تم خارج مراد استغرب من هاد التصرف الغريب و خا هكاك مادا ما جاب ديمارا اللوطو و خرج من الشارع فهد و قف حدا الباب الخارجي كيقرى فازرار الجرس كل طابق شكون كيسكن فيه حتا استقرو عينيه على اسم شمس فالطابق الخامس دفع الباب و طلع فالاسنسور بملامح حادة قبل ما يتقفل الاسنسور طلعت واحد المرأة كبيرة فالسن فور ما شافتها تبسمات المرأة : سلام بنتي شمس فهد دور راسو متجاهلها و راسو غيطرطق خاصو يعرف شكون هاد شمس تحل الاسنسور فالطابق الخامس ... و وقف حدا الشقة ... رفع يدو و دق عدة دقات شمس ناضت فطرات على خاطر خاطرها ... و رجعات لبيتها مخشية فسريرها ... حتا سمعات صونيط فالباب ... على بالها غيثة و حتا شمس قررات انها غتصارحها بتحولها لراجل تحت ضرف غامضة .. و غادي يلقاو الحل بزوج ... و قفات حدا الباب كتشجع فراسها ... و كتوجد الكلمات المناسبة لي غتقولها ... حطات يدها على البواني و دقات قلبها تدريجيا بداو كيضربو كيف ما كان كتبقا صديقتها و غتقبلها كيف ما كانت .... دورات البواني بيديها الضخمة و حلات الباب
