✨الاسطورة ✨
للكاتبة ✒️ : Agasha Bell
💜📜البارت 26📜💜
الصدمة لي كانت كتسناها و راه خلات داتها ترتاعاش
شي كيشوف فشي بعدم التصديق كلاهما البؤبؤ ديال عيني توسع ... لا لا ميمكنش شهاد الشي لي كيشوفوه.... رجعات شمس زوج خطوات اللور كتحرك راسها بالنفي بعدم تصديق ... فهد ممتيقش ... راه ميمكنش تشوف الجسد ديالك ملك لشخص اخر .... مد يدو كيرجف و دخل ساد الباب
كسر هدوء المكان صوت فهد بهمس : شهاد (سكت حيث الكلمات مكانوش كافيين يشرحو الموقف لي فيه دابا )
شمس سرطات ريقها و هضرت بصوت مرتجف : شكون انتي
رمشات عدة مرات بعدم تصديق حتا قفزاتو فاش بدات كتولول : اويلي حاي شهاد شي كنشوفو اويلي ... اويلي جنية وا ميي وا عتقي اويلي
فهد خرج عينيه فيها طار عليها واقف على صبعان رجليه حاط يدو على وجهو السابق : سد فمك
شمس غي كتشوف فيه و عينيها خارجين .... فهد كيشوف فملامح وجهو السابق : فين هي شمس
شمس هضرات كلها كترجف : اانتي ... ز زز زعما انا
فهد عقد حواجبو اكثر : كيفاش
شمس : ا ا انا بنت
حل عينيه لوهلة و رجعهوم لطبيعتهوم محتافض بنضرات الحادة
فهد : و لكن كيفاش الجسد ديالي و صل لعندك
شمس هزات كتافها بطفولية : معرفتش حيت تا انتي عندك الجسد ديالي
سكتات شوية و رجعات هضرات : واش انتى راجل
فهد : شباليك

✨الاسطورة✨
للكاتبة ✒️ : Agasha Bell
💜📜البارت 27 📜💜
سكتات شمس غي كتشوف فيه بعوينيتها ... حتا نزل فهد عينو فالكسوة لي لابساها
خرج عينو فيها بصدمة : شهاد شي لابسة
شمس نزلات عينها فالبيجامة لي لابساها : ما عندي حتا حاجة نلبسها
فهد عض على سنانو مغزز : غضوري دابا تبدلي عليا هاد الخرا
شمس : و لكن ما عندي ما نلبس ...حرك راسو بعصبية غيطرطق مد يدو لهاتفو شعلو يديه كيرجفو ... كيحاول يضبط اعصابو قدر الايماكن سيفط ميساج من الايمايل الخاص بيه لليكارد باش يجيبو ملابس لعنوان لي سيفط ليهوم
نص ساعة فاتت كانت شمس و فهد فالصالة ... شمس كالسة فوق الفوتاي معلية عويناتها ففهد لي غادي جاي كيسب من السمطة لتحت ... بقات كتشوف فالجسد ديالها كتحس براسها فحال فشي حلم صعيب تستوعبيه ... سمعو دقات فالباب ناض توجه فهد لباب و هز الساشيات كانو كثار حطهوم ليها فالصالة
فهد : تنهزي تلبسي
شمس حركات ليه راسها بالايجاب و ناضت هزات زوج ساشيات دخلات لبيتها دقائق كانت خارجة منو لابسة ملابس رجالية عبارة عن سروال توني اسود مع تيشورت فنفس اللون ... توجهات لصالة لماحاتو واقف كيهزهز فرجليه و باينة فيه ساهي كيفكر ... مجات فين تكلس حتا سمعات صوت الباب ... رفع راسو ليها مخرج عينيه ... و قف و تاجه لعندها بسرعة شدها من دراعها
فهد مطلع راسو لعندها كيهضر عاض على سنانو : شكون هادا ... واش قلتيها لشي واحد
شمس حركات ليه راسها بالنفي : لا والله ما قلتها لشي واحد
نتر يدو و تما بشوية لباب الى عرف شي واحد على هاد شي فصمعتو غتمرمد فالارض ... حل الباب بشوية حتا تفاجئ بمراد لي واقف تما
مراد 👇🏼

أنت تقرأ
✨الاسطورة ✨
Random🚫 ممنوعة من النشر الا بإدني 🚫 ✨الاسطورة ✨ الكاتبة : Agasha Bell ✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨ القصة تصنيفها ضمن #حب # الكوميديا # الرومانسية #المال#ال...
