زينة
ظليت بالغرفة فتوحهة ورتبوهة الية وخلصت العدة وارتاحيت اگدر اتحرك بحريتي
طلعت من الغرفة ورة مالفيت شالي و خليت عطر
رحت يمهم تريگت وية جديتي يلي گامت تاكل وياية على الواهس اني اكل وحمزة يباوعلي ويلعب فدوة
جريته گعدته بحظني عفت الاكل وگمت العب بي
من اشوفه اتخايل محمد وما اگدر اعوفه بعدين اخذته جديتي وگمت للمطبخ اساعدهم خلصنة تركيب وصبينة الغدة حمدت الله ماتريگت زين حتة اكل دولمة براحتي لحد مااشبع منهة جنة كلنة گاعدين بس حسن ماكو لان عنده فصل
#حسن
جنت اريد اطلع مريت بغرفة جديتي وشفت زينة مگعدة حمزة بحظنهة تخايلت لو جانت هية امه
اتذكرت شعرهة الطويل ورگبتهة البيضة اشكال
الأفكار صارت بمخي اعوذ بالله شدحجي شدفكر
اول وتالي هي مو حلالي ميصير حتة افكر هزيت راسي وطلعت عندي فصل ولازم اروح
#زينة
گاعدة يم جديتي ونسولف وية حنان مرة خالو رافد
مرة حبابة وطيبة طلعولي صور لأمي وصور عرسهة
وشفت ابوية عمي ابد ماشوفني صور الهم ولا اني اجة على بالي اگله
اجة خالو رافد گلي الج واهس ترجعين تدرسين گتله
علواة حتة لو بس اخذ شهادة سادس اعدادي وابطل
ميخالف گلي زين يجرالج يبنيتي اني جنت انتظر تخلصين عدتج وان شاء الله من باجر
اجيبلج كتب واقدم اوراقج علمود تدرسين خارجي
واني اخذج بيدي للأمتحانات
گمت بست راسه وگتله الله يخليك ويحفظلك احبابك
ضحك وگال لعد انتي اول المحفوظين
گعدت ثاني يوم من وكت بس ورة شوية گعدو الكل حمزة نام يم ابوه تمنيته ينام يمي بس ميصير قابل اخذه غصب من ابوه
راحت خالة حنان ومريم لجيرانهم امهم مريضة
جنت واگفة اراقب الجدر نزل حسن على الدرج يصيح
يمة...يمة
رحت گتلة خوي خالة حنان ومريم طلعو للجيران شوية ويجون
گلي حمزة بس يبجي ما عرف شبي
اخذته منه گتله مبين شارب حليب هواية گلي اي
گتله هاهية متضايق من بطنه هسة ادهنهة بزيت زيتون وماعليه شي هزلي براسه وصعد
منظره جان يضحك شعره مخربط ونازل ببيجامة التراكسود بس لهسة ما انتبه انو نازل بالفانيلة
التعلاگة شكله يختلف عن الدشداشة والعگال رغم جنت مستحية منه ومباوعت بوجهة
هدء حمزة وخليته يم جديتي ورجعت على الجدر
طبت مرة خالو رافد ومريم گبل راحو على المبردة
من الحر ورة شوية طب خالو رافد جايبلي الكتب
انطاني ياهن وگلي اريدج ترفعين راسي بدراستج
بسته وگتلة ادلل من عيوني ضحك وگال اخخ من لسانج يبنت بغداد ضحكت وفتت للغرفة مالتي احس نفسي مرات ثگيلة عليهم خاصة حسن مماخذ راحته بس شسوي
#حسن
نزلت من ورة حمزة بس يبجي مخلاني انام زين شرب حليب هواية وبعدة يبجي
نزلت ليجوة اصيح يمة..يمة متجاوب طلعتلي زينة گالتلي طالعة هية ومريم للجيران
اخذت هية حمزة وصعدت فوك طبيت لغرفتي انتبهت على لبسي نازل بالفانيلة اشوف البينية متباوع بوجهي طلعت مستحية
خرب بحظك حسن عود شيخ وكشخة ونازلي بفانيلتك كدام بنت عمتك
#زينة
صار هواية واني يمهم الوكت كله ادرس ومن ارتاح اخذ حمزة العبه صار وكت امتحاناتي وخالو رافد ياخذني ويرجعني جنت راجعة من اخر امتحان طبيت للمطبخ رحت اشرب مي شفت خالة حنان شايلة حمزة
رحت اخذته منهة بسته وفتت ابدل طلعت گعدت يمهم
جانت يحجون على مرتضى ابن خالتي غادة الجبير
راح يتزوج وخالة حنان تقنع حسن حتة يتزوج تگوله كلهم حيتزوجون بس انت بعدك اريد اشوفك مستقر بس هو ميقبل اظن جان يحب مرتة هواية لهذا ميقبل ياخذ غيرهة
عرسه لمرتضى بعد يومين شاورتني مريم گالت عندج فستان گتلهة لا والله ما عندي گالتلي اني عندي هواية اخذي منهن لان حتة اني ماشتريت جديد مالاتي بعدهن جدد
گتلهة خوش رحنة لغرفتهة طلعتهن گتلهة يسحلن علية انتي كويلة واني قزومة
گالتلي لا عادي يصير وية كعب حلو
جربت واحد لونه وردي بس جان دلع گتلهة ماريد استحي
اخذت ثاني لونه اسود واحمر جان حلو وخاصة السواد طاغي على الحمار مالته كلعتلي حذاء احمر ويا
جانت ايدي كلهة طالعة گتلهة اگلج مريم مو عيب هسة شيگولون علية
گلتلي سكتي لج عوبة محد يحجي بس شنو هلأيد بيضة ثلج حتى الفستان عبالك مفصل الج باوعت صدك حلو صار هواية مكاشخة وطالعة حلوة
اجة يوم العرس لبست نفس الفستان وفتحتلب مريم شعري وهية تسوي صلوات ولج شعرج يملخ
خلتلي مكياج خفيف وحمرة وردي فاتح بالبداية ماقبلت بس هية جانت مصرة لبست جبتي فوگا ولفيت شالي وطلعنة.
- عليك ان تكون مستعداً ان تخسر كل شيء
من اجل ان تربح نفسك..
يتبع..
