🌹bart 7🌹
اسفه ياجماعه كنت مشغوله شديد
-----------
الاقلاع كان 6:00ص الكل صحى من الساعه 4:00ص *عارفين طبعاً شعور الحماس داك بعمل شنو؟😂 الواحد يقوم قبل المواعيد بكتير من شدت الحماس *اتجهزو وصلو وطلعو على المطار السماء كانت ملانه سحب والساعه كانت عامله 4:35ص لمن وصلو بقت 5:40ص يعني عشره دقايق والاقلاع بقو جارين في صالة المقادره زي المجانين وصلو البوابه يادوب والعسكري شاف تذاكرم وركبو البص ...
ركبو الطياره وسراج شال نفسو وختاه و سندس لسه نفسها قايم اما سلسبيل دي زي كانو ماجرة معاهم تسبح وخلاص.
سراج:سندس !
سندس:نعم؟
سراج:الزول الراكب قداام داك عرفتي؟
سندس:ياتو؟؟
سراج:قاعد...عايني اسي المضيفه جاتو
سندس:والله(وقت بتتزكر...)شبه بعرفو
سراج:ده الدكتور التابع حالتك بعد ما خطفوكِ
سندس:آهااا يادوب كده اتزكرتو
الكابتن بالمايك قال:السلام عليكم اهلنا الكرام نسأل الله ان يكتب السلامة وشايف الجو اليوم جميل ورحله سعيده للكل وتمنياتنا لكم برحله طيبه ومريحه انا كابتن ليث احييكم بإختياركم خطوطنا صلو على الحبيب والسلام عليكم.
المضيفه :نرجو منكم ربط الاحزمه . واقلعو علي كده•••
وصلو الشقه الحيقيمو فيها وايي زول زول غرفتو براه .
مره اسبوع وايمن كان ناوي يكلم سراج بموضوع بس هم سافرو حيتطره ينتظر لمن يرجعو .سراج وايمن بغو اصحاب شديد وايي واحد فيهم فاهم التاني .
تعالو نشوف سندس ومصايبه
سندس:سراج!
سراج: ZzZz...
سندس(باعلى صوت):سراااج!!
سراج(قام وايي سبيبه طايره براها زي العالم الانفجر فيه محلول،ولمن لقاها سندس شال المخده وفنّاها بيها ):مالك بتكوركي خلعتيني فشنو؟ مالك اتكلمي؟؟!!
سندس(عاينت ليه والدموع عشره عشره نزلو وقعدت تبكي)
سراج:مالك في شنوووووو؟(سراج خلاص راسو ضرب وبقى ماعارف يعمل شنو)
سندس:والله قلت اصحيك نتمشى في الحدائق ولا الممشى الجمبنا ده ونسوق امي كان عايزه لكن خلعتني ماعايزه اطلع خليتو(البت شكلها خافت عديييل كده)
سراج(شال نفسو وختاه يادوب استوعب حاجه):خلاص طيب آسف اسي الساعه كم؟(شال جوالو عاين للساعه)اسي عامله تسعه الا تلت امشي البسي واسالي امي والساعه تسعه نطلع تمام؟
سندس(فرحت وقشقشت دميعاتها ديك):شكراً والله انت احسن اخو ..وآسفه لاني خلعتك ماكان قصدي كده.
سراج(عاين لشكلها وفكاها ضحك):يابت انتي مانصيحه؟ انا اخوك يعني عادي مافيها حاجه واسي بطلي عوارت الشفع دي وامشي اجهزي لي سريع.
سندس مشة وكلمت امها وامها ابت تمشي قالت تعبانه و سندس جهزت ومشو الحديقه الجمبهم قامو تاني اشترو اسكريم ومشو الممشى الجمبهم برضو (في منطقت زهرة العمره)
سراج جوالو دقه(وكان ده ايمن):سندس خليك هنا برجع اسي
سندس:طيب ما تتاخر
سندس اثناء ما قاعده في كراسي الممشى كده جات بت سعوديه سلمت علي سندس واتعرفت عليها كان اسمها (غدي)
غدي: كيف الاجواء عندكم في السودان ؟
سندس:والله بخير طيبه مافيها شيء
غدي: تدرسي في صف كم
سندس:اولى جامعه
غدي:ياااه (بفرحه كده) انا الحين ادرس في صف اولى . طيب ابقى رغمك ممكن؟
سندس:بعطيك اياه الحين ... طيب سجلي ...+2499
غدي:طيب شكرا اتشرفت مرّه بالتعرف بكِ
سندس:عفوا ولو الشرف ليّ وين ساكنه؟
غدي:تعرفي مخابز الصالحيه؟
سندس :ايوه مش اللّي بالشارع ذاك؟
غدي: ايوه بسس نحنا في العماره اللي قدامها على طول وانتو؟
سندس:طيب شكرا ترا شايفه نهايت الممشى؟ تلفين يسار ونحنا في العماره اللي فيها كوفير وحلاق تحت شقتنا رغم *3*
غدي: ايوه ايوه عرفتها هدا الكوفير اختي بتشتغل فيه طيب باي الوقت اتاخر
سندس:غريبه كنت اظن انو اهل السعودية بساهرون إليّن الساعه وحده! غدي:ايوه بنصحى إليّن وحده بس مرات إليّن الفجر لكن مابنطلع الشارع بعد الساعه عشره الاولاد ممكن يطلعو بس البنات لا .
سندس:طيب باي
سراج(جه بعد ماكمل المكالمه ولقى سندس مشت منها البت بس هو ما شافها ):اها الجو كيف؟
سندس:دي كلها مكالمه؟
سراج:والله ده ايمن ده براني بري...والله صراحه اشتاق لي وانا زاتي اشتقت ليه يلا ارح الساعه عشره جات
سندس:صراحه الجو جميل جداً واتعرفت علي وحده سعوديه ساكنه في عماره قدام المخبز اسمها غدي ظريفه خلاص
سراج:كويس والله يعني يومك كان جميل ودي حاجه مهمه
سندس:اي والله شكرا
رجعو واتعشو وسندس حكت لامها ومشو نامو.
صحو الساعه سته وشربو الشاي بالبسكويت والكيك واتونسو حبه و سندس مشة تنضف البيت وامها متابعه ليها مسلسل مصري في قناة السودان وسراج من الفيس للواتس (لا شغله ولا مشغله)
سندس:سراج امشي لي البغاله وجيب(...)
سراج:معليش يا سندس والله ماقادر البغاله قريبه امشي براك.
سندس:طيب.
مشت وقامت لاقاها ولد عتر ليها برجلو
الولد:ياحُرمه عمياء انتي؟(بتكلم وهو مدنقر في الجوال)
سندس:انت اللي عثرت لي برجلك
الولد :ايش؟(يادوب كده رفع راسو)
سندس فاتت ولا اشتغلت بيه ولمن رجعت لاقاها داخل العماره
الولد(عاين ليها كده):انتي الحين لاقيتيني صح؟
سندس سفهتو وواصلت في السلم ناداها برضو سفهتو قام جه ومسك يدها وباليد التانيه مسك الحاجات الشايلاها.
الولد: بوصلم لك وده كإعتزار انا خربت ظنيتك اختي منغير ما انتبه لشكلك آسف والله آسف سامحيني وكان ما اتكلمتي قبيل ماكنت حاعرف انك ما اختي آسف
سندس:طيب اولاً فكني وثانياً اعتزارك مقبول ياريت ماتتكرر تاني بس الحين اخوي لو شافك معاي ما رح يحصل خير
الولد: عندك أخ؟؟؟ ايوه صح كلامك طيب آسف مع السلامه . وفات...
سندس:انا جيت
سراج:اتاخرتي مالك؟
سندس: حمت في البغاله كتير لانو الرفوف كتيره
جه الفطور وفطرو وعدا باقي اليوم على خير من غير شيء يذكر وجه اليوم التاني و التالت ومره شهر وانتهت المده حقت الزياره ورجعو السودان...
جه ايمن لسراج (كان يوم الاربعاء)دقه الباب وفتحوه وضيفوه و سندس مشت تسوي ليهم الشاي قام سراج ساق ايمن ومشو حديقتم الجنمب الباب.
سراج:اها احكي
ايمن (باستغراب):احكي شنو؟
سراج:انت لمن انا مشيت الزياره قلت لي لمن ترجع عندي معاك موضوع اها احكي منتظرك وسامعك
ايمن:ايوه اصلاً انا جايي اليله مخصوص عشان الموضوع ده •لكن اول ارح جوه عشان الكلام ده بهم خالتي وبتها
سراج:طيب ان شاء الله خير
ومشو جوه وكبو ليهم الشاي وايمن بدا يحكي...
---------
تصويتكم⚡
توقعاتكم
ايمن حيحكي شنو؟
هل الموضوع متعلق بالمخدرات ؟
وديل دخلم شنو؟
