كل ما زاد عن حده قد انقلب ضده عزيزى
القارىء ولتعرف كيف انقلب عشقى على قلبى أستمع لقصتى ولكن كن طرف محايد لا منحاز فى هذه اللعبة.......
أنا داليدا خليل جبران بنت عادية جدا عايشة فى حارة شعبية مع اخويا ..والدى ووالدتى اتوفوا من زمان جدا عندى 23 سنة خريجة تجارة..دبلوم تجارة مع ان حلمى كان هندسة بس يلا ملحوقة..
اخويا دايما يقولى كل واحد يعيش على قده يا داليدا وانا وانتى بطولنا محدش بيسندنا وطبعا كنت دايما بقول انه ليه حق هو اكبر منى وشاف فى حياته اكتر منى
وبصراحة انا طول عمرى مكنش ليا حلم غير واحد بس وكل ما أقول خلاص يا داليدا هانت بلاقيه بيروح من ايدى على الرغم ان الحلم ده بين ايديا..إلا انه ابعد حاجة عليا .......ريان
ريان سيد المسلمى ابن إمام الجامع بتاع الحارة ..اقرب حد ليا وعارف عنى كل كبيرة وصغيرة بالنسبالى حبى الأول..بانسباله اخته الصغيرة انا اصغر منه بأربع سنين طبعا كلمة اختى الصغيرة منه دى بتحرقنى بس ما علينا كل واحد فينا لازم يصبرر
ما انا اكيد لو عايزة ابقا دكتورة مش هغمض وافتح ابقى دكتورة لازم نجيب مجموع وندخل الكلية ونجيب تقدير عالى
ريان بالنسبالى هو الطب اللى عايزة اجيبله مجموع!!
ايه ده ..ده صوت الباب عن كمية الفرحة وانا عارفة مين اللى ورا الباب ريان طبعا
اصل انا حافظة خبطته وصوت رجله على الأرض ..بحبه بقا...
قومت فتحت بابتسامة عيلة صغيرة مستنية بابا نويل يوم رأس السنة وفتحت لاقيته فى وشها
بصلى وهو بيضحك زي كل مرة بفتحله فيها الباب وانا بضحك زى الهبل طب يقول علينا ايه الراجل
-انا نفسى افهم ليه كل ما تفتحيلى الباب تضحكى كده
ضحكت جوايا ما عشان بحبك يا غبى
-وشك سمح يا رينو والله بيخلينى اضحك
ضحك ودخل وقالى
-اومال المتعوس اخوكى فين
رديت وانا مش عارفة أشيل عينى عنه
-نزل يجيب فطار على ما حضرتك تتنيل تيجى
بصلى بقرف كالمعتاد وقالى
-اتنيل؟!!ّّ..يا بنتى انا لو كنت اتجوزت بدرى شوية كنت جبت عيال قدك
ياربى على التخلف بقاااا رديت وانا بجز على سنانى
-ريان فوق دول هما اربع سنين
قالى بملل كالعادة
-طب اكتمى طيب عشان المسلسل زمانه هيبدأ
قعدت جمبه بملل اكبر واما نشوف اخرتها معاك يا ريان
بعديها بكام يوم كان معاد وظيفتى اللى هستلمها صحيت الصبح لاقيت مصطفى اخويا بيعمل الفطار
-هتوصلنى يا مصطفى ؟!
