وخز الدبابيس.. إحتضار و الراء نون

١

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

#وخز_الدبابيس
#إحتضار_والراء_نون

"ثمة قصص لا نهاية لها..ممتدة الأثر..عميقة الوصل..ثمة علاقات لا تنقطع وإن حاولوا بترها..أشخاصٌ لا يمكن نسيانهم💙"

"يحدُث الآن"

_واثقة أنك ح ترفع راسي وراس ابوك..أتذكر ما كل زول عندو فرصتك دي..أستغلها كويس يا ولدي

=أجتهد وركز على قرايتك وارجع بشهادتي الماجستير والدكتوراة..

الابن:- ح أكون عند حسن ظنكم إن شاء الله..

|فرنسا_باريس_مدينة النور|

"قبل سنوات"

"شاب في أوائل الثلاثين..يقف بقامته الطويلة قُبالة مبنى ضخم وقديم الأثر..ذو لحية كثيفة وشارب مقصوص بعناية فائقة..يتحلى بروح جميلة لم يعهدها أحدٌ من قبل..خفيف الظل..يعمل مٌدرِس في ذلك المعهد الموسيقيِ..يحمل جيتاراً وحقيبة ظهر..يتقدم نحو الأمام ويدخل المبنى..طُلابه في إنتظاره..ليعزف لهم لحناً جديداً..لحن مُحِب فارق محبوبته منذ سنوات..ينتهي الدرس وهو يلقي بعض الكلمات اللطيفة..إنها الواحده ظهراً..موعد فنجان قهوته في إحدى مقاهي المدينة الباريسية..يستقل المترو ليصل في غضون دقايق..أنفاسه تلهث..ها هي ذا..لِّينا في إنتظاره.."

"على لسان كيرال_بلهجه سودانية بحته"

_أسف أسف والله..خليتك تستني كتير!؟..جاوبتني وهي خاته يديها على خدها:- لا ما استنيت..كيف كان الدرس!؟..قولته ليها:- كالعادة أبدعتا يعني..طلبتا قهوه مع شوية فطاير وبقينا نتكلم في مواضيع كتيرة..أهمها شغل لينا..جراحة القلب..لينا أخصائي جراحة قلب قسم الاطفال..كان عندها عملية والحمد لله نجحت..بقت تحكي لي عن التفاصيل والتقارير وإشادة أطباء المستشفى بيها..ختمت حديثها ب:- أشتقت لبابا وماما شديد..ما نفسك ننزل السودان!؟..رفعت بصري ناحيتها ببرود..أتذكرت نقاش دار بيني وبين الوالد الله يرحمه..

"السودان_قبل سنوات"

_ما ح تسافر قلت ليك افهمني..انا ضيعتك مرة ما بضيعك مرتين..أقعد هنا واعمل العاوزو هنا لكن ما تسافر يا ولدي

=البلد دي اخدت مني كتييير..أستنزفتني..يدوب حسيت أنك عاوزني اقعد..يدوب جاا في بالك أني ما أسافر!..معليش بس انا ما لي قعدة في البلد دي..أقعد لمنو و عشان شنو..أقعد لمنو وانا اصحابي.."وسكتا مخنوق"

_يا مجتبى الله يرضى عليك ما تسافر..ما تخلي الندم يأكلني اكتر من كده..

"باريس_حيث توقفنا"