خيال واصبح حقيقة(مكتملة)✔️

22

*خيال واصبح حقيقة*

بيوصل كرم ويارا لمكان على البحر وبيفضله ف العربيه
يارا دموعها بتنزل من غير اى صوت  وكرم مش عارف يتصرف ازاى

بتنزل يارا من العربيه وبتقف قدام البحر بينزل كرم هو كمان ويقف جنبها

بتقلع يارا الخاتم
(إلى كان كرم لبسه ليها وهما ف تركيا)
وبتدى لكرم

يارا بدموع:- مهما كانت المشاعر إلى بينا اى احنا مينفعش نكمل

كرم بيمسح دموعها:- ليه مش هينفع انا بحبك وهفضل جنبك انا لما مريم قالتلى كنت قادر انى أبعد بس مقدرتش

يارا وهى على نفس حالها من الدموع الانهائيه:- هتستحمل اى ها أنا شعرى هينزل كله ورموشي هيكون مليش شكل ليه تظلم نفسك وتكمل معايا ... هنكمل عشان شفقه ولا حاله انسانيه هتساعدها

كرم:- هششش انا مش بحبك عشان شكلك انا قدامى مليون واحده احلى منك بس انا عايزك انتى
بيمسح دموعها وبيكمل كلام...

بحب الهزار معاكى والرخامة كمان بيجي قدامى الف عين احلى من عيونك بس مش بكون تايه غير في عيونك انتى

يارا بدموع اكتر:- كرم انت كدا مش بتعمل حاجه غير انك بتصعب الموضوع عليا بزيادة انا ...

بيقاطع كرم كلامها :- هشششش إلى عندى قولته لو حاولتى تبعدى عنى مهما كانت الطريقه انا مش موافق هتتعبي هكون جنبك... شعرك هيقع انا كدا كدا مشفتهوش قبل كدا غير مره واحده مش فارق معايا المهم يارا تفضل موجوده هتتعالجي  وتكونى احسن من دلوقتى كمان

ابتسمت يارا ابتسامه بسيطة كرم :- ها ينفع كدا تضحكى بليل هتخلى الشمس تطلع وهتغيري قانون الطبيعة ... تعالى اروحك بقا

يارا :-  لا انا مش عايزه اروح مكسوفه ابص لمريم بصراحه

كرم باستغراب:- ليه

يارا بدموع من تانى:- انا حيوانه اوى بصراحه شوف هى كانت بتعمل اى عشانى وانا كنت بشك فيها

كرم:- بتشكى فيها ليه حصل اى

يارا :- كنت بسمع المكالمات بتاعتنا في يوم على الموبايل وسمعتها لما كلمتك وهى كان بقالها فترة عايزنى أبعد عنك فا شكيت انها تكون بتحبك انت كمان زى ما ميرنا طلعت بتحب اياد

كرم :- عشان كدا قومتى انتى و شهد معاكى عشان تيجي فجاء وتسمعي بنقول اى

يارا:- بصراحه اه كنت خايفه هى كمان تكون بتحبك ومخبية زى ميرنا واكون انا السبب في جرحهم كلهم

كرم :- مش مهم مريم بتحبك انتى اكتر من اى حد وكل إلى عايزه انك تكونى كويسه .... يلا عشان ترتاحي وبلاش دموع ها

يارا بابتسامه بسيطه :- حاضر

تعدى ايام صعبة جدا على يارا بتحاول تتعايش بس هل هتعرف تتعايش ولالا

خلص البارت على كدا