
#الحلقة_الخمسة •#الحب_الاسود 🖤🔗🥀 •
سبحان الله وبحمده
سبحان الله العظيم
الله اكبر الله اكبر
استغفر الله العظيم
لا اله الا الله 🖤
الحمد لله 🖤🖤
________________________________________________
" تعدي الايام وشركة تخلص وسليم يستلم من شخص بيشتغل معاه اسمه اسعد شحنة الاسلحة واسعد ده مش تاجر زيهم ده مجرد موصلاتي بينقل الشحنات من بلد لبلد ، عند سليم واقف ف مكتبه قدام الشباك وبيتكلم ف الفون "
سليم بغضب مكتوم : يعني اسعد سلم لادهم شحنة تمنها 40مليون جنيه .... في حاجة تاني وصلتلها
عادل : في بت ماشي معاها اليومين دول وكل ليلة عنده ف الفيلا ومن الكاميرات الي حطناها عنده عرفنا انها بتمضيه علي اوراق وهو سكران وبتاخد حاجات من الخزنة وهو نايم
سليم : ومين الي زقها عليه
عادل : ادهم عشان عرف انه ماسك عليه تسجليلات وفيديوهات توديه ف داهية وتقريبا كدا يا مستر سليم ماسك علينا احنا كمان حاجات زي دي
سليم بغضب : طماع طول عمره .. مكفهوش الي وصله وبسببي ... اسمع اتاكدلي معاه حاجة ضدنا ولا لا ولو لقيت تجبهالي
" يقفل معاه ويطلع لفهد اوضته ويخبط قبل ما يدخل "
فهد : ادخل
سليم : اسعد هيودينا فداهية لو ملحقنهوش
فهد بستغراب : اسعد ؟؟ الموصلاتي من بلد لبلد هيوادينا فداهية ... ده انت مستواك انحدر خالص يا سولي 😂
سليم : ده مش وقت هزار اسعد بقا يسجل كل عملية بتم لاي حد بيتعامل معاه وواضح انه مسجلنا احنا كمان
"يكمل لعب مع القطة ويتكلم من غير ما يبصله لكن نبرته تقلب لجدية "
فهد : انت متاكد من الي بتقوله
سليم : عادل بيفتش فبيته وهيعرف
فهد بشر: تمام لو طلع ماسك علينا حاجة...انا هتصرف معاه
سليم بخبث : بس دي مش عايزة تهور لان اسعد وراه ناس ومتنساش ان انا مركزي حساس هنا يعني الموضوع لازم يتم من غير ما حد يحس
فهد يبتسم بخبث : وانا لقيتها 🙂
سليم : اي
فهد : هقولك 🙂
_____________________________________________
"عند سهر قاعدة ف البيت مع داود وبتاكل فشار و لابسة بيچامة بندا ولابسة الزنط وبيتفرجوا علي التليفزون وداود قاعد يبصلها بقرف"
سهر والفشار ف بؤها وبتعيط : علللييييي 😭😭
داود بتعجب: لا حول ولا قوة الا بالله يابنتي بتعيطي ليه ده مسلسل
سهر بعياط : مش شايف يا بابا سايح فدمه ازاي حرام عليك 😭😭
داود : يا حبيبتي هو مات بجد ده مسلسل يا سهر وبعدين انتي بتاكلي وانتي بتعيطي بتداوي احزانك واحزان بطنك ؟؟؟
سهر :يابابا الفشار حلو وبعدين لا بردو ده كراشي ازاي يتعمل فيه كدا 😭
داود وهو بيقوم : بلا محن بنات انا قايم انام
سهر : كدا يا داود بتسخر من احزاني
داود : انتي الي احزانك مسخرة اعملك اي
" الباب يخبط "
سهر : استني انا هفتح
" تقوم تفتح وهو يدخل اوضته"
الشاب : ده منزل البشمهندسة سهر البنداري
سهر : اه انا خير
الشاب : مستر سليم الجارحي عامل حفلة بمناسبة افتتاح الشركة بعد بكرة وعازم حضرتك ودي الدعوة
سهر ببتسامة : اه تمام هاجي ان شاء الله
الشاب : بعد اذنك
" يمشي وتقفل الباب "
سهر : ياااا دودووو اي ده انت دخلت نمت ... طيب انام انا كمان بقا
" تدخل تنام ، تاني يوم تصحا وتروح الشركة يقابلها مدحت في وشها "
سهر ببتسامة: صباح الخير يا مستر مدحت
مدحت: صباح النور يا سهر تعالي ورايا علي المكتب
"يمشي"
سهر بقلق: استر يالي بتستر
"تمشي وراه ويدخلوا المكتب ويقعد وتقعد قدامه "
سهر: خير يا مستر مدحت قلقتني
مدحت: مستر سليم الجارحي وصل مصر زي ما انتي عارفة وعرف انك انتي المهندس الي عمل الشركة وطلب انك تبقي عنده
سهر بستغراب: ابقا عنده ازاي يا فندم...دي شركة تبع عميل عادي...مهما كان كبر حجمه بس انا مش موافقة
مدحت: مستر سليم مش عميل يا سهر...مستر سليم صاحب الشركة دي وصاحب نص شركات الاستيراد والتصدير وكمان شركات المقاولات الي في مصر وبيشتغل تحت ايده اكتر من عشرة ميلون واحد هنا وفي امريكا
سهر بتبريق: احيه... احم سوري انا اسفة...بس هو حضرتك مقولتليش الكلام ده ليه طيب حضرتك كنت معرفني انه عميل مهم مش اكتر
مدحت: ده عشان اعرف طريقة شغلك عاملة ازاي وانك تعرفي انه صاحب الشركة حاجة وانه مجرد عميل حاجة تانية وحقيقي مخيبتيش ظني فيكي ♥
سهر ببتسامة: يعني حضرتك متاكد ان مستر سليم طالبني بالاسم
مدحت: هكدب عليكي ليه يا بنتي 😂 انتي مجتهدة وتستاهلي كل خير ♥ يلا روحي لمي حاجتك عشان هتروحي دلوقتي الشركة عشان هو طالب يشوفك
سهر بصدمة: دلوقتي دلوقتي
مدحت: لا دلوقتي بكرة ياسهر الله يكرمك انا ماشي بعلاج قومي يا حبيبتي لمي حاجتك بس متاخديهاش احنا هنبعتها بكرة علي مكتبك
سهر بفرحة: الحمد الله يارب الحمدالله دعواتك يا داود يا حبيبيي ♥♥♥ شكرا يا مستر مدحت بعد اذنك
" تسلم عليه وتقوم تجري علي مكتبه تلم حاجتها بفرحة شوية والباب يخبط وتدخل منة صاحبتها بتعيط، تتخض "
سهر بخضة : في اي يابت بتعيطي ليه
منة بعياط : يوسف يا سهر
سهر : ماله جراله حاجة
منة بعياط: البيه عرفت انه هيخطب بنت خالته انهاردة
سهر بصدمة : ازاي وانتي
منة بعياط: كان بيتسلي بيا او بمعني اصح بيخليها تغير عليه بيا 💔
" تاخدها ف حضنها وتسرح "
سهر لنفسها : فعلا... لو علمتم الغيب لختارتم الواقع 🖤💔
______________________________________________
" عند فهد كلهم قاعدين علي الفطار "
سليم : انا عزمت البشمهندسة سهر علي حفلة انهاردة وكمان ههجبها الشركة عندنا
فهد : اشمعنا يعني
سليم : يعني من باب الزوق المدير بتاع الشركة كمان جاي انت ناسي ان الشركة تابعنا اصلا وغير كدا البنت شغلها كويس جداا دي خلصت الشركة في وقت قياسي
فهد : لا هو انا شايف انها منظرة علي الفاضي بس اشطا انا مالي
سليم : متجيش متاخر يا فهد ... هتيجي ناس مهما ولازم نتكلم معاهم ف الشغل
فهد يفهم قصده ويبتسم ابتسامة استفزاز: لا مشيه لوحدك ... ولا انت مبقتش تعرف تمشي الشغل من غيري
ندا تحاول تطلف الجو : ااا طبعا يا فهد مش ابنه الوحيد وكل ده ف الاخر هيرجع ليك بعد عمر طويل ان شاء الله
فهد بسخرية : ان شاء الله 😏 .. بس بردو انا هاجي وقت ما احب 😊
" يقوم يطلع اوضته "
سليم بغيظ: شايفة يا ندا
ندا : معلش يا سليم ... ربنا يهديه ... انا هقنعه وهخليه يجي بدري
" تخلص اكل وتطلع اوضته وتلاقيه بيلاعب القطة "
ندا بصدمة: لا مش مصدقاك بجد ..سبت ابوك علي نار وطالع تلعب مع القطة!!!
فهد : سليم علي نار بقاله تلات سنين يا دودو متشغليش انتي بالك
ندا : اي سليم دي يا ولد انت مبتقولوش يا بابا ابدا
فهد :لو حاسسها هقولها 🙂
" ترتبك ندا لكن متبينش"
ندا : اي الكلام الفارغ ده يا ولد ده ابوك 😡
فهد : خدتي دوا بعد الاكل
ندا بعصبية : يا خي بلا دوا بلا زفت بقا ... اسمع ... هتيجي انهاردة الحفلة بدري ... انت دراع ابوك اليمين ف الشغل وكمان انت ابنه الوحيد لازم تبقا واقف معاه ف مناسبة زي دي
فهد : الله ده سليم طلع بعتك ليا بقا
ندا : سليم ده ابوك وحذاري اسمعك مبتقولوش يا بابا يا فهد
فهد بيصلها بغضب لكن يتمالك اعصابه : ماما ... لو سمحتي عايز ابقا لوحدي
ندا : هتيجي الحفلة بدري ... عشان خاطري يا فهد
فهد : ممكن تسبيني لوحدي 🙂
ندا : تمام يا فهد ارتاح عقبال ميعادها
" تخرج ويقعد فهد مخنوق تبص عليه القطة شوية وبعدين تروح تقعد ف حضنه ، يسرح للحظة ويفتكر سهر وهي بتقع علي دراعه ويفتكر عينيها يبتسم غصب عنه وبعدين يرجع لوعيه والابتسامة تروح"
________________________________________
"عند سهر تلم حاجاتها وتخرج من الشركة وتطلع تركب تاكسي وتروح علي شركة سليم ،تدخل وتقابل في الاستقبال واحدة قاعدة علي مكتب تقرب عليها "
سهر: لو سمحتي
البنت :ايوة
سهر : انا سهر البنداري المهندسة الي جات من شركة الكيان للمقاولات مستر سليم كان طالبني
البنت : انا اسفة يا فندم مستر سليم مش هنا انهاردة اتفضلي معايا وهوديكي تقابلي مدير مكتبه ...اتفضلي
"تبتسم بلطف وتمشي معاها "
___________________________________
أنت تقرأ
روايه "الحب الآسود" ل نانسي العربي
Lãng mạnأجدك بيني وبين الوحدة ، بيني وبين التهور، بيني وبين المساوئ ، أجدك حتى في غيابك الكثيف حاضرا معي تمهد لي الليل ، وتدخلني إلى الفجر🖤
