#حسن
گاعدين امي وجديتي يقنعون بيه علمود اتزوج
واني رايد زينة عقلي مشغول بيهة بس هية
مو ابالهة تتزوج تريد تدرس صفنت شسوي
گتلهم ماريد وهمة عبالهم علمود سهاد مرتي الاولى
يعني اگوم اصيح ماجنت احبهة حتة يفكوني من هالسيرة اني اول ماحبيت هي زينة اول وحدة ردتهة صدگ من يوم ماشفتهة بس جانت على ذمة رجال
بس هسة لا بس هم ماكو فايدة اذا هية ممفكرة
#زينة
طلعنة لبيت خالة غادة سبقونة حسن وجديتي واحنة طولنة يالة رحنة بين ماتحضرنة من وصلنة جانو يرمون
اجت عيني بعين حسن باوعلي ضحگ وگام يرمي
صفنت هاي شبي طبينة جوة ذبينة الشالات والجبب
وفتنة يمهم وخالتي غادة جارتني كل شوية تعرفني على ناس واني مثل الخبلة بس اوزع ابتسامات
وبعدين زفو العرسان للغرفة گعدنة اني ومريم وصار رمي گتله هاي شكو گالتلي اخذهة للعروسة ورمو
عزة شگد فضيحة اتي استحيت من يمي
طلعنة ورة ماخلص العرس خالتي رادت اظل
يمهة بس سمع حسن وماقبل گتلهة عود اجيج غير مرة
#حسن
خلص العرس وطلعو حتة اخذهم سمعت عمتي تگول لزينة تبقة گلت لمريم گولي لزينة تجي قابل اخليهة هنا وتبات يمهم وعكتي ولدهة كلهم شباب طلعو اجة صهيب ابن عمتي سلم وجان يسلم على زينة اني رحت اعاون جديتي علمود اوصلهة للسيارة بس اذني وعيوني يم زينة وصهيب اسمعه يحجي وگامت تضحك بصوت ناصي ضجت حيل گتلهة بنترة يلة زينة خلصينة
گالتلي اي جاية
وضلنة البيت طبو صحت لزينة جتني گتلهة شكو تتمضحكين وية صهيب گالتلي ابن خالتي مو غريب
گتلهة بس مو گاعدة تتمضحكين وسوالف گالتلي
هاي شبيك حالهم من حالك گتلهة لا اني غير
عفتهة وصعدت نرفزتني شمو حالهم من حالي هلگد اني ما اعنيلهة شي
#زينة
جنة طالعين اجة صهيب ابن خالة غادة گام يحجي ويصنف على الي صار بالعرس ضحكني وهو يقلد
بعدين اجة حسن گالب خلقته گلي يلة خلصينة سلامات
كل شوية مزاج گتله اي جاية ومن وصلنة البيت صاحلي گام يحجي ويگولي ليش تحجين وية صهيب وتتمضحكين نرفزني گتله هاي شبيك هو حاله من حالك اشو هذا عيونه حمر صارت وجان يگولي لا اني غير صفنت شيقصد
طلعت من المطبخ لگبت مريم جان تگول اشم ريحة عشگ گتلهة هاا اشو گالت هيج امشي خلي نبدل
سالمين عائلة تحجي بالالغاز لو شنو
#مريم
اجة وكت اعرفكم بنفسي اني مريم اخت حسن عمري ١٩سنة مخطوبة لصديق حسن
اخوي حسن اعرفه يحب زينة بس مع كل احترامي لزينة هية حيل ثولة سمعت حجيهم مبين يغار عليهة من حجت وية صهيب واشك صهيب هاهية دخل القائمة السودة مال حسن يعني كرهة للمگرود لان زينة گالتلة حالك من حاله
اخوي حسن عمره ماحبهة لسهاد مرته انجبر عليهة لأن ابوية نطة كلمه وماراد يفشل بوية دائما بينهم مشاكل
بس محد يدري جان يحجيلي واني مثل العجايز انطي حكم ومواعض
دريت حسن حابهة لزينة من نظراته وتصرفاته حتة ارتباكه من تحجي زينة ويا بس هية ممنتبهة
ومزيديهة عليه غير امي وجديتي يومية شوكت
تزوج بس زينة دواها عندي الة اخليهة تنتبه لحسن واخلي حسن ينسطر بيهة من هسة مشغلة افكاري
#حسن
جنت گاعد وضايج جتني مريم هية الوحيدة تفهمني
وكلشي احجيلهة گعدت يمي گلتلي ها كل هاي زينة
هيج مسوية بيك ضحكت گتلهة وهاي انتي انتبهتي
علية وهية ولا هانهة گلتلي خوي البنية يجوز خايفة
من فكرة الزواج بسبب زواجهة الفاشل ولتنسه كلشي صارلهة بالأجبار يعني نطيهة وكت وخليهة على خيتك اعرف شلون اخليهة تعشگنك
گتلهة شتسوين ولج ضحكت گالت سر المهنة كم حجاية وكم جذبة وترهم السغلة
گتلهة والله ينخاف منج بس اعتمد عليج حركيلي مشاعرهة يلي عبالك حجر
هزتلي براسهة وطلعت بلكت تفلح وياها مريم علية نذر اذا خلت زينة تنتبه علية وتفكر بية شتريد مريم اجيبلهة
#زينة
من ورة عرس مرتضى گامت مريم تجيب سيرة حسن هواية ودائما تذكر مواضيع عنه ومن تحجيلي عن خطيبهة تگولي ان شاء الله يجيلج واحد شاب مثل حسن لو تگولي حسن البنات كاتلات نفيهن عليه
اريد اعرف اني شعلية اخر مرة اليوم جتي گلتلي
اگلج شي بس يبقة بيناتنة گتلهة گولي گالت حسن
راح يتزوج امي ناوية تخطبله گتلهة اي مبارك
هم تجي وتصير ام لحمزة اشو هاي صفنت علية
گامت گالت همدة حظي وراحت هاي شكو..
يتبع...
- لِـ نهاية عُمري قلبـيّ مليان بـحُبك🤎"
