حَجي نسوان َ]

شجرة الجن 2

أهلا من جديد
نبدأ بالسلام قبل الكلام ❤
_________________________________

الجزء الأخير..

بين شرودي وعدم فهمي  ، للأشياء الحاصلة
الزلم إلي تتعارك علية
والشجرة إلي ،تعلقت بيها
والوجع إلي بجسمي

اخذتني رجلية للشجرة وبقيت ، عندها واسمع
للأصوات واضحك ، بس صار المغرب وكلت هسة
أبوية يرجع ويرزلني
ورجعت لبيتنا بس بالطريق شفت رجال
، بعمر اخوية
ويشبها ، عفتة ومشيت بس، سمعت صوتة وهو يكول

: هدية

انداريت معصبة. شلون يوكفني ويصيح أسمي
بالشارع

: شمالك ماتستحي على وجهك، زلمة شكبرك
شكدك عشتوا عليك وعلى هدية

: والله طلعتي مانج هينة.! اخذج اخذج لو يصير
الدم للرجب ( الركب)

عكدت حواجبي وصديت وكملت طريقي
خايفة من ، اهلي إذا عرفوا
هسة يطلع واحد من إلي تعاركوا علية..

وصلت بيتنا ! وبدينا نحضر بالعشى
خلصت مواعين وابوية  صاحلي
نشفت أيدية ، بثوبي وكلت..

: اي يابا جاية

فتحت باب الصالة ودخلت شفت أخواني
كاعدين ، وكفت وكلت

: كول يابة

أشر إلي يمة وتقدمت وكعدت بجانبة!
كال إلي

: هدية بوية ! انتي كبرتي  وصار طريقج طريق
خواتج تتزوجين ، وانتي متقدميلج ثنين ولد حلال  .
بس ابن عمج احسن من الغريب..

هزيت راسي: إلي تشوفة يابا

عفتة واني الغصة بصدري
ورحت لغرفتي دموعي تنزل مسحتهم حسيت بحرارة بجسمي!
هفيت بأيدي وحجيت

: اهو يالصيف اهو

بس الحرارة زادت ، لحد م غوشت عيوني
وصرت أشوف خيال يمر من كدامي
نفزعت ؛ وأنرهبت
صوتي نكتم  ! وم اكدر أصيح
بس عيوني ، مبحلقات  ! على الخيال الى م صار كدامي على هيئة رجال
ويحجي حجي  ماعرفة  !

من الصدمة اغُمى علية  ! وصحيت  وحيدي
محد ملاحظ
بس شفت نفس الرجال! صرخت

: هجم بيتك أن شاء الله  ، يما يما لحكيلي

، ماعرف شنو جان يحجي..
بس صافن علية
إلى شوية ، وبدأ يظهر صور إلي ولعبات !
إني بس صافنة من الصدمة ، بس م كدرت أحجي
إلى ان شوية وحسيت نعست
ونمت
صحيت الصبح احد يتلمس بشعري.. فزيت مفزوعة
وحجيت