رواية خداع انثى{(رحمه محمود)}

الفصل السادس

استيقظت شجن علي دق الباب ثم نظرت للساعه قائلة : يانهار ابيض الساعه ٨ ثم ركضت وفتحت الباب وهي تمسح وجهها من اثار النوم لتوضح الرؤيه أمامها وتجد مراد

مراد: ايه ده نسيتي ان احنا هننزل بدري ذاكرة سمكه دي صح...؟؟

شجن : أصل انا....

مراد: بس بس انتي لسه هتهتهي يلا بسرعه هستناكي تحت اجهزي بسرعة..

شجن: حاضر مش هتأخر....

مراد : ياريت سلام ...

اغلقت شجن الباب لتستعد سريعاً... أخذت حماماً دافئاً وما ان بدأت في ارتداء ملابسها حتي دق الباب مره اخرى...

شجن لنفسها: لو هو هزعقله اي قلة الذوق دي مش قادر يستنى شويه هو انا كنت اتأخرت ساعتين يعني...

شجن : مين...؟؟

صوت فتاه: هاوس كيبينج يا فندم....

ارتدت شجن ملابسها سريعا ثم فتحت الباب مبتسمه

الفتاه : صباح الخير يا فندم فيه واحد تحت اسمه مراد باعتلك الهدوم دي

شجن: ماشي هاتيهم ... شكراً

أخذت شجن الملابس من الفتاه وهي تنظر لهم بإشمئزاز

شجن: ها بنطلون وتيشرت عبيط ده ولا ايه..؟؟اي التيشرت القصير ده هو عايزني انزل كده..؟؟

ألقت الملابس علي السرير هي مقتنعه بملابسها بالرغم من اتساخ فستانها لكنه أفضل بكثير من نظرات اولئك الشباب المرضى...

نزلت شجن إلي الاسفل ...لمحها مراد من بعيد ... عرفها من ملابسها ثم لوح لها حتى رأته ذهبت له ثم وقفت أمامه

شجن: يلا اتفضل اديني خلصت و جيت...

مراد بغضب: انا بعتلك طقم مع بنت من الهاوس كيبينج هي موصلتهولكيش ولا ايه...؟؟

شجن: اها الطقم المحزق ده..؟؟

مراد: قصدك تقولي ان البنت عطيتك الطقم وانتي برضو لبستي الفستان ده...؟؟

نظرت له شجن ورفعت احدى حاجبيها : وماله بقي الفستان ده على الاقل محترم مش الهدوم اللي انت جايبهالي اللي عامله زي اللي لبسه ومش لبسه ..مش معقول والله ناقص كمان انزل ب الهدوم دي الشارع دي حاجه اخر قلة ادب...

مراد: والله لو كنت أعرف انك متعبه كده مكنتش جبتهولك وكنت وفرت فلوسه ...

شجن: بس انا مطلبتش منك تجبلي حاجه على العموم شكراً لمحاولاتك...

مراد: طب امشي قدامي يابت ..

شجن لنفسها : بت اما تبتك ...

مراد: سمعتك يام لسان ونص ...

ذهبا مراد وشجن الى الجامعه ليسألا عن الاوراق المطلوبه للتقديم..
بعد ذلك

قال مراد: يلا يا اختي عشان تتصوري واعملي حسابك قبلها هنروح نجيب هدوم بدل اللي مرضيتيش بيهم دول...

شجن: المهم بس تاخدنا محل محترم...

مراد: وماله هوديكي محل محجبات يلا بينا بقى...

شجن: يلا

مراد: المحل اهو هو ده اللي في الوش

شجن: ايه ده استناني طيب اوعى تعدي السكه لوحدك وتسيبني انا بخاف ولو ادست انت اللي هتدبس وتشيل ذنبي في رقبتك طول.....

لم تكمل شجن حديثها حتي شعرت بيد مراد تمسك يدها حتي عبرا الطريق ....

فقدت النطق لثوانٍ من الدهشه ... ثم قالت: ايه اللي انت عملته ده ...ازاي تمسك ايدي وكمان من غير ما تستأذن

مراد : انتي اللي اضطرتيني اعمل كده مكنش عندي حل وبعدين محصلش حاجه كل ده عشان مسكت ايدك اومال لو بوستك هتعملي ايه ههههه...!!

نظرت شجن له بدهشه وخجل غير قادرة علي الرد ...

مراد : وشك احمر اوي وبقيتي زي الفراوله ....

شجن: انت قليل الادب علي فكره ها....

مراد: ماشي هنعديها عبال ما نخلص يلا ادخلي المحل بقي ولا هنفضل واقفين في الشارع كده كتير...؟؟

استمرت شجن قرابة النصف ساعة في إختيار الفساتين حتى اخذت فستان باللون الابيض ودخلت غرفة القياس وعندما خرجت ورأها مراد ....

خلص الفصل السادس هو قصير شويه بس هعوضهولكم في البارت السابع ان شاء الله 😂💜مع السلامه