بقصر النادر
دش عليهم وشاف الكل بالحديقة؛ السلام عليكم
تفاجأ من النظرات المصدومة، وطاحت عيونه على زوجته وحبيبته، قرب منهم وراح لبندر يبوس راسه، بس بندر وخر عنه بحده وعطاه نظره
طلال اول م شافه، راح له ومسك بلوزته: ولك عين تيي هني، بعد كل اللي سويته
سلطان للحين مصدوم من الهجوم: طلال شفيك
وليد منقهر بمكانه حيل بس مو قادر يتكلم
عهد مو همها سلطان كلش، كانت تبي تشوف رده فعل وليد، بس لما شافته هادي، طقت نفسها، شنو اللي كنت متوقعته يروح يطقه عشاني اااه ي وليد ليتك تحس فيني
طلال: اطلع برا ما نبي نشوفك هني
سلطان: بس انا ياي اشوف زوجتك
حسين بحدة: لا تسوي نفسك بريء ومو مسوي شي، روح زوجتك معاك مو معنا، لا تحسب ان م نعرف انك متزوج
سلطان انصدم وطالع عهد: عهد
عهد طالعته: ادري انك متزوج قبلي، وأنت خدعتني بهالسالفة
سلطان بتبرير: عهد صدقيني انا احبج...
قاطعته واهي تصرخ: لا تقول هالكلمة مابي اسمع منك شي، وراحت تصعد دارها واهي تبجي
بندر: سلطان تعال معاي الديوانية
راح سلطان مع عمه بندر وقلبه حيل يعوره، وحسين راح معاهم
بالديوانية
قاعدين يسمعون سلطان، واهم ساكتين، كان قاعد يقولهم ليش تزوج قبل عهد وليش م قدر يقولها، قالهم كل شي
بندر بتفهم: يبا سلطان، الشرع حلل اربع وانا م اقدر امنعك عن هالشي لأن الشي مو غلط، بس الغلط انك تخبي عن عهد هالشي وتخدعها، ولا تسافر وما تأخذها معاك
سلطان: صدقني ي عمي كل شي صار غصب عني
حسين بحدة: احنا م نسمح لك تهين اختي
سلطان: انا م هنتها ومستحيل اسوي فيها هالشي،
حسين: وحبسها بالبيت عندك شنوو
سلطان عقد حواجبه: شلون يعني
حسين: انا اقولك، عهد طول م انت مسافر انحبست ببيت اهلك حتى اتصال م قامت تتصل لنا
سلطان بصدمة: حسين انت شقاعد تقول، اي حبس
حسين بحدة: اللي سمعته
سلطان: عمي تكفى فهمني انا مو فاهم شي
بندر: ي يبا بوقت سفرك اختك منعت عهد من الطلعه، بس لما عهد قررت تسافر لك اختك حبستها بغرفتها ومنعت عنها كل شي حتى فونها شالته
سلطان دارت فيه الدنيا واهو يتذكر أعذار بدور بانكسار فون عهد وكل الأعذار اللي قالتهم له
سلطان: عمي ممكن اكلم عهد
حسين قام: انا راح اقولها، بس اذا م تبي تشوفك م راح اغصبها ع هالشي
سلطان هز راسه واهو حيل مقهور من اللي صار واهو بعيد وما يدري عن شي
ببيت سلطان
دشو البيت، طبعا يابهم ابو سلطان من المطار، لأن سلطان راح حق عهد
بدور اول م شافتهم: هلا والله، تو م نور البيت
سلموا عليها وقعدوا يسألون عن أخبارهم
بدور باستغراب: مو جنكم رادين مبجر، شلون على علاج عفاف
ام سلطان: ايه الدكتور قال يصير تكمل علاجها بالمستشفى اللي بالديره وأهم راح يتواصلون معاهم، عشان جذي م حبينا نقعد زياده وردينا
بدور ابتسمت: زين سويتو، عيل سلطان وين
ام سلطان بدون نفس: راح يشوف عهد
بدور بصدمة: شنوو
عفاف بتعب: شفيج بدور، راح يشوف زوجته
بلعت ريجها بخوف، الحين اكيد راح يدري بكل شي، ياربي شسوي الحين: ااا ماكو شي، جذي
لفت ع هبة اللي قاعده؛ شلونج هبة
هبة بهدوء: الحمدلله
بدور قعدت واهي حيل خايفه، تدري الحين اذا يا سلطان راح يقلب عليها البيت: اا يما عيل دامكم وصلتو انا برد بيت ريلي تردون خليته بروحه كل هذيلاج الايام
ام سلطان: هَو بدور شنو م صدقتي نرجع
بدور؛ ايه يما شنو اقعد اسوي بععد
ام سلطان: زين كييفج
قامت بدور واهي حيل خايفه، لمت أغراضها بسرعه وراحت بين ريلها قبل لا يرد سلطان
