يوميات في العراق

ليله الدخله؟

للكاتبه ترفه محمد....

الأشياء التي نُخفيها ، تُغيرنا 💙

..............نبدي القصه وبسم الله
اكو شاب تزوج حبيبته وبليله عرسهم ماكدر يتقربلها فه يحجي يكول....
هيه تحبني واني احبها وستمرت علاقتنا سنين لحد ما تخرجت واني انتضرها واجه اليوم الي صار بي لازم اثبت حبي الها وارفع راسها بيه رحت دكيت بابها بلحلال وجنت خايف خاف اهلها ميوافقون واهلها كلولي نسال عليك ونردلك جواب من سالو عليه وشافو اخلاقي وسمعت اهلي وعرفوني شالوها واطونياها واني جنت حيل فرحان لان راح اخذ حبيبتي يمه كلبي وبساع جهزت اموري والغراض والغرفه والنيشان
واجه اليوم الي كول الشباب تتمنا وزفوني على البنيه الي احبها واريدها

فه طبيت على مرتي واني فرحان من الركص من الهلاهل من الجوكليت الي طشو عليهه فتت للغرفه

فه هنانه خفت من عدها ايدها مالزمتها
اباوعلهاخايفه وتكولي شبيك حبيبي وليش متكعد عجربايه ليش متتقرب عليه ليش متجيني
اني ضليت محتار احس اكو حاجز بيني وبينها وهيه ضلت خايفه مني
واني هم بيناتنا الحجي ضليت خايف ولصبح مادبرتها وبيني وبين نفسي اكول مارفعت راس اهلي وضليت خايف

اجه الصبح اجوي اهلي واصدقائي واقاربي باركولي واني ماكدر احجي شي

واجوي اهل البنيه وضليت خايف وشسوي

واجه اليوم الثاني وهم نفس الشي والثالث والرابع وهم نفس الشي لحد ماصار شهرين اني ممتقربلها

وما مدبرها وضليت خايف بيه صوج بيها صوج اكو شي احد مسويلنا شي
لحد ماهيه لحت عليه هيه انسانه تحبني واني احبها وكالتلي روح لشيخ ونشوف شنو يكول

رحت للشيخ وهنا المصيبه فتحلي قران وكال وحده من اقاربي مسويتلي عمل وهذه العمل كولش قوي
فه ضليت محتار ودايخ وادور وادور فه لكيت وحده من اقاربي جانت دائماً تكلي شوكت تناسبني وشوكت تصير رجل وحده من بناتي

فه عرفتها وكتله للشيخ ونطاني حجاب وسبوحات وادعيه وكلي روح زور الائمه المعصومين ورتاح واني سويت الي كال عليه ورحت زرت بس هم من طبيت على مرتي بعدني خايف  بس مو ذيج الخوفه كدرت ارفع راس اهلي وكملت هذه اليوم الي جان بنسبه اليه معجزه

فه اني فكرت كلت منوه الي لمسني وسوالي شي بيوم الزفه!!!!

فه اذكرت وحده من كرايبي مسحت على ضهري فه تذكرت هاي هيه نفسها المره الي خلتلي السحر
..............................................
لهنا تنتهي القصه
......................
النصيحه
............
نصيحه لكل شاب اذا اته متزوج انسانه فحاول انو تبتعد عن الاقارب وعن الناس الي تكرهك واضدك  وحاول تبتعد عن الناس الي تجي اشبكك بيوم عرسك اته متدري منو الي يريدلك الخير ومنو يريد الشر والاعمال والسحوره موجودهو وبكثره بحجت الكرهههه تكول يلا خلي اربطه حتى ليخلف خلي اربطه حتى ميدبرهاخلي اسود عيشتها فه حاول تتفهم هلمور
.................................................
نشالله عجبتكم قصه الليوم ولتسون التصويت والمشاركة لاصدقائكم حبايبي بيباي واشوفكم بقصه جديده من يوميات من العراق