الحلقة(68) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
غادة/من دا اخذ ايلاف صاح بصوت رج الغرفه انتي جدج محمد وانضربت على راسي ....
كعدت ساعه بثلاثه الفجر ومادري بروحي ايدي خدرانه نايمه عليها واتذكر مقتطفات من الصار ليش منو الي صاح!!!!!!.........
واني مو انضربت على راسي منو ضربني ؟؟؟وليش مااحس بالم ضربه!!!!!
بس احس روحي محبوسه
احس نفسي غركانه واريد الهوا كلشي بيه يوجعني
صار الصبح وبعد ماغمضت عيوني
اجه فضل حسيت بي تقرب يم وجهي باسني على كيف وطلع
صرت احاجي روحي غادة شبيج ليش هيج يصير بيه شنو يوجعني...
خابرت امي حجيتلها كالت"
أمي: تعالي يمه اريد اخذج للزياره
غادة: الواه احس روحي مختنكه حييل
امي:خلي فضل يجيبج لعدنا ومنا نطلع نروح للزيارة وبيت بسام هم ويانا
غادة: اهوو هم هوسه ماطايقه روحي ومنا جهال بسام وزوجته مااحبهم
امي: يمه غادة شنو هذا الحجي من شوكت تحجين هيج انتي الحنونه المايوم حقدتي على احد تحجين على اخوج ؟؟!!،
غادة: يمه ترا مااروح عوفني بحالي ....
مستغربه ردي واسلوبي الجاف واني مستغربه اكثر بس اكو شي بداخلي يحركني مو بيدي
دخل فضل شافني مالي خلك ..
كال "
فضل: شبيج ليش ضايجه
غادة:سلامتك كلشي مابيه مهنايه وسعيده شبيه يعني
فضل :غادة ليش هيج تحجين وياي شنو هذا الاسلوب
غادة: فضل تعرف البارحه اجيت انتحر وانت ماتدري نايم وتشخر ...
ضل فاتح عيونه....
فضل: شنوو
غادة:اي اجيت انتحر فضل وربك ستر فضل الخوف جاي ياكل بيه واحس على ساعه تخسرني
فضل: لا انشالله مايصير عندي امل بالله كلش جبير وحاشا لله يخيبني
غادة:فضل املك خلي الك اني مااريد امل منك اريد تاخذني تعالجني سيد راح اموت ليش ماتحس بيه
حظني وصار يطبطب على ظهري
فضل:اوعدج مااخليج اخذج .. خابرت صديق الي... يعرف واحد هم سيد يطلع للبيت ويعرف بهاي الشغلات
غادة: يله لعد ماتجيبه ؟؟
فضل: باجر العصر يطلع لان الاء تكول يمكن دايسه وعندي تابعه ..
من سمعته هيج كال "
تخبلت لزمته من ياخه قميصه
غادة:انت صدك تحجي لو تتشاقى !!!!!!
الاء عدها تابعه ؟!!، منين اجتها اكو ساحر تصير بي تابعه هم قشمرتك انت شنو من شنو مخلوق اريد افتهم
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
