همسه حُب "بقلم حبيبة محمد"

الواحد وعشرون

البارت الواحد والعشرون........♥️
همسه حُب..........♥️
عاد مالك إلي منزله ونفس الكلام عند لؤي

الوالده: طمنى يا بنى عملتوا اي ؟

مالك: متقلقيش يا ماما هي قعدت في البيت اللي كانت قاعده فيه قبل ماتجيلنا

الوالده: يعنى هي كويسه اكيد

مالك: اه زى الفل اخش انام انا بقي عشان فاصل على الاخر

الوالده: طيب فين همس

نظر لها مالك بأستغراب: همس ؟؟

احمد بتوتر : اصل.....

Flash back...
فور خروج مالك ولؤي دخلت همس إلي غرفتها سريعا وابدلت ملابسها بتيشرت رياضي وبنطلون واسع وجمعت خصلات شعرها للخلف وخرجت لهم ..

احمد: انتى راحه فين ؟

همس بهدوء: هروح وراهم مش هياخدوا بالهم ومش عايزة حد يمنعنى انا مش هضحى ب اخويا وخطيبي وانا معرفش المكان اللي ريحينه بعيد دا ممكن يبقي خطر واقعد هنا اتفرج

الوالده بحده: همس مافيش خروج من هنا

همس: ماما هو انتى مش بتوثقي فيه مفيش وقت دلوقتي انا همشي وراهم من غير ماحد ياخد باله

ولم تعطي أحد فرصه للتحدث وركضت سريعاً خارج المنزل

back....

مالك بعصبية: غبيه غبيه على طول بتوقع نفسها في مشاكل ثم نظر إلي احمد بغضب ولكنه أيضاً يعلم كم أخته عنيده تذكر مالك عدد الحراس والاسلحه الكثيره أمام هذا المنزل ودب الرعب في قلبه واتصل ب لؤي سريعاً

عند همس....
Flash back...
بعد وصولها إلي المكان المُراد نزلت ووقفت بعيداً عن مالك ولؤي حتى لايروها فلم تستطع سماع حديثهم ولكن لفت نظرها هذا المكان الكبير وهذه الاسلحه الكثيره ما هذا المكان الغريب؟ غلبها فضولها وقفزت خلف المبنى وصعدت من الباب الخلفي وصلت إلي شباك كبير دخلت فيه ولكنها فوجئت بمحمد يرفع المسدس على نيره والدماء تتساقط منها اختبئت سريعاً خلف الستار المُعلق في الغرفه حتى لا يراها واستمعت إلي حديث لؤي ومالك معهم ووصفتهم بالاغبيه فور سماعها لصوت السياره تتحرك على استعداد للعوده إلي منازلهم

back...

همس لنفسها وهي مازالت تقف خلف الستار المُعلق: طيب دا مش ناوي يخرج من هنا هعمل اي كانت ستلجيء للعنف وتقاتله ولكنها تذكرت تسرعها اخر مره وهدئت من روحها فكيف ستواجه هذا الجيش من الرجال كانت تمسك هاتفها في يديها تذكرت أنهم بالتأكيد سيحدثونها ليطمئنوا عليها فجلعته على وضع الصامت وارسلت رساله إلي لؤي على الواتساب ولكن وجدت أنه لم يستقبلها ف ارسلت بأخري الي مالك مضمونها ( مالك بلغ البوليس وتعالى بسرعه على المكان اللي كنت فيه انت ولؤي إيمي مخطوفه)