اعتذر على التأخير بس جان عندي ظروف
يلا نبدا...
#حسن
جتني مريم لغرفتي جان تگول ميفيد وياها خبلتني
متنتبه اکولهة راح يتزوج تگولي مبروك
گتلهة هذا هم حظي خلة گلبي يدگ الهة عوفي
كلشي وخليهة على ربج
جنت گاعد يم ابوية وجديتي وامي يتبسبسن جان يسألهم بوية شگاعد تحجون گاعدين يمكم احنة
گلتله امي والله يابو حسن جاي خطابة لزينة
اخ يمة گلبي فز سألهة ابوية گلهة منو الولد گالتله
ابن جيرانهم لغادة خوش ناس واذا تريد اسأل عن الولد واخلاقه گتلهم بعصبية وزينة راضية لو هم تزوج غصب گلتلي امي هاي شبيك يمة بعدنة ماگنالهة للبنية گلهم بوية گولو لزينة ماريد اغصبهة كافي العاشته واذا وافقت نسأل عن الولد وربكم يقدم يلي بي خير
طلع بوية وطلعت ورا گتله بوية لتوافق على الولد اني رايدهة لزينة وانت تدري زواجي من سهاد طيحان حظ جان الشي الوحيد حلو من تزوجتهة هو حمزة
هم هالمرة ميصير احتار يلي اريدهة صار حمزة عمره سنة وما الة ام لهسة
گلي بوية انت تحبهة لو متعاطف وياها لان جانت فصلية
گتله بوية احبهة شنو صرت عشگانهة والخلقك
ضحك گال هاا سودنك عشگهة يالشيخ گتله اي شيخ وعاشگ لاعيب ولا حرام
گلي اذا هيج حابهة زينة الك بس ها ماريد احد يعرف
بست راسه وگتله مشكور ريحتني
صعدت لغرفتي فرحان مادام ابوي وياية وعارف بالموضوع سهلة جايج يزينة گلبي الما خليتج تعشگيني
#زينة
اجتي خالة حنان من الصبح وگعدتني بالغرفة گلتلي
انت مثل بنتي واريد احجي وياج بموضوع اكو واحد متقدملج ورايدج بالحلال
گتلهة اني ممفكرة بموضوع زواج وبعدين يدري اني
جنت متزوجة وجان عندي خلفة
گلتلي اي وگايل ميحالف هو شايفج بعرس مرتضى
وامه هم شافتج واجتي حجت ويانة
گتلهة خالة ماريد اضوجكم ادري صرت ثگيلة عليكم
بس شغلة زواج ماريد
گالتلي اول شي ازعل اذا غدتي كلامج انتي مو ثگيلة انتي بنتنة وثاني شي ما اغصبج على الزواج خاصة
خالج وصه محد يجبرج ويثير لتردي اني اگولهم
ماكو قسمة
ابتسمتلهة وطلعت من الغرفة رحت العب حموزة
احلى شي بالبيت هوة
جانو گاعدين ودنصب العشة اسمع حمزة يبجي وحسن
شايلة خليت اخر ماعون وگعدت جان حمزة يريد يجي علية باوعت علية جانو يگول ماما بصوت متقطع اني ظليت صافنة
عبالي اذني بيهة خلل بس عادهة مرة الخ وجان قاصدني بيهة اخذته من حسن يلي جان يضحك
والكل مبتسم اول كلمة گالهة الية بس حسيت نفسي
خجلانة يگولي ماما واني مو امه متوقعت يتعلق بية هالكثر بس بنفس الوكت حسيت بفرحة ما اعرف ليش
يمكن لان جنت رايدة اسمعهة من محمد
#حسن
جنة گاعدين على العشة وحمزة بس يبجي ويباوع على زينة تجي وتروح اخر شي من گعدت گلهة ماما
وعادهة مرتين اني الضحكة شگت حلگي حسيت حتة حمزة حاس بية بلكت على هالكلمة تگوم تفكر
گعدته بحظنهة جان مريم تهمسلي شوف حتة حموزة وياك گتلهة اي تدرين صرت احب حمزة حيل ضحكت
ورجعت لمكانهة
#مريم
خلصنة عشة وكملنة شغل رحنة اني وزينة للغرفة
مالتي وحموزة ويانة گتلهة زينة اگلج شي گالتلي
تفضلي گتلهة تخايلي تصيرين مرة حسن
وسعت عيونهة گالت شنو لا ما اتخايل بعدين حسن
راح يتزوج مو انتي گلتي
گتلهة اي هوة ماگال موافق لو لا بس لو تصيرين انت مرته وتثيرين ام لحمزة
صفنت اي فكري يا الله بلكت تطخ عدهة
گالتلي ما اعرف بس حسن يحب مرته الأولى واني مستحيل ارتبط بشخص گلبه مو الية
گتلهة منو گلج يحب مرته اصلا حسن مجان رايدهة بس بوية نطة كلمة وحسن ماراد يفشل بوية وقبل
مع العام جانو بس مشاكل لأن ممتوالمين
گلتلي الله كريم اليسمعج يگول حسن كاتل نفسه علية گتلهة الايام جاية وهسة تشوفين
#حسن
گاعد بغرفتي وجان طب مريم تگول حسن اكو امل
بزينة گتلهة شنو شسويتي گلتلي ماسويت شي
بس گتلهة شنو رأيج لو انتي مرة حسن گالتلي لا وحسن متعلق بمرته گتلهة لا حسن انجبر على مرته
اصلا گالتلي الله كريم يلي يسمعج حسن كاتل نفسه علية گتلهة الايام جاية وتشوفين
گتلهة مريم اروحلج فدوة اوف واخيرا گامت تفكر يلة خلينة الشغلة براسهة ضحكت مريم وگالت باجر يصير دورك اريدهة تغار گتلهة شلون
گالتلي باجر بيت خالتي يجون وزينة لهسة متعرفهم
انت يلي عليك نگوم تحجي وية ريهام بنت خالتي
گدامهة واني اگوم احجي وية زينة اخلي غيرتهة
تظهر صقنت عليهة گتلهة ولج مريم انتي داهية ليش متصيرين الشيخ والله تحلين هواي مشاكل
گامت تضحك وطلعت
شوكت يجي باجر ونشوف شراح تسوين يزينة.
يتبع...
رِيحـۿ شالـهـا ، تـ؏ـادل حَـدايـقـڪم 🖤.
