اسكريبت
~~~~~~~
_الحقيني يا سما أنا في نصيبة
_ مالك في إيه ونصيبة إيه يا ملك
_ روحت عشان أجيب المرتب بتاع الشهر وإتسرق مني
سما بصت علي ملك اللي منهارة من العيط وايدها بتترعش من الخوف واللي مرات ابوها هتعمل فيها
قامت فتحة شنطتها وخرجت فلوس وعطيتها ليها وقالت
_ بصي دول فلوس الجمعية لسه قابضها النهاردة
_ طب..طب وجهازك والفرش اللي المفروض تجبيه عشان الفرح اللي قرب
سما ابتسمت ليها وقالت
_ ملكيش دعوة انتِ ربنا هيدبرها وهتتحل
ملك خدت الفلوس من سما وروحت لمرات ابوها اللي أول ما ملك دخلت البيت سألتها علي المرتب في حين إن سما روحت البيت ومامتها سالتها عن الفلوس فسما ردت
_ أديتهم لـ ملك يا ماما
ام سما شهقت جامد وقالت
_ كلهم أديتيها 4000 جنية يا سما
سما بصت لامها بعتاب وقالت
_ استغفري ربنا يا ماما
_ مش قصدي يا بنتي بس انتي فرحك قرب والمفروض تجيبي الفرش بتاع شقتك وكمان النجف هتعملي إيه دلوقتي
سما بصت لما متها وقالت ليها وهي بتبتسم
_ هتدبر يا ماما خلي ثقتك في ربنا اكبر من كده
سما سابت مامتها ودخلت اوضتها بتصلي وتدعي ربنا يدبرها امرها وتلحق تجيب الرش قبل ما الفرح يقرب اكتر من كده
عدي يوم ورا التاني لحد ما بقي فاضل 3 ايام علي الفرح وساعتها عريس سما راح ليها البيت وقالها بزعيق
_ فاضل يومين علي الفرح وكتب الكتاب بكرة وانتي لسه مفرشتيش الفرش بتاعك
سما بصت ليه بهدوء وعينها بدأت تدمع وقالت
_ حاضر يا محمد هحاول والله بس اصبر
محمد بقي يزعق جامد وبعصبية شديدة لدرجة إن سما خافت منه ورجعت لورا
_ اصبر إيه انتِ معندكيش عقل ولا بتفكري كتب الكتاب بكرة والفرح فاضل عليه يومين وأنتِ تقولي اصبر ... أم أنتم مش قد الجواز بتتجوزوا ليه هاه .. انا عايز افهم ...
محمد بص بإستحقار وقال وهو بيخلع الدبلة
_ انا مش مضطر أكمل الجوازة دي مع ناس ذيكوا
محمد خرج من الشقة وسما قاعدة منهارة من العياط إن خطيبها سابها بشكل المهين دا وامها جنبها بتحاول تواسيها ومخنوقة جداً علي شكل بنتها وعيطها اللي بيزيد مش بيقل
عدي اليوم دا وفضلت الأيام تعدي سما بتروح شغلها وتروح منه وبتدبل يوم ورا يوم وفي يوم أمها بتسألها
_ هي ملك مش ناوية ترجع الفلوس اللي بسببها الجوازةة باظت
سما خدت نفس كبير وقالت ليها
_ ماما ملك ترجع الفلوس براحتها أنا بساعدها لوجه الله ... أما بنسبة لجواز اللي باظت فدا مش بسببها يعني حضرتك كنت عايزاني أكمل مع واحد زي دا ... طب يا ماما لو نفترض إن ملك رجعت الفلوس قبل معاد الفرح ومثلاً محمد الله يسامحه علي اللي عمله فيا وكسرة قلبي بقي جوازي وفي شهر المرتب بتاعه إتسرق كان هيعمل إيه فيا
أم سما معرفتش ترد لأن محمد بمجرد ما عرف إنهم مش معهم فلوس زعق جامد وبهدل الدنيا وساب بنتها وكسر قلبها
سما بصت علي مامتها وقالت
_ حضرتك مردتيش عارفة ليه ... لان حضرتك من جوا عارفة إن محمد كان هيسود عيشتي في البيت وممكن يضربني ... يا ماما دا بمجرد ما عرف إن أنا مش معايا فلوس أجيب الفرش بتاع الشقة زعق وبهدل الدنيا والجيران شافوني دا غير سُمعتي اللي باظت بسببه ... كنت هتأمني عليا مع واحد زي دا ... لما تيجي تنامي كل يوم هتنامي مرتاحة إن في واحد في أي وقت يطلقني عشان مفيش فلوس ... ربنا رحمني منه يا ماما .... فبلاش تظلمي ملك في الموضوع دا يمكن كانت سبب ربنا بعته عشان ينقذني من الجواز دي
سما سابت مامتها ودخلت الأوضة عيطت من الوجع اللي افتكرته يوم ما محمد سابها والجيران اللي كانوا بيبصولها بشفقة
عدي أكتر من 9 شهور وكان الوضع زي ما هو لحد ما في يوم سما سمعت جرس الباب بيرن فراحت عشان تفتح وهي لبسة الحجاب بتاعها ولقيت ملك ومعها حد غيرب شاب طويل كده ولابس لبس شيك وكمان ملك
سما فرحت جداً إن ملك جت وقالت ليها
_ كده طول الفترة دي متساليش عليا
_ أنا آسفة بجد يا سما بس هقولك علي سبب إختفائي
دخلت سما ومعها ملك والشاب الغريب دا وبدأت ملك تتكلم
_ بعد ما أديتني الفلوس روحت ولقيت مرات أبويا مستنية علي الباب وبتسألني علي الفلوس وأنا خرجتها من الشنطة فعلاً بس هي كانت مصدومة عشان كانت السبب في سرقة الفلوس مني وعرفت كده لما سمعتها بتكلم الولد اللي سرق مني الفلوس المهم أنا مستحمتلش كده ولميت هدومي وخرجت بسرعة من الشقة لحد ما خطر علي بالي أخويا آدم فسافرت علي اسكندرية علطول ولما روحت حكيت ليه اللي حصل فقعدني معاه وقالي ولا يهمك
وعدت الشهور وأنا قاعدة معاه بس ربنا فرجها عليه وأخد مكأفاة من الشغل كبيرة أوي وكمان إترقي .... جمعت الفلوس اللي عطيتها ليا وجيت النهاردة عشان أدهلك
سما ابتسمت براحة وقالت ليها
_ لما ساعدك ساعدك عشان صحبيتي ومش منتظرة منك حاجة يا ملك
ملك حطيت الفلوس علي الطرابيزة وقالت
_ معلش يا سما عشان خاطري أنا خديهم لو مرجعوش مش هرتاح
سما حست إنها مراقبة من الشاب اللي مع ملك ودا خناقهافأخدت الفلوس و اخوملك وملك روحوا
عدي يومين وسما وهي مروحة من الشغل سمعت صوت حد غريب في البيت وكانت الصدمة نصيبها لما شافت أخو ملك الشاب
أم سما راحت شده سما وقالت ليها
_ الأستاذ آدم جي عشان يتقدم ليكِ يا سما
سما مصدومة ومش عارفة تنطق فأمها سابتها معاه وآدم ماسك نفسه من الضحك وقال
_ مالك يا بنتي
_ هاه
_ هاه إيه جاي عشان أتقدملك موافقة عليا
_ آ..آ,,آ
_ آ..آ دا رد علي سؤالي
_ ه..ه
_ يالهوي هو انا جي احفظ الحروف الأبجدية هنا
_ لاء لوسمحت كده متتريقش
_ حاضر مش هتريق .. هممم بقي موافقة مبدئياً
_ ه..ه
_ لا كده كتير طب النطق بتفقديه في السؤال دا بذات ... طب استخدمي الإشارة أظن ملكيش حجة
_ ه.. هصلي أستخارة
_ ه...ه ..
_ ها إيه هتصلي إستخارة أنت كمان
_ لاء
_ أمال إيه
_ ه...ه
_ يابني إخلص ه.. إيه
_ هشتمك .. كل دا علشان هتصلي ما تقولي من الصبح
_ الله مش عروسة ومكسوفة
_ أنتي قولتي إيه
_ إيه
_ انتي قولتي عروسة يعني موافقة
سما أتكسفت جامد وردت وهي بتخرج من الاوضة
_ لما اصلي استخارة
وفعلاً سما صلت إستخارة وعدت الأيام وسما وآدم جهزوا كل حاجة و سما و آدم اتجوزوا خلاص لحد ما في يوم سما رجعت البيت معيطة جامد فآدم سالها
_ مالك ؟؟
_ الخاتم الدهب بتاعي وقع في الشارع
_ يا ستي فداكي مش مهم المهم أنك كويسة في حياتي
_ يعني م..مش هتزعق ولا هتضيق
_ لا طبعاً ممكن أضيق بس عشان عياطك .. دموعك غالية عندي يا سما ... والفلوس والدهب بيروحوا ويجيوا .. ويا ستي اعتبري مثلاً إننا بعناهم وصرفنا فلوسهم علي حاجة كنا هنزعل عليهم ... لاء ...
آدم مسح دموع سما بحنية وقال
_ الرسول عليه الصلاة والسلام قال رفقاً بالقوارير خاصكم بالقوارير عشان أنتم النساء حاجة رقيقة فمينفعش أجي عليكِ وأكسر القارورة القمر دي فهمتي ... لزماً أحافظ عليها عشان هي كمان تحافظ عليا ويكون ما بينا المودة والرحمة اللي ربنا قال عليهم في القرآن الكريم
النهاية
#بقلمى ساره احمد
رائيكم بليز
