كانت المفاجاه عندما راى مراد شقيقه سامر ينتظره في قاعه الاستقبال الخاصه بالفندق...
مراد :سامر انت ايه اللي جابك هنا وبعدين مين قالك على مكاني.....؟؟
سامر مش تعرفنا بقى على المزه اللي معاك هي دي اللي سافرت من غير ما تقول لحد عشانها هي دي اللي استغفلتني عشانها جاي هنا عشان تتصرمح مع الاشكال دي ...؟
هوت يد مراد على وجه سامر كالحجر...
مراد : يا بجاحتك يا اخي انت كمان جاي هنا بتحاسبني انت مش عارف المصيبه اللي كنت هتعملها دي كانت هتوديك فين....
سامر: انت ملكش دخل بحياتي انت مالك اعمل اللي اعمله هو انت هتتحاسب مكاني يا اخي سيبني بقى في حالي ..
مراد: اسمع لاخر مره بقولك اهو لو ماتراجعتش عن اللي بتعمله ده انا اللي هاروح ابلغ عنك فاهم وعبال ما تعقل مش عايز اشوف وشك تاني..
سامر: يكون احسن عن اذنك يا ...مزه
خرج سامر من الفندق...
اقتربت شجن من مراد والدموع تتساقط من عينيها ايه ده ممكن تفهمني اللي بيحصل...؟؟؟؟
صمت مراد ونظر الى الاسفل
شجن: فهمني هو اخوك الدكتور اللي جيت تنقذني منه.......؟؟
صعدت شجن الى غرفتها في حاله انهيار جلس مراد وظل يبكي ثم خرج ظل يسير في الشوارع دون الوصول لمكان محدد
تاخر الوقت ذهب مراد الى الفندق كان في حاله تشتت كان يريد الاطمئنان عليها ماذا ظنت به لكن... لكن ما ذنبه في هذا الموقف فهل كان مخطئ عندما حاول انقاذها....؟؟لماذا انفعلت هكذا عليه ...دخل مراد غرفته و القى نفسه على السرير وراح في نوم عميق...
في اليوم التالي...
شجن التي لم تذق عينيها النوم...
ارتدت شجن ملابسها وذهبت لغرفه مراد دقت الباب وبعد فتره وجيزه فتح مراد الباب وعلى وجهه اثار النوم...
شجن: صباح الخير...
مراد:صباح النور ....
شجن: انت كويس...؟؟
مراد: اه انا تمام وانتي...؟؟
شجن: الحمد لله...ممكن نتكلم تحت شويه...؟
مراد: اه طبعا هغير هدومي وانزل على طول عشان انا كمان عايز اكلمك في موضوع
بعد 10 دقائق نزل مراد لقاعه الاستقبال و وجد
شجن تنتظره ذهب وجلس امامها...
مراد: اتاخرت عليكي اسف...
شجن: لا مفيش حاجه ولا يهمك...
مراد :ها بقي قوليلي كنت عايزاني في ايه...؟؟
شجن: انا كنت عايزه اعتذر لك على موقفي امبارح انا عارفه ان انت ملكش ذنب في الحكايه دي بالعكس انت انقذتني....
ارتاح مراد لسماع هذه الكلمات...
مراد: انا عارف ان دي كانت مفاجأه بالنسبه ليكي بس انتي عارفه ان دي حاجه مش كويسه يعني عشان امشي احكيها في الشارع للناس...
شجن :ربنا يهديه على العموم يعني انا جيت اعتذر منك يا ريت تقبل اعتذاري
مراد: اكيد ما فيش حاجه...
شجن: طيب قولي بقى الموضوع اللي كنت عايزني فيه....؟؟
مراد : بصي يا شجن انتي عارفه ان انا كنت مسافر برا بس اللي ما تعرفهوش ان جدتي ربنا يديها الصحه عايشه هنا يعني بس هي دلوقت تعبانه شويه و محتاجه حد يقعد معاها فانا مضطر اروح اعيش معاها...
بصي انا مارضيتش اقول لك تعالى الشقه اقعدي معانا علشان ما تفهمنيش غلط بس انا هدفع لك عادي جدا مصاريف اقامتك في الفندق وكل اللي ت
هحتاجيه.... هيجي لحد عندك ولو عايزه تنوريني انا وجدتي البيت مفتوحلك....
انا بس مش عايز اضغط عليك فشوفي اللي انت عايزاه وردي عليا وقت ما تحبي...
شجن: طيب هو انت هتمشي امتى من الفندق...؟
مراد: يعني على ١٠ بليل كده ان شاء الله...
شجن: ماشي انا هفكر وارد عليك...
مراد: ماشي يا شوشو براحتك انا هقوم دلوقتي اخذ شاور و اجهز شنطتي عبال بالليل عشان هروح كام مشوار كده.... عايزه حاجه...؟؟
شجن: شكرا ترجع بالسلامه
الساعه التاسعه ونصف اتصلت شجن ب مراد
شجن: الو انت فين...؟؟
مراد : انا عشر دقايق واكون قدام باب اوضتك
وصل مراد امام غرفه شجن دق الباب
فتحت شجن: انا فكرت
مراد : تمام و هتقعدي هنا ولا هتيجي معايا
شجن.....
خلص الفصل التامن الفصل القادم ان شاء الله هنشوف شجن اختارت ايه ...❤️😍
مع السلامه 💜😹
أنت تقرأ
رواية خداع انثى{(رحمه محمود)}
Romanceكيف لك ان تدفع ثمن أخطاء غيرك....🖤 لا تعميك ثقتك فيمن احببت ....🖤 اقدارنا تخالف احلامنا وبين ذلك لا سلطة لنا في تغيير الواقع...🖤
