دكتوره لو شيخه؟! ( مكتمله)

تلاكت عيونه وبعده ما اضن نتلاكه

ميس
‏احنا منقطعين عن أهل أمي وخالي ‏وما نعرف بس خالي فؤاد ونسمع عنده ولد اثنين ما نعرفهم زين وعايشين حياتنا بعيد عنهم إلى درجة كلش جبيرة بحيث إذا نلتقي بالشارع محد يعرف الثاني ‏فلذلك شوية أنصدمنه من أمي كالت عدكم
مراد وسُميه أولاد خالكم 😂
همه خوالي الي انقطعوا عنه بسبب خالتي ام زهراء الي شردت ويه عمو عبد الرحمان اضطروا يتركون محافظتهم وامي واحنه سافرنه ويه فهد للخارج وهمه چانوا معارضين هذا الشي وزادت العداوه والبعد وبعد ماعرفنا عنهم شي ولاهمه هم

وثول اي والله شبيج
ميس انجبي ترى اني ضايجه
اي ضايجه على عيني وعلى راسي بس ليش صارلج ساعه تفترين بالغرفه
سمعتي تقى شتكول ؟

شبيه هاي النوبه
تكول على محمد ابن عمي يريد يخطبه
هاااا !!!!

اي والله ولج قبل شويه خابرته وكالت انتوا معزومات على خطوبتي الشهر الجاي

هاي شنو مو على اساس الاخ يحبج ويريد.. ولجججج اسكتي

رحت اركض سديت باب الغرفه

ميس شجاج امي وفهد بالبيت

هسه ديله على اساس فهد ميعرف بيكم

شوفي اني اصلا ممقتنعه بمحمد احسه مدري شلونه

يعني هسه انتي معقوله مضايجه عليه ؟

اي ضايجه بس يا اختي ممقهوره ولا عندي غيره عليه يمكن اني ما احبه وهو هم نفس الشي يجوز اني مفتهمه نظراته غلط او .. اكلج كافي سدي الموضوع الله يهنيهم
معليه اني اني عبالي مثل اخويه ورجولته وشخصيته
و..

اهاااا
اي كولي من البدايه
شنو شأكول ؟
اي هسه عرفت
ميس انجبي واحجي عدل شنو عرفتي

اي حبي واضحه السالفه انتي معاجبج محمد لان اكو واحد عاجبج
منو النوبه هذا ؟
هههههههه استاذ طالب
خايبه ما تنجبين انتي ... ماكملت لان سمعت صوت تلفوني يدك
رقم غريب ؟
منو
شمدريني رقم غريب
اي ردي

الو ....منو؟؟

ها سندرلا الي مضيعه حذائه 😂

شنوه انت شتحجي

شبيج طالب طالب شلونج 😂

اها اهلا لحضه انت منين جبت رقمي ؟

شنو نسيتي انتي الي انطيتيني رقمج

خليت ايدي على سماعه التلفون حتى ميسمع

منووووو رويمه
ولج اسكتي احجي وخزرته اشش

وخرت ايدي وكملت حجي

اي اي ذكرت
شلونج ؟

الحمد لله
الحمد لله على السلامه ولو متأخره شويه لان دكيت عليج ولكيته مشغول
اي صح
منو جنتي تخابرين
شنو
اقصد هيج انسي شفت حاله الواتساب مالتج شكو شصاير
خير خوما الحجيه بيه شي ؟
لا بس شويه مشاكل بالبيت واني من اتضايق احب اقره هيج دعاء وانشره يعني تعرف دعوه الناس مستجابه بظهر غيب