الفصل. 15
اصرّت نانا علي المغادره. وفشلت كل المحاولات لمنعها من ذلك.
فخرج شريف معها الي سيارتها
وظل يتحدث معها محاولا اقناعها
شريف:- علي فكره انا بحترم رأيك جداً. وبحترم رغبتك. بس ده ما يمنعش اني اقولك حاجه،
اسد ده يانانا. مش ظالم ولا اناني بيفكر في نفسه بس
اسد ده من الناس اللي بتشيل هموم كل اللي حواليها. مش كده وبس. ده كمان بييجي علي نفسه دايما علشان يسعد كل اللي بيحبهم
وانا متاكد ان الخطوه دي اكيد هو فكر فيها كويس وعارف كويس انه بيحبك وبيحترمك
نانا:- شريف انا اكتر حد في الدنيا عارف اسد
لأني حسيته من جواه. وعارفه طبعه وتفكيره
بس انا ليا اسبابي اللي تخليني ارفض
شريف:- بس اسبابك دي ما تمنعش انك تدي لنفسك فرصه للتفكير
نانا:- مانا فكرت كويس وحطيت نفسي مكان الانسانه اللي شايله اسمه ومتعلقه بيه بطريقه جنونيه. ، فكرت في احاسيسها ومشاعرها
وضعفها. ، فكرت في سعادتها. والألم اللي هتحس بيه
ومش عايزه اكون سبب في ده
شريف:-وهو يعني هيسيبها علشانك. لاء طبعا
هو له الحق في اللي بيعمله ده. وانا متاكد انه هيعدل بينكم
نانا:- شريف فيه حاجات كتير انت مش عارفها
اسباب كتير جوايا تمنع ده
انا كمان ياشريف مش قابله اني اكون معاه وهو مع حد تاني
مش قابله فكرة ان حد يشاركني فيه. يازي بالظبط ما عيشه مش قابله ده
ومش عايزه اكون انانيه علشان سعادتي.
شريف:- عموماً انا هرجع اقولهم انك هتاخدي وقت تفكري. قبل ما تاخدي قرارك النهائي
نانا:- لا يا شريف. انا قررت خلاص
شريف :- عموماً خلي بالك من نفسك. واول ما توصلي اتصلي عليا وطمنيني.
نانا:- حاضر
سافرت نانا الي القاهره
وعاد شريف الي الدار
كان الجميع يجلسون في صمت.
ودخل شريف وجلس
سأله سليم:- قالت لك ايه يا شريف!
شريف:- انا شايف يا بابا ان هي مصدومه من الموقف اللي حصل
سليم:- يعني صممت علي رأيها وسافرت؟
شريف:- هترتاح شويه وهتفكر. انا متاكد ان اعصابها تعبانه شويه
نبيله:- نانا حساسه اوي. واكيد زعلت علي عيشه.
فاطمه:-وهي عيشه احنا زعلناها. ولا هي زعلت لوحدها.
اسد:- نادي علي زينب لتجهز الغداء
ففاجئتهم دنيا وقالت:- الغدا جاهز انا مخلصاه من بدري
فاطمه:- ما شاء الله اتعلمتي يا دنيا وبقيتي ست بيت
دنيا بخجل:- البركه فيكي يا ماما.
بينما يتناولون الغداء
قال سليم:- بصراحه يا جماعه احنا بنشكر ربنا. انه جمعنا بيكم. سواء كان فيه نصيب للقرب منكم او ما فيش
ده مايمنعش انكم اعظم ناس قابلتهم في حياتي
وعمري ما هنسي كرمكم وواجبكم واخلاقكم ومحبتكم.
وما يمنعش اننا هنفضل اهل وهنود بعض
لأنكم بجد بنعتبركم اهلنا.
علي:- والله يا حاج سليم وانتو من اطيب الناس
ووجودكم زادنا شرف والله
سليم:- ربنا يخليك يا علي ويباركلك في ابنك
فاطمه:- شوف يا حج سليم، سبحان من جمعنا من غير معاد. احنا عرفناكم واتشرفنا بمعرفتكم من عند الله.
ويعلم الله انكم بالنسبالنا اهل.
ووجودكم هنا مالي علينا الدنيا كلها.
وزي ماقولت. القرب او عدمه مش هيأثرو علي الود اللي بينا.
وكل شي قسمه ونصيب.
سليم:- والله الود ودي نفضل هنا علي طول معاكم
بعيد عن الزحمه والدوشه والشغل وقرفه
لكن فعلا الايام الحلوه بتعدي بسرعه
احنا هنسافر النهارده اخر النهار بأذن الله
وهنستناكم في اقرب وقت تشرفونا وتأنسونا شويه
اسد:- وه. ليه كده بس يا حاج. ؟
سليم:- معلش يا اسد يابني لازم نرجع نشوف مصالحنا. وكمان نبقي مع نانا. ما ينفعش الفتره دي تفضل لوحدها
فاطمه:- طيب حتي اقعدو النهارده وامشو بكره
نبيله:- ماتخليها بكره يا حاج حتي يكون الحج اسماعيل رجع نسلم عليه
سليم:- معلش اصل انا عندي مراجعه عند الدكتور بتاعي بكره بأذن الله.
وابقي سلم لنا علي الحج اسماعيل يا اسد
دنيا:- بابا ، ممكن افضل مع ماما فاطمه شويه وابقي اجي معاها اما تسافر القاهره تاني
سليم:-والله كلنا يا دنيا ما عايزين نمشي
بس لازم علشان هحتاجك تنزلي المكتب معايا
نانا تعبانه وشريف هو اللي هيفضل هنا كم يوم
دنيا:- طيب خليني وابقي اجي معاه والنبي
سليم:- يا حبيبتي احنا هنيجي كتير ماتخافيش احنا خلاص بقينا اهل.
فاطمه:- والله علي عيني فراقك يابت يادنيا.
وعلي عيني فراقكم كلكم
ربنا يعلم معزتكم عندينا.
اروي:- ربنا يديم المحبه يا حجه. انا والله عمري ماقابلت ناس دخلو قلبي زيكم كده...
أنت تقرأ
الوعد والرحيل. الجزء الثاني.
Historyczneمن يعتقد ان النفس البشريه تستطيع ان تتحكم في عاطفة الحب نحو اي شئ فهو مخطئ... فإننا لا نقوي علي اجبار القلب ان يخفق عندما يشعر بذلك، ولا نقوي ايضاً عن اجباره بالتوقف عن الحب برغم الهجر او الفقدان كان صلي الله عليه وسلم يقول: اللهم هذا فعلي فيما أملك...
