🐯 Unicode 🐯
မှန်တံခါးကိုတွန်းဖွင့်ကာ ဆိုင်အတွင်းဘက်သို့ Bright လျှောက်လာခဲ့သည်။အလှဆင်ထားတဲ့မီးအိမ်လေးတွေကိုမော့ကြည့်ပြီး လျှောက်လမ်းတစ်ဖက်တစ်ချက်က ပုံစံအမျိုးမျိုးသောစားပွဲဝိုင်းလေးတွေကို မျက်စိကစားရင်းမှ ဆိုင်ရဲ့ထောင့်ဆုံးဝိုင်းခပ်ကြီးကြီးက ဆူညံနေတဲ့အုပ်စုဆီ အာရုံရောက်သွားသည်။
ချာတိတ်အရွယ်လေးတွေ ခေါင်းမှာလဲနားရွက်အမျိုးမျိုးနဲ့ဘီးကုပ်ကလေးတွေ ကိုယ်စီကိုယ်စီတပ်ထားကြသေးသည်။ကိတ်မုန့်ဝိုင်းလေးတစ်ခုကို ဖယောင်းတိုင်ဝိုင်းစိုက်နေကြပြီး တစ်ယောက်တစ်ပေါက်ရယ်လိုက်မောလိုက်နဲ့ ဆူညံနေသည်။
ထိုထဲမှာမှ အရပ်ရှည်ရှည်အသားဖြူဖြူနဲ့ကောင်လေးက အဆိုးဆုံးပင်။Bright မျက်စိထဲထင်းကနဲပေါ်လာရတဲ့အကြောင့်အရင်းက Bright ကိုယ်တိုင်ဒီဇိုင်းဆွဲထားတဲ့ အဖြူတစ်ဝက်အနက်တစ်ဝက်ကိုမှရင်ဘတ်ထောင့်လေးမှာ BW ရွှေရောင်စာလုံးလေးထိုးထားသော T-shirt လက်တိုကလေးကြောင့်ပင်။
ဒီချာတိတ်ကလေးဝတ်ထားတော့လဲ ကြည့်ရတာထင်ထားတာထက်ပိုပြီးSmartကျသားပဲ။ယုန်ဘီးကုပ်ကလေးတပ်ပြီး ရယ်နေတဲ့ချာတိတ်ကလေးရဲ့သွားကြီးကြီးနှစ်ချောင်းကို အဝေးကလှမ်းကြည့်တာတောင် မြင်နေရသည်။
ဟိုဘက်သွားလိုက် ဒီဘက်သွားလိုက် ခုန်ဆွခုန်ဆွလုပ်လိုက်နဲ့ချာတိတ်လေးက စပ်စလူးလေးမှန်းအရမ်းသိသာပါသည်။
"Bright ဟျောင့်!"
"အာ..Dean!!"
စိတ်လွတ်ကိုယ်လွတ်ဖြစ်သွားလိုက်တာ နောက်ကသူငယ်ချင်းပခုံးလှမ်းရိုက်တော့မှ အသိကပ်သွားတော့သည်။
"ကြားသားမိုးကြိုးပါလား CEO ကြီး မင်းကိုငါ့ဆီတစ်သက်လုံးမလာတော့ဘူးတောင်ထင်နေတာ ဆိုင်ဖွင့်ပွဲလဲမလာ သူငယ်ချင်းတွေဆုံလဲမလာနဲ့"
"မဟုတ်ပါဘူးကွာ ငါကခုမှလုပ်ငန်းထူထောင်ကာစမလို့ပါ နာမည်တစ်ခုရဖို့ကမလွယ်ဘူးလေ ပြီးတော့ငါကမကျွမ်းကျင်သေးတော့ "
"ဟိုးးးးဆရာ ဟိုး....မင်းပြောလိုက်ရင်ဒါပဲ ပြောပြီးပြီနော်ဟျောင့် ငါတကယ်စိတ်ဆိုးတာ"
YOU ARE READING
သတိ! ငရှုပ်လေးကိုမချစ်ရ! ( သတိ! ငရႈပ္ေလးကိုမခ်စ္ရ! )Completed
Fanfictionချစ်တယ်ဆိုတာ သူဖြစ်နေလို့ကို ချစ်နေမိတာပဲ။ကိုယ်မကြိုက်တဲ့ အပြုအမူမျိုးတွေ အမူအကျင့်မျိုးတွေ ဘယ်လောက်ပဲရှိပါစေဦး။ချစ်တဲ့မျက်စိနဲ့ကြည့်မိတဲ့ကိုယ့်အဖို့တော့ သူဘာလုပ်လုပ် သူ့ဆီမှာ ကိုယ်ကျရှုံးရတာချည်းပဲ။ ခ်စ္တယ္ဆိုတာ သူျဖစ္ေနလို႔ကို ခ်စ္ေနမိတာပဲ။ကိုယ္...
