Hăo Jiŭ Bù Jiàn（好久不见)(Completed )

part32

<Unicode>
'လက်ထောက်ယွီ..´

အလုပ်တွေကြား ခေါင်းစိုက်နေတဲ့ လက်ထောက်လေးက စားပွဲခေါက်ပြီး ခေါ်လိုက်တဲ့ သူတို့CEOရဲ့ အသံကြားကြောင့် ချွေးတွေပြန်နေပြီ..။

ဟုတ်တယ်လေ..အလုပ်ဝင်တဲ့ ၃,၄လ အတွင်း ခုလိုတကူးတကလာခေါ်တယ်မှ မရှိဖူးတာ။ခုလာတာ ကောင်းတဲ့ကိစ္စပဲဖြစ်ပါစေလို့တော့ ဆုတောင်းမိတယ်။

' ဟုတ်ကဲ့ CEO..´

ရိပေါ် ရယ်ချင်စိတ် မအောင့်နိုင်တာကြောင့် ဟက်ခနဲ အသံထွက်တော့မလိုဖြစ်သွားတယ်။သူ့ရှေ့မှာရပ်နေတဲ့ လက်ထောက်ယွီက ချွေးတွေပြန်လို့ အသံတွေပါတုန်နေပြီ။ရိပေါ်ကို အဲလောက်ထိတောင် ကြောက်ကြတာလား။

' မင်းတို့ သူဌေးလေးကို အိမ်မှာ ခနသွားကြိုပေးလို့ရလား..´
' ဟုတ်.. ဟုတ်ကဲ့ ရပါတယ် CEO ´

တော်ပါသေး..မကောင်းတဲ့ကိစ္စဖြစ်မနေလို့။CEO ပါးစပ်က ရလားလို့သာ မေးနေတာ ။ အကြည့်တွေက မရရင်လည်း သွားကြိုပေးဆိုတာမျိုး။

' ​သြော်..အတွင်းရေးမှူးလီရဲ့ ကားကိုယူသွား..´

ဘောင်းဘီအိတ်ကပ်ထဲ လက်တဖက်ထည့်နှိုက်ရင်း ထွက်သွားပြီးမှ ပြန်လှည့်လာကာ ပြောတဲ့ CEOဝမ်..။

သူ့ကားပေးလိုက်ရင် ဘာဖြစ်သွားမှာမို့..တွန့်တိုလိုက်တာ။သြော်..မေ့လို့ ။ဒီအတောအတွင်း သိရတာ CEOက သူ့ကားနဲ့ ဆိုင်ကယ်တွေမှာ သူဌေးလေးကလွဲပြီး ဘယ်သူမှ စီးခွင့်မရှိဘူးဆိုတာပဲ။

_____ _____ _____

ရိပေါ် မနက်ထဲက အဆင်သင့်ယူလာတဲ့ အဖြူရောင်ရှပ်နဲ့ style pants အမဲကို လဲလိုက်ပြီး ဆံပင်တွေကို ခပ်ဖွာဖွာလုပ်လိုက်တယ်။ရှပ်လက်ရှည်မို့ တံတောင်ဆစ်နားထိ ခေါက်လိုက်တော့ လုံးဝ perfectပဲ။

အဖြူအမဲ ရိုးရိုးရှင်းရှင်းပေမယ့် ရိပေါ်ဝတ်လိုက်မှ ဆန်းဆန်းလေးဖြစ်သွားတာမျိုး။

လက်ထဲက နာရီတချက်ကြည့်လိုက်ပြီး sunglasses အမဲ​ရောင်တပ်လိုက်ကာ ရုံးခန်းထဲက ထွက်လာခဲ့တယ်။ခုချိန်လောက်ဆို..ကောင်လေးက company ရှေ့ ရောက်နေလောက်ရောပေါ့။

ဝန်ထမ်းတွေ သူတို့ရှေ့ကဖြတ်လျှောက်သွားတဲ့ CEOဝမ်ကို မမြင်စဖူး လိုက်ကြည့်ကြတယ်။တချို့လူတွေအမြင်မှာတော့ သရေကျမတတ်ငမ်းနေတဲ့ နာဘူးတသိုက်​​ဖြစ်ချင် ဖြစ်နေလိမ့်မယ်။ဘာဖြစ်ဖြစ် သူတို့ဒါကို လက်လွတ်မခံသင့်ဘူးလေ။