ملاحضه/للاشخاص الي يگولون شلون ابطال الروايه من اربيل ويحجون مثلنه يعني اكو ناس يگولون اهل اربيل اكراد ماعرف اذا صح هذا الكلام او لا بس حبيت اوضحلكم ابطال الرواية اصلهم من محافظه جنوبيه ماحب اذكر اسمهه .. بس ماجد(ابو علي) و حيدر(ابو هيثم) كانوا اصدقاء من نفس المنطقه وبعد ما تخرجوا و كونوا نفسهم وتزوجوا وصار عندهم اطفال قرروا يفتحون شركتهم الخاصه بمحافظة اربيل و اكو اشياء ما ذكرتهه مثل الحرب الي صار بالعراق بذاك الوقت لان احنه ما صدگنه هذيج الايام خلصت ف محبيت اذكرهه
وهسه اخليكم تقرأون البارت
***************
خلصنه ريوك وغسلت المواعين ورحت للاستقبال گعدت يم نور وبقينه نسولف بمواضيع عاديه ، بعدين عمار اتصل بيه ردت عليه..
خلود: الو
عمار: ها حبي صباح الخير
خلود: صباح النور ، شلونك
جر نفس وگال..
عمار: اخ سمعت صوتج شلون ماصير بخير
خلود: اها
عمار: اي انتي شلونج
خلود: اني بخير شنو بعدك مرايح للشركه
عمار: لا شوي و اروح
خلود: خاف معذبتك تمارة
عمار: لا ما معذبتني
خلود: لعد شبيه صوتك معاجبني
عمار: لا حبيبتي ماكو شي
خلود: اوك
عمار: شصار وياج
خلود: بشنو
عمار: حجيتي ويه نور حتى ترجع لعدنان
خلود: اي
عمار: اي وشنو گالت
خلود: امممم
عمار: ها نور يمج
خلود: اي
عمار: اوك اليوم من ترجعين نحجي بهذا الموضوع
خلود: وانت شنو صار وياك
عمار: محجيت ويه عدنان
خلود: ليش
عمار: لان مريم جانت يمه
خلود:اها
عمار: اي فگلت بالشركة احجي وياه
خلود: اي احسن
عمار: يلا راح اروح اني باي
خلود: باي
نهيت المكالمة وبقيت صافنه و افكر لحد ما انتبهت لنور وهي تحجي وياي..
نور: خلود
خلود: ها
نور: بشنو كنتي تفكرين
خلود: لا ماكو شي ،،، بس شنو ردتي
أنت تقرأ
احببتها منذ الصغر
Short Storyرواية حقيقيه (100%) ابطالهه حبو بعض بكل اخلاص من جيل الام والاب الى جيل الابناء .. بزمن حب الام والاب اجه شخص فرقهم عن بعض لمدة لا تقل عن ١٨ سنه ... بس بالاخير گدروا يرجعون البعض وكملت قصه حبهم اما بزمن حب الابناء .. اجه شي اقوى حاول يمنع حبهم .. بس...
